2 Makani 9
9
Mwami mwanakazi waku-Seba mbwaakaswaya Solomoni
1 #
1 Bam 10:1; Mt 12:42; 13:11,35; Lk 11:31; Int 49:4; 78:2; Tus 1:5; Ezk 20:49 Lino mwami mwanakazi waku-Seba naakaswiilila impuwo ya-Solomoni, wakeza ku-Jerusalemu kuti asunke Solomoni atulabi. Wakeza ampu mba impati loko, ankamele ziyumwide misamu mibotu, angolida zinji, amabwe mayandisi. Lino naakasika kuli-Solomoni wakaambaula awe makani oonse aakali mumoyo wakwe. 2Nkabela Solomoni wakamwaambila makani aakwe oonse. Katakwe cintu niciba comwe icakamukacila Solomoni, ncaakakacilwa kumupandulwida. 3Nkabela mwami mwanakazi waku-Seba, naakabona busongo bwa-Solomoni, aŋanda njaakayakide, 4azilyo zyakuntafule yakwe, abalanda bakwe mbubakakede, abasimilimo bakwe mbubakabeleka, azyakusama zyabo, abasikukutauka bakwe, azyakusama zyabo, azipaizyo zyakwe nzyaakatuula kuŋanda ya-Jehova, moyo wakwe wakaata loko. 5Wakaambila mwami kuti, Impuwo njindakaswiilila kucisi cangu yakali yalusinizyo, nkukuti makani aako amakani aabusongo bwako. 6Nekubaboobo teendakazuminina majwi aabo mane ndakasika akubona ameso aangu ndemwini. Ncobeni teendakalwiidwa niciba cisela cabusongo bwako bupati. Ulainda impuwo njindakaswiilila. 7Bali acoolwe bantu bako! Bali acoolwe balanda bako baimvwi kubusyu bwako lyoonse akuswiilila busongo bwako. 8#Int 72:18,19Alumbwe Jehova Leza wako, nkaambo wakabotelwa nduwe, aboobo wakakubika acuuno cabwami bwakwe, kuti ube mwami kuliJehova Leza wako, Leza wako kayandisya ba-Israyeli, Nciceeco ncaakababambila kabotu akukubika kuti ubeendelezye, ube mwami, ucite lubeta abululami. 9Nkabela wakapa mwami matalenta aangolida aali mwanda amakumi obile, amisamu mibotu amabwe mayandisi manji loko, Katakwe misamu iyakaboneka iyakeelene ayeeyo mwami mwanakazi waku-Seba njaakapa mwami Solomoni.
10 #
1 Bam 5:2-6; 9:27,28; 2 Mak 8:18; Int 72:10; 1 Bam 10:11 Alimwi balanda ba-Huramu abalanda ba-Solomoni, ibakaleta ingolida kuzwa ku-Ofiri, bakeza azisamu zyaalgumi amabwe mayandisi. 11Nkabela zisamu zyaalgumi mwami wakazibezya matantilo aamuŋanda ya-Jehova amuŋanda yamwami, atuntimbwa anyeele zyabasikwiimba. Teekwakaboneka limbi zili boobo mucisi ca-Juda.
12Lino mwami Solomoni wakapa mwami mwanakazi waku-Seba kufumbwa moyo wakwe ncowakayanda, ncaakakumbila, atala azintu zyeelene azeezyo nzyaakaletela mwami. Elyo wakapiluka kulimbabo, walo abalanda bakwe.
Buvubi bwa-Solomoni
13Lino bulemu bwangolida iyakasika kuli-Solomoni mumwaka omwe bwakali matalenta aangolida aali myanda iili musanu aumwi amakumi aali musanu alimwi amusanu alimwi, 14#Int 68:29; 72:10; Is 45:14; 60:6; Jer 25:24kutaamba eyo iyakazwa kubasambazi akulibasikuulisya beendeenda, Abalo bami boonse ba-Arabu abeendelezi banyika bakaletela Solomoni ingolida ansiliva. 15Nkabela mwami Solomoni wakapanga intobo zyangolida zifulidwe zili myanda yobile. Intobo imwi aimwi yakali amasyekeli aangolida iifulidwe aali myanda iili musanu aumwi. 16Alimwi wakapanga zikwabilizyo zili myanda yotatwe zyangolida iifulidwe, Cikwabilizyo cimwi acimwi cakali masyekeli aangolida aali myanda yotatwe, Nkabela mwami wakazibika muŋanda yamucisaka ca-Lebano. 17Alimwi mwami wakapanga cuuno cipati cameja aanzovu akuciziluluzya ingolida iisalala. 18Eco cuuno cakalijisi matantilo aali musanu alimwi, acilyokezezyo camaulu cangolida, izyakajatana acuuno, alimwi kubbazu limwi alimwi lyacikalilo kacijisi zilyokezezyo zyamaboko, abalavu bobile baimvwi kumbali lyazilyokezezyo. 19Alimwi kakuli balavu bali ikumi ababili baimvwi amatantilo aali musanu alimwi kulubazu lumwi alumwi, Teekwakacitwa cimwi ceelene ancico abuniini muzisi zyoonse. 20Nkabela zinywido zyoonse zyamwami Solomoni zyakali zyangolida, azibelesyo zyoonse zyamuŋanda yamucisaka caku-Lebano zyakali zyangolida iisalala. Insiliva teeyakayeeyegwa mbuli cintu mumazuba aa-Solomoni. 21#1 Bam 10:22; 22:48; Int 48:7; 72:10; Is 2:16; 60:9; Jer 10:9; Joh 1:3Nkaambo maato aamwami akali kuya ku-Tarisi antoomwe abalanda ba-Huramu, lino lomwe mumyaka yotatwe maato aa-Tarisi akali kuza akuleta ingolida, ansiliva, ameja aanzovu, abasokwe, ankangantole.
22 #
1 Bam 3:12,13; 10:23,24; Int 89:27; Mt 12:42; Kol 2:2,3 Aboobo mwami Solomoni wakainda bami boonse baansi mubuvubi amubusongo. 23Nkabela bami boonse baansi bakali kuyandaula kubona busyu bwa-Solomoni, kuti baswiilile busongo bwakwe Leza mbwaakabikide mumoyo wakwe. 24#Int 72:10,15Aboonse bakali kuleta umwi aumwi cipo cakwe, zibelesyo zyansiliva, azibelesyo zyangolida, azyakusama, atununkilizyo twamura, azilisyo, amabbiza, ambongolo. Bakali kucita obo myaka yoonse. 25#1 Bam 4:26; 10:26; 2 Mak 1:14Nkabela Solomoni kajisi maanda aali zyuulu zyone aakubika mabbiza ankalaki, abasimbizi bali zyuulu zili ikumi azibili mbaakabika muminzi yankalaki amu-Jerusalemu mwaakabede mwami. 26#1 Bam 4:21; Matl 15:18; Int 72:8Wakali kweendelezya bami boonse kuzwa kulwizi lwa-Firate kusikila kunyika yaba-Filisti akumugaano wa-Egepita, 27#1 Bam 10:27; 2 Mak 1:15Nkabela insiliva mwami wakaivuzya mu-Jerusalemu mbuli mabwe, ayalo misamu yakedari wakaivuzya mbubonya mbuli mikuyu iili mutulundulundu. 28#Dt 17:16; 1 Bam 4:26; 10:26,28; 2 Mak 1:16; Is 2:7; 31:1Amabbiza, Solomoni wakaaletelwa kuzwa kuEgepita akumasi oonse.
29 #
1 Bam 11:29,41; 2 Mak 12:15; 13:22 Lino makani amwi aa-Solomoni, mataanzi amasyaalizi oonse, sa taalembedwe mubbuku lya-Natani musinsimi, amubbuku lyakusinsima kwaAhija waku-Sile, amuzilengano zya-Ido sicilengano nzyaakabona aa-Jeroboamu mwana wa-Nebati? 30#1 Bam 11:42,43Nkabela ciindi Solomoni ncaakeendelezya mu-Jerusalemu kuba-Israyeli boonse cakaba myaka iili makumi one. 31Lino Solomoni naakalala mukabanda abamawisi, wakazikwa mumunzi wa-Davida wisi, elyo Roboamu mwanaakwe nguwakalya izina lyakwe.
Currently Selected:
2 Makani 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.