Baloma 14
14
Mutapani Milandu Nubeni Ubeni
1 #
Bako 2:16
Amumutambule wezo utana kushima mu lushomo, mutakazhanya aze kuli nshaatelaika. 2Muntu umwi ku lushomo lwakwe, ulakonzha kulya kufwumbwa cintu. Pele wezo utana kushima mu lushomo, ulalya bulyo cishu umicelo. 3Wezo ulya, atasampauli mweenzhiina utali, aze wezo utali, teelele kumupa kaambo wezo ulya, nkaambo aze Leza wakamutambula. 4No ndiweni uwe, nuubeteka u kupa kaambo kumusebezhi wa muntu umwi? Cili bulyo ku Mwami wakwe ice, nguukonzha kumukosolela. Pele inzho ndizhi ati, ulakonzha kushima nkaambo Mwami ulakonzha kumuyohwelezha.
5Nkaambo muntu umwi ulatelaika ati buzuba bumwi buli kabotu kukomba Leza kubaala bumwi. Pele aze umwi ulatelaika ati mazuba oonse alikozhene bulyo. Ubobo muntu woonse ulyeelele kulamwa mu monzo wakwe mwini. 6Wezo uulemeka buzuba bumwi, ulacita bobo kulemeka Mwami. Aze wezo uulya kufwumbwa cakulya, ulacita bobo kumulemeka Mwami, nkaambo ulalumba Leza. Aze wezo uuliimya cakulya, ulacita bobo kulemeka Mwami ulimwi ulalumba Leza. 7Nkaambo kwiina muntu naaba womwi akati kesu, uupona mwini, nikuba wezo uufwa mwini. 8Nkaambo nitukwete bumi, tuli boomi mu Mwami, unitufwa, tulafwila mu Mwami. Ubobo nituli boomi, naa nitufwa, tuli bakwe Mwami. 9Ukaambo ka ceco, Kilisito wakafwa, u kubuka ku bafwu kwaamba ati abe Mwami waboonse ba bumi ubafwile.
10 #
2 Bako 5:10
No ndiweni uwe, nuubeteka u kupa kaambo munyoko? No aze nkaamboonzhi, ulasampaula munyoko? Inta kayi toonse tulakazhima kumbele lya cibetekelo ca Leza. 11#Aiz 45:23Nkaambo Malembe alilembelwe ati,
Leza wakaamba ati, “Kufwumbwa kuti ncipona, mbwaamba Mwami
mahwi oonse alakamfwukamina,
ulimwi u milaka yoonse, ilakahumina ati ndime Leza.”
12Ubobo woonse wesu, ulakalyaambilila makani a shesho nshaakacita, ku bushu bwa Leza.
Mukilisito noko Utamuunsha mu Lushomo
13Ukaambo kako, tatubetekani linji, pele tuteelezhanye ati, tutabi nitubika cilifwumpuzho niciba cilebyo munzhila ya mukwesu. 14Ndizhi ulimwi ndizhishi ucakutakazha ku Mwami Jeso ati, kwiina cintu niciba comwi cibisha muntu pe. Pele ku muntu ulitelaisha ati ncibi, kuli wezo, ncibi cini cini. 15Nkaambo na munyoko mu lushomo ulapenzhewa ukaambo ka shilyo shesho nshuulya, nkukuti tuceenda linji mu lufwuno. Ubobo utalecela cilyo ceco ncuulya kwaamba cizonaune uumwi wa babo mbaakafwila Kilisito. 16Inzho amucenjele kwaamba ati mutapi bantu kaambo kakusampaula bubotu mbumucita. 17Nkaambo bwami bwa Leza, tabuli bwakulya ukunwa pe. Pele mbwa bululami, mbwa luumuno u kubotelwa kuletwa mu Moza Usalala. 18Nkaambo wezo usebezela Kilisito munzhila yezhi, watambula ukubotezha Leza, ubobo u bantu bamuhumina, cini cini ati musebezhi wa Leza.
19Ubobo atucite shesho shikonzha kuleta luumuno u kuzakana mu lushomo. 20Utazonauni milimo ya Leza ukaambo ka cakulya pe. Cini cini shintu shoonse shilasalala shilakonzha kuliwa, pele mukilisito ulabisha ciindi naalya ceco cikonzha kuleta kulifwumpula ku mweenzhiina. 21Ncibotu kulilesha kulya buzani, naa kunwa cikola nikuba kucita cimwi cintu ucikonzha kuleta kulifwumpula ku munyoko. 22Lushomo lwako nduukwete, ube alo umwini kumenso a Leza. Uli u coolwe wezo utalibeteci mwini ceco ncaakahumina. 23Pele wezo ucikazha, naalya cintu wabisha kale, nkaambo shesho nshaacita tashishomi ati shilyeelele kucitwa. Ubobo kufwumbwa citali ca lushomo ncibi.
Currently Selected:
Baloma 14: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.