Baloma 13
13
Kulemeka Baleli ba Cishi
1Muntu woonse ulyeelele kupupulala u kuteelela baleli. Nkaambo kwiina bulelo cita buhwa kwa Leza. Baleli baliwo Leza nguwakabapa u kubabika. 2Nkaambo wezo utateeleli, nkukuti ulakaka cakabikwa u Leza. Nkaambo wezo ucita bobo ulapewa cisubulo. 3Nkaambo baleli tabeelele kutiiwa pe, ku bantu bacita shibotu, cita kuti bacita cibiyabi. Sa ulazanda kutatiya baleli? Cita ciluleme, ubobo muleli ulakakulumbaizha cini cini. 4Nkaambo muleli mutwanga wa Leza, uukucitila shibotu. Pele kuti naa ulacita shibiyabi, mutiye muleli, nkaambo ulikwete insana ushakukupa cisubulo. Nkaambo muleli, mutwanga wa Leza, uusubula bacita shibi mu busena bwakwe Leza. 5Nkukaambo kako mulyeelele kupupulala u kuteelela baleli, ukutali bulyo ati, kamutiya bukali bwa Leza bulyo. Pele nkaambo ka matelaishi enu nubeni, ati mulyeelele kucita bobo. 6#Mat 22:21; Mk 12:17; Lk 20:25Nciceco ncicona ncimupela mutelo, nkaambo baleli mbatwanga ba Leza nibacita mulimo wezu. 7Ubobo amutele shikwelete shoonse; Amupe mitelo kuli babo beelele kupewa mitelo, amupe bulemu kuli babo beelele kupewa bulemu.
Kuzandana
8Mutakwati cikwelete ku muntu, cita bulyo cakufwunana. Nkaambo uufwini mweenzhiina ulazuzucizha Mulawo wa Leza. 9#Kul 20:14; Ciz 5:18; Kul 20:13; Ciz 5:17; Kul 20:15; Ciz 5:19; Kul 20:17; Ciz 5:21; Bale 19:18Nkaambo Milawo yaamba ati, “Utaciti bumambe, utayaya, utebi, utabi shimunyono,” u milawo imwi yoonse ilashimpila a Mulawo wezu waamba ati, “Fwuna mweenzhinoko umbona mbuulifwini umwini.” 10Uufwini mweenzhiina, takonzha kumubishizha. Ubobo uufwini mweenzhiina, wazuzucizha shoonse shaamba Mulawo.
Amucenjele
11Ubobo amucite sheshi, nkaambo mulizhi ati ciindi cakubuka kuhwa kutulo cashika. Nkaambo, ciindi cakwaamba tufwutulwe cili afwaafwi kubaala mbucakaakubele lelyo nitwakashoma. 12Bushiku bwaumbuluka, bulazanda kuca. Inzho atuleke milimo yoonse yoomushinze, tubweze shilwisho shamumuni. 13Atweende bweelele, mbuli bantu beenda mashikati. Tutabi bashindya, na bakolwa, na bacita shitaluleme, na balwati, na bashimunyono. 14Pele amusame Mwami Jeso Kilisito, mutashiteeleli shaku mubili, ulimwi ukubotelwa micito yanshisho.
Currently Selected:
Baloma 13: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.