Tononkira dia Tononkira 4
4
1Eny, tsara tarehy ianao, ry malalako; eny tsara tarehy ianao#4,1-6 Fiderana ny ampakarina ataon’ny mpampakatra; antsoiny sy asainy hanaraka azy izy..
Masom-boromahailala ny masonao saronan’ny voalinao;
ny volonao toy ny andian’osivavy,
miantsampitsampy eny ankisolosolon’ny tendrombohitr’i Galaada#4,1 Galaada: tany be vilona tsara, ka fiompiana omby aman’ondry, fa indrindra osy izay betsaka dia betsaka..
2Ny nifinao, toy ny andian’ondrivavy voahety,
miakatra avy any amin’ny fampandroana azy,
samy manana anaka kambana,
ary tsy misy bada izy ireo na dia iray aza.
3Tahaka ny kofehy jaky ny molotrao,
ary mahafinaritra ny vavanao;
tahaka ny voan’ampongabendanitra misasaka ny takolakao,
alokalofan’ny voalinao.
4Tahaka ny tilikambon’i Davida ny vozonao,
izay nataony trano fitahirizam-piadiana,
ka ihantonan’ampinga arivo,
dia ny ampingan’ny mahery rehetra.
5Tahaka ny zanaky ny gazela ny nononao roa,
tahaka ny kambana roa zanaky ny gazela iray,
izay mihinana eny amin’ny lisy.
6Alohan’ny hangatsiatsiahan’ny andro,
sy hahalasanan’ny aloka
dia ho eny an-tendrombohitry ny mira aho,
sy ho eny amin’ny havoan’ny emboka.
7Fa tsara tarehy indrindra ianao, ry malalako,
sady tsy misy panda aminao!
8Avia, hiaraka amiko, avy any Libàna, ry fofom-badiko,
avia hiaraka amiko, avy any Libàna!
Topazo maso avy eny an-tampon’i Amàna#4,8 Avy eny an-tampon’i Amàna: I Amàna dia ilan’i Libàna izay atao hoe: Antilibana ary mitodika an’i Damasa izy.,
avy eny an-tampon’i Sanira#4,8 Ary eny an-tampon’i Sanira: Sanira dia anarana hafa entin’ny Amôreana hilazana an’i Hermôna, izay natao hoe Siriôna koa. sy i Hermôna,
avy any amin’ny lavaky ny liona,
sy ny tendrombohitry ny leoparda.
9Efa lasanao ny foko, ry havako, ry fofom-badiko,
efa lasanao ny foko tamin’ny masonao indray mijery monja,
tamin’ny singam-boahangy eo amin’ny fehivozonao!#4,9-16 Filazana ny hatsaran-tarehy sy ny hatsaran-toetran’ny ampakarina.
10Endrey izany hamamin’ny fitiavanao, ry havako voafofo,
endrey izany hatsaran’ny fitiavanao mihoatra noho ny divay;
ary mihoatra noho ny zava-manitra rehetra, ny fofon’ny hanitrao!
11Mitete tantely ny molotrao, ry voafofo;
ny tantely sy ny ronono dia ao ambany lelanao,
ary sahala amin’ny fofon’i Libàna, ny fofon’ny fitafianao.
12Ny anabaviko voafofo dia tanimboly voahidy,
loharano voahidy, fantsakana voaisy tombokase.
13Ny tsirinao dia alan’ampongabendanitra,
misy sipresy sy narda,
14narda sy safrana,
kanela sy sinamôma,
mbamin’ny hazo rehetra misy emboka,
mira sy aloesy,
mbamin’ny hazo rehetra mahavokatra diloilo manitra tsara indrindra.
15Loharanon’ny zaridaina,
fantsakan-drano velona,
sakeli-drano mandeha avy any Libàna.
Ampakarina
16Mifohaza, ry rivotra avy any avaratra, avia ry rivotra avy any atsimo!
Mitsofa eo an-tanimboliko, hitetevan’ny hazo mahavokatra dity manitra.
Aoka hiditra ao an-tanimboliny ny malalako,
ka hihinana amin’ireo voankazony tsara tarehy!
Currently Selected:
Tononkira dia Tononkira 4: MBC
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen-GB.png&w=128&q=75)
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.