Tononkira dia Tononkira 3
3
1Teo am-pandriako aho, nony alina,
nitady ilay malalan’ny fanahiko;
nitady azy aho, fa tsy nahita...
2Ka hoy aho anakampoko: «Andeha hifoha aho hitetitety ny tanàna,
ny lalam-be sy ny kianja,
hitady ilay malalan’ny foko.»
Dia nitady azy aho fa tsy nahita.
3Tojo ahy ny mpiambina izay misafo ny tanàna:
- Mba hitanareo va ilay malalan’ny foko? -
4Vao tafahoatra an’ireo kely foana aho,
dia nahita an’ilay malalan’ny foko.
Nohazoniko izy, fa tsy navelako nandeha,
mandra-pampiditro azy any an-tranon’i neny,
sy any amin’ny efitranon’ilay nahitako masoandro.
Mpampakatra
5Ry zanaka vavin’i Jerosalema, izaho miangavy anareo indrindra,
noho ny gazela sy ny serfa vavy eny an-tsaha,
aza fohazinareo, aza fohazinareo ny malalako,
raha tsy efa sitrapony.
TONONKALO FAHATELO
6Iza izato#3,6-11 Iza izato, sns. Na hoe: Iza izao...? Filazana ny fahatongavan’ny mpampakatra amim-pomba lehibe. Oharina amin’ny filanjanan’i Salômôna ny filanjàny. miakatra avy any an’efitra,
tahaka ny setroka mijoalajoala,
manitra mira aman’emboka,
mbamin’ny zava-manitra rehetra avy amin’ny mpandranto?
7Iny eny, ny filanjàn’i Salômôna;
otronin-dehilahy mahery enimpolo,
avy eo amin’ireo lehilahy maherin’i Israely;
8samy mitan-tsabatra avokoa,
ary zatra ady.
Samy eny am-balahany avy, ny sabany,
hampisava ny fahatahorana amin’ny alina.
9Nanao filanjana ho azy i Salômôna mpanjaka,
tamin’ny hazo avy any Libàna.
10Nataony volafotsy ny andriny,
volamena ny fiankinana, jaky ny fipetrahana;
amborodao ny eo afovoany,
asam-pitiavana avy amin’ny zanaka vavin’i Jerosalema.
11Mivoaha, ry zanaka vavin’i Siôna#3,11 Mivoaha ry zanaka vavin’i Siôna: Ny zazavavy mpanotrona ny ampakarina no miantso ny zazavavy hafa mba hivoaka hijery ny mpampakatra vohaingo tsara., jereo i Salômôna mpanjaka,
misatroka ny satroboninahitra, nasatro-dreniny azy
amin’ny andro ampakarany vady,
amin’ny andro ifalian’ny fony.
Currently Selected:
Tononkira dia Tononkira 3: MBC
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen-GB.png&w=128&q=75)
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.