Mpit 1
1
1Tenin’ny Mpitory teny#1,1 Mpitory teny, Zanak’i Davida: i Salômôna no lazaina amin’izany., zanak’i Davida,
mpanjaka tao Jerosalema.
2Zava-poana dia zava-poana, hoy ny Mpitory teny,
zava-poana dia zava-poana!
Zava-poana ny zavatra rehetra.
3Inona no soa azon’ny olona,
amin’ny fisasarana rehetra ikezahany atỳ ambany masoandro?
FIZARANA VOALOHANY
Teny mialoha
4Lasa ny taranaka iray, tamy ny taranaka iray.
Ary ny tany maharitra mandrakariva ihany.
5Miposaka ny masoandro, milentika ny masoandro,
ary dodona izy mba hody any amin’ny fonenany,
dia miposaka avy any ihany indray.
6Mianatsimo ny rivotra, dia mihodina mianavaratra,
vao misampotina indray,
ka manomboka mihodina toraky ny teo.
7Mankany amin’ny ranomasina avokoa, ny renirano,
nefa tsy feno ny ranomasina;
any amin’ny toerana alehany
no ankanesany tsy tapaka.
8Miasa avokoa ny zavatra rehetra,
mihoatra noho ny azo lazaina;
ny maso tsy mamo mijery;
ary ny sofina tsy ketra-mihaino.
9Izay efa teo no ho eo,
ary izay efa natao no hatao,
fa tsy misy zava-baovao atỳ ambany masoandro.
10Raha misy zavatra lazaina hoe: He, vaovao izany!
dia efa nisy sahady tamin’ny siekla talohantsika izany zavatra izany.
11Ny taloha tsy tsaroan’ny olona;
ny ho avy any aoriana koa,
tsy hamela fahatsiarovana,
ao amin’izay ho velona rahatrizay.
1. Fiainan’i Salômôna
12Izaho, Mpitoriteny, dia efa mpanjakan’i Israely, tao Jerosalema#1,12 Sy ny manaraka. Maro ny zavatra voalaza eto no mifanaraka amin’izay voatantara ao amin’ny bokin’ny Mpanjaka sy ny Tantara momba an’i Salômôna; ka izany dia toa manamarina hoe: Zanak’i Davida, fa tsy maintsy ho i Salômôna no namorona ity bokin’ny Mpitory teny ity.,
13ary nampiasa ny saiko aho,
hikaroka sy hamantatra amin’ny fahendrena,
ny zavatra rehetra atao atỳ ambany masoandro:
asa manasatra izany,
nefa asain’Andriamanitra ilofosan’ny zanak’olombelona#1,13 Ny zanak’olombelona: Teny miverimberina matetika ao amin’ny Soratra Masina izany, ka ny heviny anefa dia hoe: olona, olombelona, fa manga kokoa ny milaza hoe zanak’olombelona, noho ny mamantana fotsiny hoe olona, na olombelona..
14Nodinihiko avokoa ny zavatra atao etỳ ambany masoandro,
ka indro, zava-poana amam-panenjehan-drivotra daholo.
15Ny meloka, tsy mety mihamahitsy indray,
ary ny tsy eo, tsy azo isaina.
16Hoy aho anakampo:
Indro efa nahazo ny fahendrena be sy miavosa aho,
mihoatra noho izany rehetra talohako teto Jerosalema,
ka nanam-pahendrena amam-pahaizana ampy be ny foko.
17Nampiasa ny saiko aho, hahalala ny fahendrena,
sy hahalala ny hadalana amam-pahatezerana,
dia fantatro fa fanenjehan-drivotra ihany koa izany,
18Satria rehefa be fahendrena, be alahelo koa#1,18 Raha be fahendrena, be alahelo koa. Araka ny fananana fahendrena, hoy i Masindahy Jérôme, raha mivaofy io andininy io izy, no ahitan’ny olona ny tenany toa sazohin’ny haratsiana ary toa manalavitra ny hatsaram-panahy.;
ary izay mampitombo ny fahaizany, mampitombo ny fahoriany koa.
Currently Selected:
Mpit 1: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.