Ohabolana 31
31
8. TENIN’I LAMOELA
1Tenin’i Lamoela#31,1 I Lamoela. Io anarana io dia teny hebrio. ka ireto avy no lazain’ny ankamaroan’ny mpivaofy ny Soratra Masina ho dikany: an’Andriamanitra, Andriamanitra momba azy, voahosotra ho an’Andriamanitra; ary izy io anefa, tsy iza fa i Salômôna ihany, satria na oviana na oviana dia tsy nisy mpanjakan’i Israely na i Jodà izay nitondra izany anarana izany, sady tsy mba hita na oviana na oviana ao amin’ny Soratra Masina koa ny lahatenin’ny mpanjaka Jentily. mpanjaka. Oha-teny nampianarin-dreniny azy.
2Inona no ho lazaiko aminao, anaka? Inona no holazaiko,
ry zanako nateraky ny kiboko?
Inona no holazaiko aminao, anaka, ianao izay nalehan’ny faniriako!
3Aza atolotra ny vehivavy ny herinao;
na ny lalanao an’ireo vehivavy mamery mpanjaka.
4Tsy mba an’ny mpanjaka#31,4 Tsy mba an’ny mpanjaka: izany hoe, raha ny mpanjaka no misotro divay, ary ny mpanapaka no mamely toaka, dia sady hianaran’ny vahoaka izy ireo, no tsy hiditra amin’izay izy ny fitondram-panjakana. Jereo andininy 5-7., ry Lamoela,
tsy mba an’ny mpanjaka ny misotro divay,
na an’ny mpanapaka ny mitady toaka;
5fandrao manadino ny lalàna izy, raha misotro;
ka mamily ny rariny ananan’ny mahantra rehetra.
6Fa ny efa ho faty no omeo toaka,
ary ny efa vontom-pahoriana ny fanahiny no omeo divay;
7aoka hisotro izy, ka hanadino ny fahoriany
ary tsy hahatsiaro ny manjò azy intsony.
8Sokafy ny vavanao hanasoavana ny moana,
sy hanohana ny resy tondro maso rehetra manana ady.
9Sokafy ny vavanao, mamoaha fitsarana marina,
ary omeo rariny ny ory sy ny mahantra.
9. NY VEHIVAVY MAHERY FO#31,10 Vehivavy mahery fo. Ny Rain’ny Eglizy mihevitra fa izany vehivavy mahery fo izany, dia tandindon’ny Virjiny Masina sy ny Eglizin’i Jesoa Kristy.
Alef
10Iza no mba mety mahita vehivavy mahery fo?
mihoatra lavitra noho ny an’ny voahangy, ny tombany.
Bet
11Matoky azy, ny fon’ny lahy,
ary tsy mba handao azy ny tombony miditra
Gimel
12Soa ny ataony aminy, fa tsy mba ratsy;
amin’ny andro rehetra iainany.
Dalet
13Mamory ny volon’ondry aman-drongony izy,
dia miasa an-kafaliana#31,13 Miasa an-kafaliana, izany hoe, tsy mba lamba na fitafiana efa vita no vidiny; fa ny tanany no entiny manao izany. amin’ny tanany.
He
14Manahaka ny sambon’ny mpandranto izy,
mitondra ny haniny, avy lavitra.
Vao
15Mifoha mbola alina izy,
dia manome hanina ny ankohonany,
sy lahasa ho an’ny ankizy vaviny.
Jain
16Mandinika saha izy, dia mividy azy,
ary mamboly tanimboaloboka amin’izay efa azon’ny tanany.
Het
17Sikinany hery ny valahany,
ary hatanjahany ny sandriny.
Tet
18Tsaroany mamy ny tombony efa azony,
tsy maty jiro izy mandritra ny alina.
Iôd
19Mandray ny fihazonam-bohavoha ny tanany;
ary mihazona ny ampela ny rantsan-tanany.
Kaf
20Manatsò-tanana amin’ny ory izy;
ary mamela-tanana amin’ny mahantra.
Lamed
21Tsy atahorany fanala ny ankohonany,
fa voatafy lamba mena antitra avokoa izy ao an-tranony.
Mem
22Manao firakotra ho azy izy,
manam-pitafiana rongony fotsy madinika sy jaky izy.
Non
23Fantatra tsara ny lahy eo am-bavahady,
raha mipetraka hitsara miaraka amin’ny loholona.
Samek
24Manao akanjo lobaka izy, hamidiny;
ary mivarotra fehikibo amin’ny mpandranto#31,24 Mpandranto: dia ny Kananeanina izany, satria nalaza mihitsy izy ireo fahiny tamin’ny varotra; ka noho izany ny hoe: Kananeanina, dia mitovy hevitra amin’ny hoe: Mpivarotra, mpandranto..
Ain
25Ny hery sy ny hasoavana no firavaka eny aminy,
ary ny andro ho avy ihomehezany.
Fe
26Amim-pahendrena no isokafan’ny vavany,
ary teny soa no eo amin’ny lelany.
Tsade
27Mitandrina ny alehan’ny ankohonany izy;
ary tsy mba mihinana mofom-pahakamoana.
Kôf
28Ny zanany lahy mitsangana ka milaza azy hoe sambatra;
ny vadiny koa mitsangana manome fankalazana azy.
Resh
29Maro ny zaza vavy miseho ho tsara fanahy,
fa ianao kosa anefa dia tafahoatra azy rehetra.
Shin
30Fitaka ny bika soa, zava-poana ny hatsaran-tarehy;
fa ny vehivavy matahotra an’i Iaveh ihany no hoderaina.
Tao
31Aoka ny vokatra avy amin’ny tanany homena azy;
ary aoka hitory fiderana eo am-bavahady ny asany.
Currently Selected:
Ohabolana 31: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.