Apocalípsis 3
3
Sardis markacho kaykaq yärakuqkunaman cartakushqan
1<<Sardis markacho kaykaq iglesiapa angilninpaq kay nishqäta qelqay: Noqami Tayta Diospa qanchis espïritunkunata sararaykä. Noqami makïcho qanchis qoyllarkunata sararaykä.#Apoc. 1.20.
<<Noqa rikaykämi lapan rurayashqaykikunata. Tayta Dios munashqanno kawaykäyashqaykita runakuna yarpäyaptinpis qamkunaqa wanushnömi kaykäyanki.
2<<Shonquykikuna manaraq chukruyashqanyaq Tayta Dios munashqanno kawayänaykipaq shumaq yarpachakuyay. Alita ruraykäyashqaykita yarpäyaptikipis Tayta Diospaqqa mana alimi kaykan. 3Yachakuyashqaykita y wiyayashqaykita mana qonqaypa wiyakuyay. Jusalikuyta wanakur munashqänöna kawayay. Sayno mana kawayaptikiqa elaqpita suwa shamushqannömi qamkunata castiganäpaq shamushaq.#Mat. 24.43-44; Luc. 12.39-40; Apoc. 16.15.
4<<Walkaqlami Tayta Dios munashqanno kawaykäyanki. Sayno kawayashqaykipitami yuraq mödanayki jatish nawpächo kawayanki. 5Imano nakarpis mana ajayaypa yärakamuqkunaqa yuraq mödanan jatishqami kayanqa. Paykunapa jutinkunata Libru de la Vïdapita#Éxo. 32.32-33; Sal. 69.28; Apoc. 20.12. manami börrashaqsu. Taytäpa y angilkunapa nawpanchömi favornin parlashaq.#Mat. 10.32; Luc. 12.8.
6<<Espíritu Santumi iglesiakunata sayno nikan. Rinriyuq kaqkunaqa nishqäkunata wiyakuyäsun.
Filadelfia markacho kaykaq yärakuqkunaman cartakushqan
7<<Filadelfia markacho kaykaq iglesiapa angilninpaq kay nishqäta qelqay: Noqaqa santumi kaykä. Nishqäkunata cumplïmi. Davidpa llävinpa wawantami sararaykä. Saymi punkuta kichaptï pipis wichqanqasu. Wichqapaptï manami pipis kichanqasu.#Isa. 22.22.
8<<Noqa rikaykämi lapan rurayashqaykikunata. Munayniynaq kaykarpis mana ñëgamaypami nishqäkunata cumpliyashkanki. Saymi gloria punkuta kichapashkä. Say punkupa yaykuyaptiki manami pipis michäyäshunkisu.
9<<Markaykicho wakin runakuna <Tayta Dios kuyashqan Israel runami kayä> nikarpis lulakuykäyanmi. Paykunaqa Satanás munashqantami ruraykäyan. Tayta Dios kuyashqan runakuna kayashqanta niyaptinpis qamkunatami noqa kuyä. Sayta musyayänanpaqmi#Isa. 43.4. puntaykiman qonqurpakuyänanpaq mandashaq.#Isa. 49.23; 60.14.
10<<Nishqäta cumplirmi imano nakarpis mana ajayaypa yärakaykäyämunki. Sayno kayashqaykipitami maysaycho taq runakuna fiyupa nakayänanpaq kaq tiempu#Dan. 12.1; Mat. 24.21-22. chämuptinpis qamkunawan kaykäshaq.
11<<Noqa shamunäpaqnami kaykä. Sayno kaykaptinqa yachasishqäkunata mana qonqaypa wiyakuyay. Saynöpami corönaykita pipis qechushunkisu. 12Imano nakarpis mana ajayaypa yärakamuqkunataqa Diosnïpa templuncho columna kayänanpaqmi churashaq. Saymi mana yarquypa saycho imayyaqpis kayanqa. Paykunamanmi Tayta Diosnïpa jutinta y markanpa jutinta qelqashaq. Say marka jana pasapita shamuq mushuq Jerusalénmi kaykan.#Apoc. 21.2. Saynölami kikïpa mushuq jutïtapis paykunaman qelqashaq.#Isa. 62.2; 65.15.
13<<Espíritu Santumi iglesiakunata sayno nikan. Rinriyuq kaqkunaqa nishqäkunata wiyakuyäsun.
Laodicea markacho kaykaq yärakuqkunaman cartakushqan
14<<Laodicea markacho kaykaq iglesiapa angilninpaq kay nishqäta qelqay: Noqami Tayta Dios promitishqankunata cumplï. Imaypis rasun kaqlatami nï. Noqawanmi Tayta Dios lapantapis kamarqan.#Prov. 8.22-31; Juan 1.3.
15<<Noqa rikaykämi lapan rurayashqaykikunata. Musyämi alaqpis ni akaqpis mana kayashqaykita.#3.15 Alaq karqa Jesucristuta manami cäsukuyansu. Akaq karmi isanqa Jesucristuta lapan shonqunwan kushish cäsukuyan. Saypa trukanqa alaqpis o akaqpis kayankiman. 16Wawaquñuyla kayaptikimi shimïpita aqturishayki.
17<<Rïcu kayashqaykiman atiënikurmi imapis mana pishïyäshushqaykita nikäyanki. Sayno nirpis manami cuentata qokuyankisu kuyapaypaq pobri, qapra y qarapächula kaykäyashqaykita. 18Rasunpaypa rïcu kayta munarqa ninawan sulusish qori püruta noqapita rantiyay. Qarapächu kayta mana munarqa yuraq mödanata noqapita rantiyay. Qapra kayta mana munarqa noqapita jampita rantiyay. Saynöpami rïcu, ali mödanash y ali rikaq kayanki.
19<<Kuyashqä kaqtaqa lutanta ruraptin corrigïmi.#Prov. 3.12; Heb. 12.6. Sayno kaptinqa jusalikuyta wanakur lapan shonquykikunawan sirviyämay. 20¡Tantiyakuyay! Punkuykichömi qayakaykämü. Mayqaykipis qayakamushqäta wiyar kichapämaptikiqa yaykamuptï juntumi mikushun. 21Imano nakarpis mana ajayaypa yärakamuqkunataqa noqawan mandaq kayänanpaqmi churashaq.#2Tim. 2.12; Apoc. 20.4, 6; 22.5. Satanásta vincishqäpitami#Juan 16.33; Apoc. 5.5. noqatapis Taytä churamash paywan imayyaqpis mandaq kanäpaq.
22<<Espíritu Santumi iglesiakunata sayno nikan. Rinriyuq kaqkunaqa nishqäkunata wiyakuyäsun>>.
Currently Selected:
Apocalípsis 3: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.