Salāmo 150
150
‘Ia Matuā vivi‘i atu i le Atua
1‘Ia ‘outou vivi‘i atu i le ALI‘I.#Sala 68.34
‘Ia ‘outou vivi‘i atu i le Atua i lona malumalu;
‘ia vivi‘i atu ‘outou ‘iā te ia i le vā nimonimo o i ai lona malosi.
2‘Ia ‘outou vivi‘i atu ‘iā te ia ‘ona o ana mea mamana;#Teu 3.24; Sala 145.12
vivi‘i atu ‘iā te ia e tusa ma lona silisili ‘ese.
3‘Ia ‘outou vivi‘i atu ‘iā te ia i le leo o le pū;
vivi‘i atu ‘iā te ia i le napeli ‘atoa ma le kitara.
4‘Ia ‘outou vivi‘i atu ‘iā te ia i le topa ma le siva;#Iopu 21.12; Sala 149.3; Isai 38.20
vivi‘i atu ‘iā te ia i le menima ma le fa‘aili.
5‘Ia ‘outou vivi‘i atu ‘iā te ia i sumepalo ta‘alili;#1 No 15.28
vivi‘i atu ‘iā te ia i sumepalo leo tetele.
6‘Ia vivi‘i atu i le ALI‘I o mea uma lava e mānava.#Sala 145.21; Fa‘aa 5.13
‘Ia ‘outou vivi‘i atu i le ALI‘I.
Currently Selected:
Salāmo 150: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.