Salāmo 149
149
‘Ia vi‘ia le ALI‘I e ona tagata
1‘Ia ‘outou vivi‘i atu i le ALI‘I.#Sala 33.3; 89.5; Isai 42.10
‘Ia ‘outou pepese i le ALI‘I i le pese fou;
pepese i lona vi‘iga i le fa‘apotopotoga a ona tagata amio Atua.
2‘Ia fiafia Isaraelu i lē na faia i latou;#Iopu 35.10; Sala 95.6; Saka 9.9
‘ia ‘oli‘oli le fānau a Siona i lo latou Tupu.
3‘Ia latou vivi‘i atu i lona suafa ma le siva,#Eso 15.20; 2 Samu 6.14
‘ia latou fai pesega ‘iā te ia i le topa ma le kitara.
4Auā o lo‘o fiafia le ALI‘I i lona nu‘u;#Sala 147.11; Fa‘ata 11.20
e fa‘amatagofie e ia i le olataga ē ‘ua agamalū.
5‘Ia ‘oli‘oli i le mamalu ē ‘ua amio Atua;
‘ia latou ‘alalaga fiafia i o latou moega.
6‘Ia i ai i o latou gutu o fa‘ane‘ene‘ega i le Atua;#Sala 66.17; Fa‘aa 1.16
‘ia i ai fo‘i i o latou lima le pelu e fa‘atau ma‘ai itū;
7‘ina ‘ia faia le taui ma sui i nu‘u ‘ese,
o le a‘oa‘iga i nu‘u;
8‘ina ‘ia noanoatia o latou tupu i maea u‘amea,
ma o latou ali‘i mamalu i noataga u‘amea;
9‘ina ‘ia faia ‘iā i latou o le fa‘amasinoga ‘ua tusia.
‘Ua i ona tagata amio Atua uma lava lenā mamalu.
‘Ia ‘outou vivi‘i atu i le ALI‘I.
Currently Selected:
Salāmo 149: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.