Fa‘ata‘oto 5
5
O le Leaga o le Faita‘aga
1Lo‘u atali‘i e,
‘ia e fa‘alogo mai i lo‘u poto;
‘ia ua‘i mai ou taliga i lo‘u fa‘autauta.
2‘Ina ‘ia e tausiusi i le mafaufau;
ma ‘ia leoleoina le poto i ou laugutu.#Mala 2.7
3Auā e fa‘asisina ifo meli a‘i laugutu o le fafine ‘ese;
o lona gutu fo‘i e sili ‘ona molemole i le suāu‘u;
4‘ae mulimuli ane ‘ua ‘o‘ona ia, e pei o le laena;
e ma‘ama‘ai o ia, e pei o le pelu ‘ua fa‘atau ma‘ai ona itū.#Sala 149.6; Fai 7.26; Paru 3.15
5E ō ifo ona vae i le oti; e taunu‘u atu ona la‘asaga i seoli.
6‘Ina ne‘i e mafaufau i le ala o le ola,
o lea ‘ua fesēa‘i ai ona ala; ‘e te lē mafai ‘ona e iloa.#Fa‘ata 4.26
7O lenei, le fānau e,
‘ia ‘outou, fa‘alogo mai ‘iā te a‘u;
‘aua fo‘i ne‘i ‘alo ‘ese ‘outou i ‘upu a lo‘u gutu.
8‘Ia taumamao lou ala ‘iā te ia;
‘aua fo‘i ‘e te fa‘alatalata i le faitoto‘a o lona fale;
9‘ina ne‘i e avatu matagofie i nisi ma ou tausaga i lē ‘ua sauā;
10‘ina ne‘i malilie tagata ‘ese i au ‘oloa;
ne‘i i ai fo‘i mea na e tigā ai i le fale o le tagata ‘ese;
11‘ona e ōi ai lea i ona po amulī, pe a fa‘aumatia lou tino uma,
12ma e fa‘apea ane,
“Sa tele na‘uā lo‘u ‘ino‘ino ‘ina a‘oa‘oina ma ‘ua tete‘e atu e lo‘u loto le a‘oa‘iga;#Sala 107.11; Fa‘ata 1.22, 25, 29
13na ‘ou lē fa‘alogo fo‘i i ‘upu a ē na a‘oa‘o mai ‘iā te a‘u;
ma ‘ua lē ua‘i atu o‘u taliga i o‘u a‘oa‘o.
14Toetoe lava, ‘ua ‘atoa mea leaga ‘ua ‘ou i ai,
o i luma lava o le fa‘apotopotoga ma le saofa‘iga.”
15‘Ia e inu vai ai lou lava vailepa ma vai e tafe mai ai lou lava vai‘eli.#Pese 4.12, 15; Iere 2.13
16‘Ia fa‘asalalau solo ou vaipuna ma ou vaitafe i malae;
17‘ia fai mo oe ia vai, na o oe lava;
‘ae ‘aua le fa‘atasi ma oe tagata ‘ese.#Fa‘ata 14.10
18‘Ia manuia lou vaipuna ma ‘ia e fiafia i lau avā na fai a o e taule‘ale‘a.
19‘Ia pei o le ‘aila pele o ia ma le ‘oti o le vao e matagofie;
‘ia malie oe i ona susu i aso uma; ‘aua le aunoa ‘ona e matuā fiafia i lou alofa ‘iā te ia.#Pese 2.9, 17
20Lo‘u atali‘i e,
pe se a fo‘i le mea ‘e te fiafia ai i le fafine ‘ese;
ma e fusi le fatafata o le fafine ‘ese?
21Auā o lo‘o i luma o fofoga o le ALI‘I o ala o le tagata;
na te fuatia fo‘i ona ala uma.#Iopu 31.4; Sala 119.168; Iere 16.17; Epe 4.13
22O ana amio leaga e maua ai lava lē ‘ua agasala;
o maea o ana agasala e tāofia ai o ia.
23E oti lava o ia, a o le‘i a‘oa‘oina;
o le tele o lona valea e sesē ai o ia.#Iopu 4.21; Fa‘ata 10.21
Currently Selected:
Fa‘ata‘oto 5: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.