Fa‘ata‘oto 6
6
O le Paiē o mea ‘ua ‘Inosia e le Atua; o le Usiusita‘i e Lelei Lea
1Lo‘u atali‘i e,
‘āfai ‘ua fai oe ma moni o lau uō;
‘āfai ‘ua fetāgofi i lima mo le tagata ‘ese,#Iopu 17.3; Fa‘ata 17.18
2‘ua maileia oe i ‘upu a lou gutu;
‘ua maua oe i ‘upu a lou gutu.
3O lenei, lo‘u atali‘i e, ‘ia e faia le mea nei,
‘ina ‘ia lavea‘iina oe, pe a o‘o mai le pule a lau uō ‘iā te oe;
alu ia, ‘inā ifo, ma e alu fa‘avave#6.3 alu fa‘avave: O le fa‘aliliuga tuai; nati. atu i lau uō;#Luka 11.8
4‘aua ne‘i moe ou mata, pe tulemoe ou laumata;
5‘ia e lavea‘iina oe e oe, pei o le sevi a‘i le lima;
e pei o le manu fo‘i a‘i le lima o le fai manu.#Sala 91.3
6Le paiē e,
‘inā e alu i le loi, ‘ia va‘ava‘ai i lana amio, ‘ina ‘ia poto ai oe;
7e leai sona ta‘ita‘i, po o se leoleo, po o sē pule,#Fa‘ata 30.27
8‘ae saunia e ia ana mea e ‘ai i le tausaga vevela,
ma fa‘aputuina ana mea e ‘ai i ona po e selesele ai saito.#Fa‘ata 10.5
9Le paiē e,
‘e te ta‘oto se‘ia afea? Se‘i e tula‘i afea ai lou moe?
10Se‘i toe itiiti sina moe, toe itiiti se matamoe,
toe itiiti se pi‘ilima e ta‘oto ai,#Fa‘ata 24.33-34; Fai 4.5
11‘ae o‘o mai lou mativa e pei o le malaga;
ma lou lē tagolima pei o le tagata ‘ua sauni lana ‘au‘upega.
12O le tagata ulavale, o le tagata agasala,
o lo‘o savali ia ma le gutu fa‘api‘opi‘o;
13e genogeno ona mata; e tautalatala ona vae;
e fa‘asino i ona tamatama‘i lima.#Sala 35.19
14‘Ua i lona loto le fa‘api‘opi‘o;
na te fai togafiti leaga i aso uma; na te fa‘atupuina māseiga;
15o le mea lea e fa‘afuase‘i ai ‘ona o‘o mai o lona malaia;
e fa‘afuase‘i ‘ona nutimomoia o ia, ‘ae leai se fofō.#Fa‘ata 29.1; Iere 19.11
16O mea nei e ono ‘ua ‘inosia e le ALI‘I;
o lona fitu fo‘i ‘ua matuā ‘inosia lava e ia;
17o mata fa‘asiasia, o le laulaufaiva pepelo ma lima e sasa‘a le toto o lē ‘ua lē sala,#Sala 5.6; 10.5; Fa‘ata 12.22; Isai 59.3
18o le loto e mānatunatu i togafiti leaga,
o vae e tele vavave ‘ona taufetuli i le leaga,
19o le molimau pepelo, na te tautala i mea pepelo;
ma lē na te fa‘atupu māseiga i uso.#Fa‘ata 12.17; 14.5; 16.28
O le Lapata‘iga i ē Mulilulua
20Lo‘u atali‘i e,
‘ia e tausi i poloa‘iga a lou tamā;
‘aua fo‘i ‘e te tu‘ulafoa‘iina le ‘upu e a‘oa‘o atu a lou tinā;
21‘ia fusi ai e lē aunoa i lou loto; ‘ia asoa ai i lou ua.#Fa‘ata 3.3
22A e savali, e ta‘ita‘iina ai oe;
a moe, e leoleoina ai oe; a e ala, e tautala ai ma oe.
23Auā o le poloa‘iga o le sulu lea;
ma le ‘upu e a‘oa‘o atu, o le malamalama lea;
o a‘oa‘iga fo‘i e a‘oa‘oina ai,
o le ala o le ola lea,#Sala 119.105
24‘ina ‘ia leoleo ‘iā te oe a‘i le fafine amio leaga,
a‘i le laulaufaiva molemole o le fafine ‘ese.
25‘Aua ne‘i naunau lou loto i lona lālelei;
‘aua ne‘i maua oe i ona laumata.#2 Tu 9.30; Mata 5.28
26Auā e i‘u ‘ina toe na o si fasi areto ‘ona o le fafine talitane;
o le avā fo‘i a le tasi tagata na te taumailei le ola aogā.
27E ‘ave ‘ea e se tasi le afi i lona fatafata,
‘ae lē mū ai ona ‘ofu?#Iopu 31.12
28‘Āfai e savali se tagata i luga o malala ola, e lē mū ai ‘ea ona vae?
29E fa‘apea fo‘i lē ‘ua alu atu i le avā a lē la te tuā‘oi;
ai se tago ‘iā te ia, e lē fa‘asaoina o ia.
30E lē ‘inosia le gaoi pe a gaoi o ia e tali a‘i lona manava, ‘ina ‘ua fia ‘ai;
31‘ae a maua o ia, ‘ona taui atu lea e ia e ta‘ifitu;
na te avatu a‘i ‘oloa uma o i lona fale.#Eso 22.1, 4
32O lē mulilua i le fafine ‘ua leai sona mafaufau;
o lē na te faia lea mea, na te fa‘aumatia e ia lona lava ola;#Fa‘ata 7.7; 9.4; 10.13
33na te maua le fasiga ma le fa‘amāina;
o lona luma fo‘i e le sōloi‘esea lea.
34Auā o le fuā o le ita tele lea o le tagata;
na te lē fa‘asaoina fo‘i o ia i le aso e taui ai ma sui.#Fa‘ata 27.4; Pese 8.6
35Na te lē talia se togiola lava; na te lē mafaia fo‘i,
e ui lava ‘ina ‘ua e fa‘atele ni mea e avatu ai.
Currently Selected:
Fa‘ata‘oto 6: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.