2 Tim. 4
4
1Ii Uuntri̱ Jesukrístu amuukatin tsawantai̱ Úunt Akupin ajas iwiaakuncha tura jákaruncha ashí péṉker túramuncha tura yajauch túramuncha nekaattawai. Tuma asamtai Nisha tura Yus Apasha iimiainiamunam ju̱na akateajme. 2Uwempratin chicham etserkata. Yúpichuchia nui̱sha tura itiurchata nui̱sha tuke etserkata. Yus Chicham nekas enentáimtikrarta. Tura shiir enentáimtusam chicharkam yáiṉtaj tusam unuiniararta. 3Ukunmaṉka péṉker chichaman nakitrar ii wakeraj núchik nekaatai tusar shuar teremak péṉker pujuschamnia nekapea áintsaṉ, naṉkaamas unuimiáru atai tusar náṉkamas unuikiartinian ti untsurí e̱a̱kartatui. 4Nekas shiir chichaman iniaisar ikiuiniak ántar áujmatsamun enentáimtusartatui. 5Antsu ámeka tuke péṉker túratin wakerakum ashí itiurchat katsuntrata. Uwempratin chicham étserkum takatrum péṉker umikta.
6Ishichik ajasái winia iwiaakmar Yusai̱ surumaktin. Mantamnan nayaimpiniam wétin jeatémai. 7Shuar kakaram mánainia núnisnak tuke kakaram takasmajai. Tséken péṉker tsékea áintsanak yawe̱tsuk takasmajai. Tura Yus Chichaman nekas akasmatakun péṉker wáinkiaitjiai. 8Tuma asamtai tawasap nukaja̱i̱ najanamu tsékena susamua áintsaṉ wisha péṉker túramunam akinkiáttajai. Tura aya wíniak akirkashtatui. Antsu ashí ni tátinian shiir enentáiji̱a̱i̱ nákainia nunasha nekas péṉkera nuna akikiártatui.
Timiutéu túratin akatmamturma
9Wárik iiraitin enentáimturata. 10Témas aya jú̱ nuṉkanmaya̱nak wakerak ajapa ikiuruk Tisarúnikianam weyi. Tura Kresentisha Karaseanam weyi. Núnisaṉ Títiusha Tarmasianam weyi. 11Túrawarmatai aya Rúkas wiji̱a̱i̱ pujawai. Márkus e̱a̱ka wainkiam ame itiartitia. Ju̱i̱ tí peṉker yaintkiamniaiti. 12Tura Tíkikiunka Ipisiunam akupkámjai. 13Tura winiakum nuparam pushí Trúasnum Karpu je̱e̱n ikiukmiaj nu takurtuktia. Núnisaṉ nuparam papisha tura nekaska peṉké papí takurtuktia.
14Arejántruka jiruja̱i̱ takaawa nu ti yajauch awajtúsuiti. Túrutaitkiuisha ni túramuja̱i̱ métek Yus akikti. 15Nu amesha péṉker wáinkiata. Ii étsereamun peṉké nakitiawai.
16Emka akupniúnam ayamprumaktaj tusan chichaakui chikichkisha yáintkiacharmiayi. Antsu sapijmiainiak ikiurkiarmiayi. Yus nu shuaran yajauch enentáimturcharka maak. 17Tura ii Uuntri̱ Jesukrístu ni kakarmari̱n surus yaintkiamiayi. Nuja̱i̱ uwempratin chichaman ashí nuṉkanam Israer shuarcha antukarti tusan etserkamjai. Tura núnisaṉ akupniúnmaya̱sha ii Uuntri̱ uwemtikrurmiayi. 18Tura núnisaṉ ashí yajauchia nuyá̱ uwemtikrurmatai Ni akupeana nui̱ nayaimpiniam jeattajai. Niṉki tuke shiir awajnásti. Núnisaṉ atí.
Amikmamu
19Prisirnasha ni aishri̱ Akirancha amikmainiajai. Núnisnak Unisépuru shuari̱ncha amikmainiajai. 20Erastu Kurintiunam juakmai. Tura Trúpimiunka Miritiunam jaan ikiukmiajai. 21Michá nantu jeatsa̱i̱ṉ iiraitin enentáimturata. Tura Eupurusha Putentesha Ríniusha Kráutiasha tura ashí Yus shuarsha amikmátmainiawai.
22Ii Uuntri̱ Jesukrístu ámiji̱a̱i̱ tsaniṉ pujusti. Tura Yus ashí péṉker waitmakarti.
Nuke atí.
Currently Selected:
2 Tim. 4: jiv
Highlight
Share
Copy
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.