Popular Bible Verses from 2 Tim. 4

Share

Shuar kakaram mánainia núnisnak tuke kakaram takasmajai. Tséken péṉker tsékea áintsanak yawe̱tsuk takasmajai. Tura Yus Chichaman nekas akasmatakun péṉker wáinkiaitjiai.

Uwempratin chicham etserkata. Yúpichuchia nui̱sha tura itiurchata nui̱sha tuke etserkata. Yus Chicham nekas enentáimtikrarta. Tura shiir enentáimtusam chicharkam yáiṉtaj tusam unuiniararta.

Ukunmaṉka péṉker chichaman nakitrar ii wakeraj núchik nekaatai tusar shuar teremak péṉker pujuschamnia nekapea áintsaṉ, naṉkaamas unuimiáru atai tusar náṉkamas unuikiartinian ti untsurí e̱a̱kartatui. Nekas shiir chichaman iniaisar ikiuiniak ántar áujmatsamun enentáimtusartatui.

Antsu ámeka tuke péṉker túratin wakerakum ashí itiurchat katsuntrata. Uwempratin chicham étserkum takatrum péṉker umikta.

Tuma asamtai tawasap nukaja̱i̱ najanamu tsékena susamua áintsaṉ wisha péṉker túramunam akinkiáttajai. Tura aya wíniak akirkashtatui. Antsu ashí ni tátinian shiir enentáiji̱a̱i̱ nákainia nunasha nekas péṉkera nuna akikiártatui.