ROMANI NA KIHA 8
8
1Manga vigu vora vigo ka na veogaku,
manga vi kenaku ke hagasusugo,
vikê, manga vi ve tarahugo i tara,
inê be girara ve siginigo
ma na enoni ka atani bâbâ mavê.
2Vikê inê be urugo i pasina kenaku
ma ku hagesuriê i ngekana
renia na hetakuiha.
Inê be vatego ku tono na vaini mora
na vaini na tavoni na gahiga.
3Na rimamu na mahamu ki tâ
i siruguhana na bêku
ma na otomu ki ruiê.
4Kere gete ni Jerusaleme,
be vi tangagamu,
siana kamu hagaritea
na hetakuiha heri
mataro me ki obania ngaia marena.
Na onota na vivita
Na kere gete
5Ka ti kani arâ me akana
tenia na masusu
here rima henia i na harana?
Na gete
Inê kê hagaritego
i ruguhana na gahiga,
na agua kenamu ki atuingenigo
ma ki aparago igê.
6Na hetakuiha tangê ma inê
ke tâ i aitangihamu.
Gu ruiê ma inê.
Na hetakuiha ki ramo ngavê
manga na mera.
Na hetakuiha i asa vigu tahi tenia.
Na hetakuiha ki manga na gi
manga na gi iana na Araha
i asa vige page me.
7Na ve ki asa vige sirihi hunuia,
naka ma na ve i maganu.
Manga na enoni ma ki takusia
vi vuria na hetakuiha,
henaka renigi na nahuninga hato iana,
na enoni ka kikitenia hete.
8O veogaku ka vi:
“Igia ka tonga re kesika.
Na susuna karu bubu mênga.
Na ta ka page katoa,
manga vi ta na vahunani me
ki nungia vi auragia?
9Manga kesika ki na para ni hinua
igia ka page tagarahigi igê
na bebetehe ni siliva.
Manga vi ngaia ki na maani para,
igia ka page purusia
renigi na raburini na bagora.”
10Ma na para ni hinua kani inê.
Na susuku ka na bebetehe.
Ma na baharana iaku ki girara,
vi, matena gê gâga henia,
inê ki togotogo na aitangihaku
ma kê vagevagesia na marapeha.
Na mane
11O Solomone ki nahunia na mu ni vaini
igê na agua ga hêtana vi Bala Hamone.
Na enoni tagara ka taharia tenia.
Na ara ni hitangita ki tavogi
na rehagaro na maani na siliva.
12Igo Solomone, gu vagevagesigi ma
na rehagaro na haga iamu,
ma igamu na enoni tagara mu vagevagesigi
na tangarê gi rua na haga iami.
Ma inê kê nahunia nogaku
na mu ni vaini,
na aniku mareku
ma inê nga kanigê bâsuria.
13Baharamu iaku,
tamasi me tangê tenia na mu,
suria na tamaku ka naasigo,
vigu tamasi.
Na gete
14Gu râ me barokomu iaku,
garigari me manga na goti vasiga
manga na bêhâgana
igê na hungani ga akê igê
marâ i sigini koro.
Currently Selected:
ROMANI NA KIHA 8: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific