1. Chronik 6
6
De Nokomen von Levi: Daut Rejista von de Leviten
1Levi siene Säns wieren dise: Gerschon, Kehat un Merari. #(1-4) 2Mo 6,16-19 2Gerschon siene Säns heeten: Libni un Schimi. 3Kehat siene Säns heeten: Amram, Jizhar, Hebron un Usiel. 4Un Merari siene Säns heeten: Machli un Muschi. Daut sent de Staumvodasch von de Leviten äare Volkjsgruppen.
5Gerschon sien Sän wia Libni, Libni sien Sän wia Jahat, Jahat sien Sän wia Simma. 6Simma sien Sän wia Joach, Joach sien Sän wia Ido, Ido sien Sän wia Serach, un Serach sien Sän wia Jeotrai.
7Kehat sien Sän wia Aminadab, un däm sien Sän wia Korach, Korach sien Sän wia Asir, #2Mo 6,24; 1Chr 9,19 8Asir sien Sän wia Elkana, Elkana sien Sän wia Abiasaf, Abiasaf sien Sän wia Asir, 9Asir sien Sän wia Tahat, Tahat sien Sän wia Uriel, Uriel sien Sän wia Usija, un Usija sien Sän wia Schaul.
10Elkana siene Säns wieren: Amasai un Ahimot, 11un däm sien Sän wia Elkana, Elkana sien Sän wia Zuf, Zuf sien Sän wia Nahat, 12Nahat sien Sän wia Eliab, Eliab sien Sän wia Jeroham, Jeroham sien Sän wia Elkana, Elkana sien Sän wia Samuel. #1Sam 1,1 13Un Samuel siene Säns wieren: Joel, de ieeschtjebuarna Sän, un Abija de tweeda Sän. #1Sam 8,2
14Merari sien Sän wia Machli, un däm sien Sän wia Libni, Libni sien Sän wia Schimi, Schimi sien Sän wia Usa, 15Usa sien Sän wia Schima, Schima sien Sän wia Hagija, un Hagija sien Sän wia Asaja.
De Leviten äare Oppgowen
16Dit sent dee, dee von David dän Oppdrach kjrieejen aus Kua Sinja en däm Harn sien Hus to deenen, no däm aus de Bundeskjist doa äaren bestendjen Plauz jekjräajen haud. #2Sam 6,17 17See deenden ver de heilje Woninj, daut Vesaumlungszelt, met sinjen, bat Salomo däm Harn sien Hus en Jerusalem jebut haud. Un see deeden äaren Deenst soo aus an aunjewäsen wia. 18Dise Leviten, worden met de äwaje Mana ut äare Volkjsgruppen toop, doatoo beroopen. De Leida von de ieeschte Sinjagrupp wia Heman, een Nokomen von Kehat. Hee wia Joel sien Sän, un een Grootsän von Samuel. #1Chr 15,17.19 19Wieda wieren siene Vodasch: Elkana, Jeroham, Eliel, Tohu, 20Zuf, Elkana, Mahat, Amasai, 21Elkana, Joel, Asarja, Zefanja, 22Tahat, Asir, Abiasaf, Korach, 23Jizhar un Kehat, de Sän von Levi, dee een Sän von Israel wia.
24Aun de rajchte Sied von Heman, stunt Asaf een Nokomen von Gerschon, de Leida von de tweede Sinjagrupp. Hee wia Berechja sien Sän un Schima sien Grootsän. #1Chr 15,17.19 25Wieda wieren siene Vodasch: Michael, Maaseja, Malkija, 26Etni, Serach, Adaja, 27Etan, Simma, Schimi, 28Jahat un Gerschon, dee Levi sien Sän wia.
29Aun de linkje Sied von Heman, stunt Etan, een Nokomen von Merari, un hee wia Leida von de dredde Sinjagrupp. Hee wia Kischi sien Sän, un een Grootsän von Abdi. Wieda wieren siene Vodasch: Maluch, #1Chr 15,19 30Haschabja, Amazja, Hilkija, 31Amzi, Bani, Schemer, 32Machli un Muschi, de Sän von Merari, dee Levi sien Sän wia.
De Deenst von Aaron un siene Nokomen
33Äare Breeda, de aundre Leviten, wieren aunjestalt, daut see dän Deenst aun de Woninj, daut Gotteshus, verechten. 34Aaron un siene Säns wieren veordnet toom Priesta Deenst aum Brauntopfa Aultoa un aum Ruakopfa Aultoa. See sullen to aule Deensten en daut Aulaheilichste deenen om Israel äare Schult ver Gott to veseenen, soo aus Moses, Gott sien Deena, an daut aunjeordnet haud. #2Mo 28,1; 3Mo 16,1-34
35Dit sent de Säns von Aaron, dee siene Nofolja em Priesta Deenst wieren: Aaron sien Sän wia Eleasar, Eleasar sien Sän wia Pinhas, Pinhas sien Sän wia Abischua, #(35-38) 1Chr 5,30-34 36Abischua sien Sän wia Bukki, Bukki sien Sän wia Usi, Usi sien Sän wia Serachja, 37Serachja sien Sän wia Merajot, Merajot sien Sän wia Amarja, Amarja sien Sän Ahitub, 38Ahitub sien Sän wia Zadok, un däm sien Sän wia Ahimaaz.
De Leviten äare Wonstäden
(Jos 21,1-42)
39De Wonstäden un Weidflekja fa äare Veehäaden worden de Leviten von de äwaje Stam derch daut Loss toojedeelt. Daut 1. Loss foll opp de Priesta, Aaron siene Nokomen, waut to Kehat siene Nokomen jehieeden. 40See kjrieejen en daut Launtstekj von Juda de Staut Hebron met daut Weidlaunt runtom. 41Oba daut Akalaunt un de Darpa, waut to de Staut jehieeden, jeewen see Kaleb, Jefune sienen Sän. 42Soo jeewen see Aaron siene Säns de Friestäda Hebron un Libna met äa Weidlaunt toop, un uk Jatir un Eschtemoa met äa Weidlaunt toop. 43Holon, Debir, 44Aschan un Bet Schemesch met äa Weidlaunt toop. 45Un en däm Staum Benjamin kjrieejen see: Geba, Alemet un Anatot met daut Weidlaunt doabie, soo daut dise Gruppen aules toop 13 Städa hauden, met daut Weidlaunt doabie.
46Un de aundre Volkjsgruppen von Kehat siene Nokomen kjrieejen derch daut Loss en däm Staum Efraim, en däm Staum Dan un en däm haulwen Staum Manasse tieen Städa jejäft. #1Chr 6,55
47De Volkjsgruppen von Gerschon siene Nokomen kjrieejen von de Stam Isachar, Asser, Naftali un von däm Deel von Manasse waut en Baschan wia, 13 Städa jejäft. #1Chr 6,61
48De Volkjsgruppen von Merari siene Nokomen kjrieejen derch daut Loss twalf Städa von de Stam: Ruben, Gad, un Sebulon. #1Chr 6,66
49De Israeliten jeewen de Leviten de Städa emma met de Weidstapen toop, waut doabie jehieeden. 50See kjrieejen uk derch daut Loss de Städa, waut aul erwänt sent, en de Jäajent von de Stam Juda, Simeon un Benjamin.
51De äwaje Gruppen von Kehat siene Nokomen worden Städa en daut Launtstekj von Efraim jejäft. 52See jeewen Kehat siene Nokomen de Friestäda: Sichem opp daut Boajlaunt en Efraim, Gesser, 53Kibzajim, Bet Horon, 54Ajalon un Gat Rimmon, met äa Weidlaunt doabie. 55Un doatoo noch ut däm wastnen Deel von Manasse: Aner un Jibleam, met äa Weidlaunt toop.
56De Nokomen von Gerschon kjrieejen em oostnen Deel von Manasse: Golan en Baschan, un Aschtarot met äa Weidlaunt toop. 57Un en däm Staum Isachar: Kedesch, Daberat, 58Ramot un En Ganim, met äa Weidlaunt toop. 59En däm Staum Asser kjriejen see: Mischal, Abdon, 60Helkat un Rehob met äa Weidlaunt toop. 61Un en däm Staum Naftali: Kedesch en Galiläa, Hamon un Kirjatajim, met äa Weidlaunt toop. 62De Nokomen von Merari jeewen see en däm Staum Sebulon: Rimmon un Tabor met äa Weidlaunt toop. 63Un aun de oostne Sied vom Jordan jäajen Jericho, en däm Staum Ruben: Bezer, de Staut waut en de Stap licht, un doatoo noch Jahaz, 64Kedemot un Mefaat, met äa Weidlaunt toop. 65Un en däm Staum Gad: Ramot en Gilead, Mahanajim, 66Heschbon un Jaser, met äa Weidlaunt toop.
Currently Selected:
1. Chronik 6: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.