1 Kr 7
7
Eb' li ralal xk'ajol laj Isakar
1Kaahib'eb' li ralal laj Isakar. A'aneb' a'in: laj Tolá, laj Puhá, laj Yasub ut laj Simrón.
2Eb' li ralal xk'ajol laj Tolá a'aneb' a'in: laj Usí, laj Refaías, laj Yeriel, laj Yajmay, laj Ibsán ut laj Samuel, aj kawil yaloneleb' ut aj jolomineleb' re li junjunq chi junkab'al reheb' laj Tolá. Naq kiwank chaq laj David cho'q awab'ej, ajlanb'ileb' wiib' xka'k'aal mil rik'in lajeek'aal xkab' o'q'ob' (22,600) chi winq.
3Li ralal laj Usí, a'an laj Israías. Eb' li ralal xk'ajol laj Israías, a'aneb' laj Mikael, laj Abdías, laj Joel ut laj Isías. Oob'eb' chi aj jolominel chixjunileb'. 4Eb' a'an wankeb' naab'aleb' rixaqil ut naab'aleb' ajwi' li ralal xk'ajoleb'. Jo'kan naq waqlaju xka'k'aal mil (36,000) aj puub' li wankeb' sa' xyanqeb' li xk'iila teepal riyajil li xkomoneb'.
5Sa xyanqeb' chixjunil li xch'uutaleb' laj Isakar ajlanb'ileb' wuqub' ro'k'aal mil (87,000) chi winq, chixjunileb' a'an yo'ooneb' chi yalok.
Eb' li ralal xk'ajol laj Benjamín
6Oxib'eb' li ralal xk'ajol laj Benjamín. A'aneb' a'in: laj Belá, laj Béker ut laj Yediahel.
7Oob'eb' li ralal xk'ajol laj Belá: laj Esbón, laj Usí, laj Usiel, laj Yerimot ut laj Irí. Chixjunileb' a'an aj jolomineleb' junkab'al ut yo'ooneb' chi yalok. Wiib' xka'k'aal mil rik'in kaalaju xka'k'aal (22,034) ajlanb'ileb' sa' xyanqeb' li ralal xk'ajol.
8Eb' li ralal xk'ajol laj Béker a'aneb' a'in: laj Semirá, laj Johás, laj Elieser, laj Eljohenay, laj Omrí, laj Yeremot, laj Abías, laj Anatot ut laj Alémet. Chixjunileb' a'in ralal xk'ajoleb' laj Béker. 9Junmay mil rik'in lajeek'aal (20,200) chi winq yo'ooneb' chi yalok ajlanb'ileb' sa' xyanqeb' li ralal xk'ajol.
10Li ralal laj Yediahel, a'an laj Bilán. Eb' li ralal xk'ajol laj Bilán a'aneb' a'in: laj Yehús, laj Benjamín, laj Ehud, laj Kenahaná, laj Setán, laj Tarsis ut laj Ajisajar. 11Chixjunileb' a'in a'aneb' chaq ralal xk'ajol laj Yediahel, aj jolomineleb' junkab'al ut aj puub' yo'ooneb' chi yalok. Wuqlaju mil rik'in lajeek'aal (17,200) chi winq ajlanb'ileb' sa' xyanqeb' chixjunileb' li ralal xk'ajol.
12Eb' li ralal xk'ajol laj Ir, a'aneb' laj Supín ut laj Jupín. Li ralal laj Ajer, a'an laj Jusín.
Eb' li ralal xk'ajol laj Neftalí
13Eb' li ralal xk'ajol laj Neftalí a'aneb' a'in: laj Yajsel, laj Kuní, laj Yéser ut laj Salún. A'aneb' a'in li ralal xk'ajol laj Bilhá.
Eb' li ralal xk'ajol laj Manasés
14Laj Manasés kiwank wiib' li ralal rik'in li ixq aj Aram li kilaqlo' wi'. A'aneb' a'in: laj Asriel ut laj Makir, xyuwa' laj Galahad. 15Laj Makir kisumlaak rik'in jun li ixq rech'alal laj Supín ut laj Jupín. Li ranab' laj Makir, a'an xMahaká xk'ab'a'. Li xkab' ralal laj Makir, a'an aj Selofjad xk'ab'a', ut junes xrab'in kiwank. 16Lix Mahaká, rixaqil laj Makir, kiwank jun xyum, ut aj Perés kixk'e cho'q xk'ab'a'. Li riitz'in laj Perés aj Seres kixk'ab'a'in, ut eb' li ralal a'aneb' laj Ulán ut laj Rekem. 17Li ralal laj Ulán, a'an laj Bedán. A'aneb' a'in li ralal xk'ajol laj Galahad, ralal laj Makir, ralal laj Manasés.
18Li ranab' laj Makir, a' lix Jamoléket, a'an chaq xna' laj Ixod, laj Abiéser ut laj Majlá.
19Eb' li ralal xk'ajol laj Semidá a'aneb' a'in: laj Ajián, laj Sikem, laj Likhí ut laj Anián.
Eb' li ralal xk'ajol laj Efraín
20Eb' li ralal xk'ajol laj Efraín a'aneb' a'in: laj Sutélaj, laj Béred, laj Tájat, laj Eladá, laj Tájat, 21laj Sabad, laj Sutélaj, laj Eser ut laj Elad. Ab'anan ke'kamsiik xb'aaneb' laj Gat li wankeb' chaq sa' li na'ajej a'an, xb'aan naq ke'kub'eek chi xmaq'b'aleb' li xketomqeb'. 22Chiru naab'al kutan kiraho'k xch'ool ut kiyaab'ak laj Efraín li xyuwa'eb', ut ke'k'ulunk chaq li rech'alal chi xk'ojob'ankil xch'ool. 23Chirix chik a'an kiwank rik'in li rixaqil, ut a'in kikanaak sa' yu'am ut kiwank jun xyum, aj Beriá kixk'e cho'q xk'ab'a', xb'aan naq li rahilal wank sa' li rochoch.
24Lix Seherá, xrab'in laj Beriá, kixk'ojob' li tenamit Bet-Jorón li wank chi tzuul ut li wank taq'a, ut kixk'ojob' ajwi' Usén-Seherá.
25Eb' li ralal xk'ajol laj Beriá a'aneb' a'in: laj Réfaj, laj Sutélaj, laj Taján, 26laj Ladán, laj Amiud, laj Elisamá, 27laj Nun ut laj Josué. 28Li xch'och'eb' ut li na'ajej ke'wank wi' a'aneb' Betel rochb'een xk'aleb'aalil; Naharán li wank sa' releb'l saq'e; Késer li wank sa' xjayal rokeb'l saq'e rochb'een xk'aleb'aalil, ut Sikem toj nawulak Ayá, rochb'een xk'aleb'aalil. 29Eb' li ralal xk'ajol laj Manasés ke'taqlank sa' xb'eeneb' li tenamit Betsán, Tanak, Mejido ut Dor, rochb'eeneb' li xk'aleb'aalil. Sa'eb' li na'ajej a'in ke'wank li ralal xk'ajol laj José, ralal laj Israel.
Eb' li ralal xk'ajol laj Aser
30Eb' li ralal xk'ajol laj Aser a'aneb' a'in: laj Imná, laj Isbá, laj Isbí, laj Beriá ut lix Séraj, ranab' eb' li winq a'an.
31Eb' li ralal xk'ajol laj Beriá a'aneb' a'in: laj Jéber ut laj Malkiel, xyuwa' laj Birsáhit. 32Laj Jéber a'an chaq xyuwa' laj Jaflet, laj Sémer, laj Jotán ut lix Suá, ranab'eb' li winq a'an.
33Eb' li ralal xk'ajol laj Jaflet a'aneb' a'in: laj Pasak, laj Bimhal ut laj Asbat.
34Eb' li ralal xk'ajol laj Sémer li iitz'inb'ej a'aneb' a'in: laj Rohká, laj Jehubá ut laj Aram.
35Eb' li ralal xk'ajol laj Jotán li iitz'inb'ej a'aneb': laj Sofaj, laj Imná, laj Seles ut laj Amal. 36Eb' li ralal xk'ajol laj Sofaj a'aneb' a'in: laj Súaj, laj Jarnéfer, laj Súal, laj Berí, laj Imrá, 37laj Béser, laj Hod, laj Samá, laj Silsá, laj Itrán ut laj Beherá.
38Eb' li ralal xk'ajol laj Jéter a'aneb' a'in: laj Jefuné, laj Pispá ut laj Ará. 39Eb' li ralal xk'ajol laj Ulá a'aneb' a'in: laj Araj, laj Janiel ut laj Risiá.
40Chixjunileb' a'in, a'aneb' chaq ralal xk'ajol laj Aser. A'aneb' chaq aj jolominel junkab'al, kaweb' rib', yo'ooneb' chi yalok ut aj k'amol b'eheb'. Waqib' xka'k'aal mil (26,000) chi winq ajlanb'ileb' re li yalok.
Currently Selected:
1 Kr 7: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.