1 Kr 4
4
Eb' li ralal xk'ajol laj Judá
1Eb' li ralal xk'ajol laj Judá a'aneb' a'in: laj Fares, laj Jesrón, laj Karmí, laj Jur ut laj Sobal. 2Laj Rehaías, ralal laj Sobal, a'an chaq xyuwa' laj Yájat, ut laj Yájat a'an chaq xyuwa' laj Ahumay ut laj Lájad. A'aneb' a'in li xch'uutaleb' laj Sorat.
3Eb' li ralal xk'ajol laj Jur a'aneb' a'in: laj Etam, laj Jisrehel, laj Ismá, laj Idbás, laj Penuel, xyuwa' laj Kedor, ut laj Eser, xyuwa' laj Jusá. Eb' a'an ke'wank jun ranab'eb', xJaslelponi xk'ab'a'. 4A'aneb' a'in li ralal xk'ajol laj Jur, xb'een xyum laj Efratá, xxe'toonil yuwa' laj Belén.
5Laj Asur, xyuwa' laj Tékoha, kiwank wiib' li rixaqil: lix Jelá ut lix Nahará. 6Lix Nahará a'an chaq xna'eb' laj Ajusam, laj Jéfer, laj Temení ut laj Ajastarí. A'aneb' a'in li xyum lix Nahará. 7Eb' li ralal xk'ajol lix Jelá a'aneb' a'in: laj Séret, laj Jesohar ut laj Etnán.
8Laj Kos a'an chaq xyuwa' laj Anub ut laj Sobebá, ut xxe'toonil yuwa' eb' laj Ajarjel, ralal laj Jarún.
9Laj Yabés q'axal wi' chik nawno ru chiruheb' chixjunil li riitz'in, ut li xna' kixk'e aj Yabés cho'q xk'ab'a', xb'aan naq kixye: “Relik chi yaal naq rik'in rahilal xinyoob'tesi”. 10Laj Yabés kitijok chiru li xYos laj Israel ut kixye: “At Qaawa', nintz'aama chawu naq chinaawosob'tesi ut taak'e junaq inch'och' numtajenaq nim. Chinaatenq'a taxaq ut chinaakol chiru li maa'usilal, re naq ink'a' tin'iloq rahilal”, chan. Ut li Yos kixk'e re li k'aru kixpatz'.
11Laj Kelub, riitz'in laj Sujá, a'an chaq xyuwa' laj Mejir, ut laj Mejir a'an chaq xyuwa' laj Estón. 12Laj Estón a'an chaq xyuwa' laj Bet-Rafá, laj Paséhaj ut laj Tejiná, aj k'ojob'anel re li tenamit Najás. A'aneb' a'in li ke'wank aran Reká.
13Eb' li ralal xk'ajol laj Kenás a'aneb' a'in: laj Otoniel ut laj Seraías. Eb' li ralal xk'ajol laj Otoniel a'aneb' a'in: laj Jatat 14ut laj Mehonotay, xyuwa' laj Ofrá. Laj Seraías a'an chaq xyuwa' laj Johab, xxe'toonil yuwa'eb' li wankeb' sa' xtaq'ahil Jarasín, a'eb' li neke'nawok k'iila paay chi k'anjel.
15Eb' li ralal xk'ajol laj Kaleb, ralal laj Jefuné, a'aneb' a'in: laj Ir, laj Elá ut laj Naham. Laj Elá a'an chaq xyuwa' laj Kenás.
16Eb' li ralal xk'ajol laj Jalelel a'aneb' a'in: laj Sif, laj Sifá, laj Tirías ut laj Asarel.
17Eb' li ralal xk'ajol laj Esdras a'aneb' a'in: laj Jéter, laj Méred, laj Efer ut laj Jalón. Laj Méred kisumlaak rik'in lix Bitiá, xrab'in laj Parahón, ut eb' li ralal xk'ajol a'aneb' a'in: laj Miriam, laj Samay ut laj Isbaj, xyuwa' laj Estemoha. 18Kiwank jun chik rixaqil laj Méred, xkomoneb' laj Judá, a'an li xna' laj Jéred, xyuwa' laj Kedor, laj Jéber, xyuwa' laj Sokó, ut xyuwa' ajwi' laj Jekutiel, xyuwa' laj Sanóhaj.
19Eb' li ralal xk'ajol li rixaqil laj Hodías, ranab' laj Nájam, a' li xyuwa' laj Kehilá, a'aneb' laj Daliá, Karmit xtenamit, ut laj Estemoha, Mahaká xtenamit.
20Eb' li ralal xk'ajol laj Simón a'aneb' a'in: laj Amnón, laj Riná, laj Ben-Janán ut laj Tilón. Eb' li ralal xk'ajol laj Isí a'aneb' a'in: laj Sójet ut laj Ben-Sójet.
21Eb' li ralal xk'ajol laj Selá, ralal laj Judá a'aneb' a'in: laj Er, xyuwa' laj Leká, laj Ladá, xyuwa' laj Maresá, ut li xch'uutaleb' li neke'k'anjelank re li liin aran Bet-Asbeha, 22laj Johakín, eb' laj Kosebá, laj Johás ut laj Saraf, li ke'sumlaak rik'ineb' li ixq aj Mohab ut ke'sutq'iik wi' chik aran Belén (a'in kik'ulmank chaq najter). 23Eb' a'an pak'ok ch'och' neke'xb'aanu chaq ut wankeb' aran Netahín ut Kederá, cho'q aj k'anjel chiru li awab'ej.
Eb' li ralal xk'ajol laj Simehón
24Eb' li ralal laj Simehón a'aneb' a'in: laj Nemuel, laj Yamín, laj Jarib, laj Séraj ut laj Saúl. 25Laj Saúl a'an chaq xyuwa' laj Salún; laj Salún a'an chaq xyuwa' laj Mibsán, ut laj Mibsán a'an chaq xyuwa' laj Mismá.
26Laj Mismá a'an chaq xyuwa' laj Jamuel; laj Jamuel a'an chaq xyuwa' laj Sakur, ut laj Sakur a'an chaq xyuwa' laj Simí. 27Laj Simí kiwank waqlaju ralal ut waqib' xrab'in; ab'anan moko k'iheb' ta li ralal xk'ajol li ras ut li riitz'in. Jo'kan naq ink'a' kinimank li xteepaleb' kama' li xteepaleb' laj Judá. 28Ke'wank aran Berseba, Moladá, Jasar-Suhal, 29Bilhá, Esen, Tolad, 30Betuel, Jormá, Siklak, 31Bet-Markabot, Jasar-Susim, Bet-Biray ut aran Saharáhin. A'aneb' a'in li xtenamiteb' toj reetal ki'ok chi awab'ejink laj David. 32Ke'wank ajwi' sa' oob' chik k'aleb'aal: Etam, Ahin, Rimón, Token ut Asán, 33ut chixjunileb' li kok' k'aleb'aal wankeb' sa' xsutam eb' li tenamit a'in, toj sa' li na'ajej Bahalat. A'aneb' a'in li na'ajej ke'wank wi' jo'wi' li xk'ab'a'eb' li ralal xk'ajol.#4,28-33 Jos 19,2-8.
34Laj Mesobab, laj Jamlek, laj Josías, ralal laj Amasías, 35laj Joel, laj Jehú, ralal laj Josipías, ralal laj Seraías, ralal laj Asiel; 36laj Eljohenay, laj Jakobá, laj Yesohaías, laj Asaías, laj Adiel, laj Jesimiel, laj Benaías, 37laj Sisá, ralal laj Sifí, ralal laj Alón, ralal laj Jedaías, ralal laj Simrí ralal laj Semaías. 38A'aneb' a'in li xk'ab'a'eb' li ke'jolomink re li junjunq chi teep. Q'axal ke'k'ihank li xjunkab'aleb', 39jo'kan naq ke'wulak toj sa' li okeb'aal re Kerar, sa' xjayal releb'l saq'e re li ru taq'a, chi xsik'b'al xwaheb' li xketomq. 40Ut aran ke'xtaw chi yo'oon chaab'il pim, jo' ajwi' jun li na'ajej jwal nim ut chaab'il; aran maajun nach'e'ok reheb' (aran ke'wank junxil eb' li ralal xk'ajol laj Kam). 41Ab'anan naq wan chaq cho'q awab'ej laj Esekías aran Judá, ke'k'ulunk chaq eb' a'in li ak xqaye, ut ke'xjuk'eb' chi junajwa li xmuheb'aaleb' ut li rochocheb' li wankeb' aran ut ke'kanaak chi wank sa' li xna'ajeb' a'an, xb'aan naq naab'al li pim wan chaq aran cho'q reheb' li xketomq. 42Jo'kan ajwi' o'k'aal xkab' o'q'ob' (500) chi winq sa' xyanqeb' a'an, xkomoneb' laj Simehón, koheb' sa' li k'iche' re Seír, jolominb'ileb' xb'aan laj Pelatías, laj Neharías, laj Refaías ut laj Usiel, ralaleb' laj Isí, 43ke'xsach ruheb' laj Amalek li toj yo'yookeb', ut ke'ok chi wank sa' li na'ajej a'an chalen toj anaqwan.
Currently Selected:
1 Kr 4: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.