Zac 11
11
Profeta iläkwlhi Israel letayhfwas
1¡Líbano, fwoyenchehen apelis
wet häpkhilek itäj ihämthila aka pänhichetek!
2¡Pino, afwlhi, tsi nichätchä pänhichetek!
¡Hal'äy tä isistso nofw t'at!
¡Hal'ätas tä ihi Basán, afwchehchä,
tsi tayhi tä tach'opway õyäm at nofw tä õ'täyhat!
3Lhek lätaye niyatey lhafwyhayaj,
y'äyench'oye lewujyaj tä nofw.
Tet iwoye tson'ataswos tä y'äyench'oye
hup tä w'atshan tä tatäy.
Lhek lätaye t'owalhas tä y'ipwethä tä laj lew'eta,
tsi hon'al tä wusche'pe
tä iche tewok Jordán lhipey nofw t'at.
Tson'atas lhäy'e lewos tä õy'uhyenehen
4Owuk Dios ifwel n'oho wet yok:
–Uye tson'atas tä õ'hänhiyela lew'et tä õ'länhen#11.4 Tson'atas häpe wichi, wet lewos häpe lhamel laka niyatey. 5Lhamel tä ichäj wet äp ilänhen yenet che laj letesa. Wet lhamel tä iwom yok, “Okäjejlhi Owuk Dios tä nech'e wuj m'ak tä ow'en.” Wet lewos t'uhiyet'a wet äp nip'altsena tson'atas. 6Wet häp tä tehla olham nemla op'altsen wichi tä ihi honhatna. Oyachajiyela iyhäj takweyey lhäy'e rey takweyey. Lhamelna ihämthila honhat wet olham nemla ofwayhat elh at che häpe. Olham tä Lewukn'o olhämet täja.
7Tä mälhyejtso, ot'uye tson'atas tä õ'hänhiyela lew'et tä õ'länhen, otchumhoplhi hin'ol tä ifwelwethä. Wet onlhoke n'otsutes täkwfwas, elh oyen lheya P'altsenhen, elh oyen lheya P'akwekhen. 8Wet iwel'a weihalha osoyej lechumet tres tson'ataswos. Nemhit oteläytej tä y'ulhann'o. 9Wet ofwenho tson'atas, oyok:
–¡Nemhit olhayen amel awoya! ¡Che elh y'il, wet y'il t'at, elh che õ'län, õ'län t'at, wet lhamel tä imälhehi lhatufwen t'at!
10Otchuma otsut tä lhey P'altsenhen wet onäk'äs t'at, oyen tetneka tä Lhawuk nech'e itäyhat lhämette iwoyeje wichi tä ihiche laka honhates. 11Wet ifwalatso wichi tä ifwelwethä tson'atas, tä lhamel hiw'en m'ak tä owoye, nitäfwelej tä Lhawuk t'at tä ne'tek oyenlhi n'otetnektso. 12Wet oyämeje tä oyok:
–Is at p'iyak letisayn'o, wot che lemälhtayej t'at.
Wet lhamel hiw'en n'oho treinta chinaj t'äj.#Mat 26.14-16 13Wet Lhawuk tahuy n'oyej wet yok:
–¡Lhimphaj m'ak tä hiw'en n'oho! Chuma t'ähesas, thatho n'otw'ayhtes lehi tä ihi Owukwe.
Wet otchuma t'at wet othatho n'otw'ayhtes lehi tä ihi Lhawuk Lewukwe. 14Wet äp onäk'äs otsut elh tä lhey P'akwekhen. Täjtso hin'älit tä nemhit lhaihumnhen häp Judá lheley lhäy'e Israel lhayis.
15Wet Lhawuk äp tahuy n'oyej wet yok:
–Athana a'ene tson'ataswo tä ni'isa wet äp n'etäjej lechumet. 16Tsi otihihila honhatna tson'ataswo tä nena lhakliya leläy tä wetahen, wet äp nit'uyakwe elh che tatäy, wet äp niwoya lechaya tson'ataj lätsek, wet äp nichunhana elh tä lak'efwhayaj ihi. Tajlhame tä tufwen iyhäj tä yätajen wet äp ilanche lefwus t'ähes.#Ezeq 34 17¡Lewit'äy ihi tson'ataswo tä n'etäjlhi, tsi t'uhiyet'a leläy! N'ofwajnhat ilänla lefwapo lhäy'e tatelho tä lefwomkat, häpkhilek tamchäy lefwapo wet äp asnamla t'at.
Currently Selected:
Zac 11: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.