Zac 12
12
Nofwila Dios laka wichi letayhfwas
1Häp täja Lhawuk lhämet tä yämeje Israel. Lhawuk tä yenlhi pule wet yäm tsajo, wet yäm t'unhi honhat, wet iwo lew'atshancheyaja hin'o, lham yok:
2–Lhek yahinya, oyenla hat'eshiya Jerusalén, häpkhilek yäm w'oknhas nilhokej wichi tä ihiche honhatil tä atott'ahomche. Che lhamel inuye Jerusalén, tehla inuhiyela iyhäj honhates tä hupuy ihiche tä ihi Judá. 3Ifwalatso otech'aynhiyeja tunte tä choyhat häp Jerusalén, wet iwit'äyenhila wichi che häpe che fwetaj ineyhatphä tuntetso. Nilhokhiyeja wichi tä i'pe honhat tä yen tayhfwaya, 4mat ostunla yel'atas tä n'oka'tshayajchal wet wichi tä iche'pe nemla ihanej iwoyneje m'ak tä iwoye. Ottelhoy iyahnhila'pe Judá lheley, mat wichi iyhäj lew'utey oyenla asnamisa. 5Che Judá kaniyatey hiw'en täjtso, yohlak, “Lhawuk tä laj letumfwaya häpe Jerusalén laka Dios tä ikhajyen laka wichi.”
6“Ifwalatso Judá kaniyatey otech'aynhiyeja itäj, wet letayhfwas otech'aynhiyeja hal'äy wok yachuyaj t'ähes tä y'ohen pajla'tha nofw. Ihämthihena nilhokej wichi tä ihiche honhatil iyhäjpej tä iwhäye, mat Jerusalén ihihilat tä ihi wet laka wichi lewit'äyhyaj ihihit'a. 7Olham tä Lewukn'o ochunkatlak ofwayhthen Judá lheley, häpkhilek David lepes lheley len'ohyaj lhäy'e Jerusalén lheley len'ohyaj lhaknitiya'pe iyhäj Judá lheley len'ohyaj. 8Ifwalatso ot'uhiyela lhamel tä ihi Jerusalén, wet lhamel tä lak'efwhayaj ihiche nech'e lakhajyhayaj ihiyeja, tehlat iwoye rey David, wet David lepes lheley tehlat iwoye Dios, wet oka ángel ichunlahlä lhamel. 9Ifwalatso otäyhthila wichi at che häpe che inuye Jerusalén.
Õy'äyenhila elh tä õ'tshänho
10“Ow'enhihola David lepes lheley lhäy'e Jerusalén lheley häpkhilek iwo t'alhyaja wet lhaip'altsen n'oye. Wet lhamel iyahnhila t'at elh tä lhamel itshänho,#Juan 19.34-37; Apoc 1.7 wet y'äyenhila, tehlat iwoye elh tä y'äyenche lhäs tä lechunkatsek tä tatäy, wok lhäs tä nilhäy'eya elh. 11Ifwalatso äytajichela Jerusalén lheley letichunhayaj, tehlat iwoye tä õntichunche Hadad-rimón tä ihi honhat tä Meguido lech'o. 12-13Nilhokhiyeja wichi tä ihi honhat letichunhayaj äytajche. David lepes lheley tafwichelahchä tä ihi lew'et, wet lech'efwas äp tafwichelahchä tä ihi lew'et lhip elh. Wet David lhäs Natán#2~Sam 5.14 lepes lheley tehlat iwoye, lhäy'e Leví lepes lheley, lhäy'e Leví lecheyäs Simey#Núm 3.18 lepes lheley. Lhamel iwohla lhafwyhayaja tä ihiche lew'etes, wet lech'efwas äp iwohla lhafwyhayaja tä ihiche lew'etes lhipey iyhäj. 14Wet äp iyhäjpej che iche lhip che häpe letichunhayaj äytajichela, wet lech'efwas w'enhahila lhamej lhip tä ihi tä tafwchehchä.
Currently Selected:
Zac 12: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.