1~Tes 5
5
¡Awaklhatlä Lhawuk tä nämla!
1Ipuhfwas, häpet fwala wok lewhäy che mälhhiyejatso, tek iwatläk oyämej amehen. 2Tsi amel wuj tä lehanej fwala tä Lhawuk tapinla, mälhhiyejat etantsaj tä näm tä honatsi tä wichi tek iniwhich'oye.#Mat 24.42-44; 2~Ped 3.10; Apoc 16.15 3Che wichi yohlak, “Is t'at, lhatamsekis ihi t'at”, wet nech'e letäyhyaj iselkatla lhamel che nichätpe, mälhyej leteläythayaj tä nichätpe atsinha tä hich'otshan tä takapuhtshanej lhäs.#Mat 24.37-41; Isa 13.8-9 Wet lhamel ihanhiyejt'ala che lhaifwayhtej.
4Mat amel, ipuhfwas, tek lheyayhi honataj. Tä mälhyejtso, fwalatso che näm tek aiselkatla mälhyej iwoye etantsaj tä näm. 5Tsi nilhokej amel ahäpehen isi leles wet äp fwala leles. N'ahäpkhihent'a honatsi lheley wok iyhäj tä ihumin honataj. 6Häp tä tamenej tä isit'ak y'amähen, mälhyej iwoye wichi iyhäj, mat is che y'an'omhen t'at wet y'anukwe lhan'äyij tä häpe m'ak tä is alhoho. 7Tsi wichi tä imähen, imähen tä honatsi, wet lhamel tä lhayen w'oknhasa, tä honatsi häp tä iyäyej hat'es. 8Mat häp n'amel tä y'ehi isi, is che y'anukwe t'at lhan'äyij tä häpe m'ak tä is alhoho. Wet is che y'atw'uyhi lhat'okwep'ot tä häpe lhat'ekhahyaj lhäy'e lhahumnhayaj, wet n'ap'oyejpe lhalhethey häp lhaniwhayaj tä ihlat n'amejen lhafwayhyaj.#Rom 13.12; Ef 6.13-17 9Tsi Dios tek tatshupi n'amehen yämthilek iti n'amejen lewäk, mat t'uhläk y'asakanej lhafwayhyaj häp tä isej Lhawuk Jesucristo. 10Lham y'il lhatapehen, yämthilek tej che y'at'inhen wok kamaj y'aläyhen che näm, mat y'ehiyeja t'at yämthilek tiyäj'attsiy. 11Wet häp tä oyok, Akhajyenhen wet ch'ot amehen, mälhyej tä lewoye athana.
Pablo tahuyej iyhäj yämthilek lhamel isej häp lhämet wet yok:
12Ipuhfwas, olhaip'altsen amehen yämthilek tek lhen w'et m'ayhaya häp lhamel tä tachumwethä tä i'amejen, tä t'uyehen ahusey wet ipäyen amehen Lhawuk len'äyij. 13Is chik wuj tä lhenay hin'ola wet lhäy'e lhip tä lehumnhen lhamel, häp lechumet tä iwoye tä tamenej. Wet ti amejen atamsek.
14Häte ipuhfwas, nityeneje lechumet aiyhäj tä n'etäjwethä. Khajyenhen lhamel tä nem lhay'amkatwethä, ch'otehen lhamel tä laj lakhajyhayaja, wet teläytej elh at chik häpe.
15Isit'a chik aelh chik häpe iwo hayahlä elh tä iwoyeje m'ak tä ni'isa.#Luc 6.27-28; Rom 12.14,17; 1~Cor 4.12-13; 1~Ped 2.22-23; 3.9 Mat woyaypej yiya m'ak tä is tä lewoyej amehen, lhäy'e nilhokej iyhäj.
16Is chik lajit lepesa tä a'akäswethä. 17Yej leyayej tä lewopej alhyaja, 18wet m'ak at chik häpe chik iche, w'enho gracias Dios. Tsi häp tähestso m'ak tä Dios ihuminche chik lewoye tä ahäpehen wichi tä ichaye Cristo Jesús.#Fil 4.4-6
19Yej t'omatay Dios laka Espíritu tä i'amhiche. 20Yej lhen w'et m'ayeka häp n'osilätyaj tä tälhe iyhäj tä yäme tä iwo siläta m'ak tä Dios laka Espíritu ifwenhomche wichi. 21Mat is chik letetshan wet lhelhtaye nilhokej m'ayhay tä mälhyejentso, wet chik kalelhäj tä häpe m'ak tä is, ti amejen. 22Tiyej kanhi m'ak at chik häpe tä ni'isa.
23Is chik Dios tä n'otamsek tälhe, imälhetwek tä ayen t'amajchetesa, wet t'amajej ahusey, lhäy'e asanis, lhäy'e atichunhayajay, yämthilek newache ates chik häpe chik näm Lhawuk Jesucristo. 24Häp lham tä t'än amehen häpe elh tä yäm matche lhämet, wet iwohiyela t'at tähestso.
Lepes Pablo lhämet
25Ipuhfwas, häte alhyen n'oyehen Dios.
26N'okwi amejen, tsufwel amejen tä lhen atetneka tä ahäpehen Dios leles.
27Tä Lhawuk lhämet n'oyej, one'tek leyahyenho nilhokej apuhfwas häp cartana.
28Is chik Lhawuk Jesucristo lep'altsenyaj i'amejen.
Currently Selected:
1~Tes 5: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.