1~Tes 4
4
Häp m'ak tä ikänitlhi Dios
1Athana ipuhfwas, tä amel lep'akayej Lhawuk Jesús, olhamel olhaip'altsen amehen che letujlhache m'ak tä lewoye tä olhamel ochufwente amejen, häp m'ak tä ikänitlhi Dios. Wet onityen amejen yämlek lhäy'e lhip che lewoye täjtso.
2Tsi lehanayej ihi ochufwenyaj tä olhamel ow'ente amhohen tä tälhe Lhawuk Jesús. 3Oyok, häp m'ak tä Dios lenech'ethayaj häpe t'at che alhenay häpeya lham t'amajchetes. Isit'ak iche elh tä iwo lakain'oyaja, 4mat is che elhpej amel lekalhi tä lenowayhtejlä asan m'ak tä ni'isa, tsi häpe t'at m'ak tä t'amajchet, wet t'uhawethiyejt'ak lewelkatejlhi, 5wok alhachajaye anech'ethayajay lhäy'e akänyajay tä ni'isahen, mälhyej iwoye wichi tä nitäfwelayej Dios. 6Isit'ak elh che häpe iwit'äynej lepuhfwa m'ak tä mälhyejtso, wok iwo kotsayej. Tsi Lhawuk iwohla lahaya nilhokej m'ayhaytso, mälhyej tä pajche ohanhat amejen wet n'am ne'tek letekm'ahtayej. 7Tsi Dios tek t'änej n'ame lhakokhayaj, mat t'än n'amehen yämlek n'ahäpehen t'amajchetes. 8Tä mälhyejtso, elh che yen w'et m'ayeka n'ochufwenyajna, häpkhit'a hin'ol tä yen w'et m'ayeka, mat yen w'et m'ayeka Dios, tä lham tä hiw'en amhohen laka Espíritu tä T'amajchet.
9Häpet ahumnhayaj tä leti amejen tä alepuhfwaswekej Cristo, tek iwatläk ochen amehen olhämet. Tsi Dios pajche ichufwen amejen yämlek letiyej ahumnhayaj aiyhäj, 10wet mälhyej'attso tä lewoyejepej nilhokej lhapuhfwas tä ihi Macedonia. Mat ipuhfwas, olhaip'altsen amehen che lhäy'e lhip ahumnhayaj. 11Uyaykwe amhohen yämlek atamsekis ihi, wet woye t'at m'ak tä lewoye, chumpejwethä, mälhyej tä olhamel one'tehtek lewoye, 12häpkhilek wichi iyhäj tä kahäpeya Dios leles, tek ayen w'et hin'ola, wet niwohit m'ak che tatäy amejen.
Häpet Lhawuk che tapinla
13Ipuhfwas, häpet lhamel tä pajche ileyejen honhat, olhamel ot'uhläk amel wuj tä lehanej, häpkhilek nemhit lhenay afwitajayaja, mälhyej iwoye wichi iyhäj tä newache leniwhayaj. 14Tsi tä n'amel y'at'ekhaye tä Jesús y'il mat inuphä tä tälho n'op'itseyhay, wet mälhhiyejattso tä Dios hip'ajthiyeja häp iyhäj tä pajche y'inhen tä t'ekhaye lham, che inuhatchephä tä tälho n'op'itseyhay.
15Wet olhamel ofwel amhohen häp Lhawuk lechufwenyaj, tä yäme tä n'amel tä y'aläyhen wet tä kamaj y'e honhatena che Lhawuk näm, y'ahänla len'äyij häp lhamel tä pajche ileyejen honhat. 16Tsi ihichela n'opak tä äytaji, lhäy'e ángel kaniyatey elh lechos, lhäy'e Dios lefwol trompeta lepak, wet Lhawuk inuhlahchä tä tälh puleye. Wet häp wichi tä pajche ileyejen honhat tä t'ekhaye Cristo, ichunlak inukwephä lhamel. 17Wet n'amel tä kamaj y'aläyhen, y'ap'akhiyeja lhamel tä õn'aichäjphä, häpkhilek y'anchutej häp Lhawuk. Tä mälhyejtso, y'ehiyeja lham yämthilek tiyäj'attsiy.#Mat 24.30-31; 1~Cor 15.51-52 18Wet häp tä oyok, Khajyenpej amejen Lhawuk lhämtesna.
Currently Selected:
1~Tes 4: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.