1 Njé gə́ Kɔrḭtə 8
8
Ala kára ba kiao
1Ta lə nékulje gə́ deḛ d’inja gə́ məs d’ar magəje ɓa d’ya̰ dakasee lé kəm síjeḛ lai inja dɔ’g ar sí n’gər gosee gao. Gosɔnégər lé ar dəwje ti ne rɔ dee ya nɛ meenoji ɓa dəw a rɔd ne maree. 2Ɓó lé dəw kára pidi rəa pana: Né neelé neḛ n’gər kəmee maji ndá né gə́ kəm gər lé yeḛ gər ginee njai el ɓəi. 3Nɛ ɓó lé dəw kára unda Ala dan kəmee’g ndá Ala gər ndiaa tɔ.
4Togə́bè ɓa, ta sɔ da nékulje gə́ d’inja gə́ məs d’ar magəje lé jeḛ n’gər gao magəje gə́ dɔ naŋg neelé to gə́ né el. Ala lé yeḛ nja kára ba kiao ɓa si gən. 5Tɔgərɔ ya, njé gə́ na̰je la̰ji tor ta meḛ dee’g pana: Gar Alaje d’isi keneŋ pə̰ dara’g ləm, gə dɔ naŋg nee ləm tɔ. Tɔgərɔ ya, deḛ d’wa dee meḛ dee’g gə́ gar Alaje ləm, gə dəw dɔ deeje ləm tɔ. 6Ndá jeḛ lé Ala lé Bɔ síje lé to kára ba kiao. Néje lai ḭ rəa’g ləm, jeḛ lé j’isi gə́ kea̰-yeḛ nja ləm tɔ. Mbaidɔmbaije lə sí Jeju Kristi lé to gə́ kára ba kiao tɔ. Mbɔl dəa-yeḛ nja ɓa néje lai to ne keneŋ ləm, jeḛje kara j’isi ne keneŋ gə mbəa-yeḛ nja ləm tɔ.
7Nɛ négər neelé to ɓee lə dəwje lai el. Njé gə́ na̰je lé d’oo magəje lé gə́ kankəmné ya ɓa d’usɔ da nékulje gə́ d’inja gə́ məs d’ar magəje tɔ ndá meḛ dee gə́ mbɔré lé ar dee tel mina̰ ne ya. 8Nésɔ ɓa a kar sí rəm pər gə́ rɔ Ala’g el. Ɓó lé j’usɔ əsé j’usɔ el kara j’a tel ne né gə́ raŋg el tɔ.
9Bèe ndá undaje kəmkàr dɔ rɔ sí’g nà si gə́ seḭ sije gə dɔrɔ sí ar sí sɔje né to gə́ meḛ sí ndigi lé tel to né gə́ ila ne mar síje gə́ meekun lə dee tɔg el ɓəi lé kag. 10Mbata ɓó lé i gə́ to gə́ njenégər lé ɓa dəw ooi to gə́ i si ta ka nésɔ’g mee kəi-magə’d ndá see dəw neelé gə́ meekun ləa tɔg el ɓəi lé see nérai a kɔree karee sɔ da nékulje gə́ d’inja gə́ məs d’ar magəje lé el wa. 11Togə́bè ɓa négər ləi lé a tel tuji ne ŋgokɔḭ gə́ meekun ləa tɔg el ɓəi gə́ Kristi wəi mbata ləa lé. 12Ɓó lé kaiya ra sí gə́ togə́bè lé meḛ sí ɔs ŋgwɔḭ gə ŋgako̰ síje ar dee d’ɔd ne rɔ dee kɔrəm ndá meḛ sí ɔs ŋgwɔḭ gə Kristi nja tɔ. 13Gelee gə́ nee ɓa, ɓó lé nésɔ gə́ togə́bè a gə kila ŋgokɔm kag ndá m’a sɔ da gə́ rara kara el ŋga, nà m’a kila ŋgokɔm kag.
Currently Selected:
1 Njé gə́ Kɔrḭtə 8: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.