Gn 36
36
A ton is txolilal eb yuninal Esaú
(1 Cr 1.34-54)
1Tix yoc yabixal yinatil Esaú, ma Edom ti'. 2Max mojay Esaú yetok eb ix ix aj Canaán: yetok ix Ada, is cutz'in Elón hitita, c'al yetok Aholibama is cutz'in Aná, is yitxiquin Zibeón heveo; 3cax max yion c'apax ix Basemat, is cutz'in Ismael, ay jun is nuej chi yik Nebaiot. 4A yune' Ada yetok Esaú, a ton Elifaz. Axa pax Basemat max jay jun yune', a ton Reuel. 5Axa pax Aholibama max jay eb yune', a ton Jeús, Jaalam c'al Coré. A ton eb ti' is c'ajol Esaú max alji bay tx'otx' Canaán, yet cajanto ec' bay tu'.
6Max lajwi tu', max yiontok Esaú eb yistzil, c'al eb is yuninal c'al masanil eb cajan ec' yetok, cax max toj bay junxa lugar, yet chi el bay is c'atan Jacob is yuẍtak. Max yiontok masanil no no' max yi' yet ayic' bay Canaán. 7Yujtol xiwilxa tzet ay eb cawanil, xan c'amxa chi je' yayji eb cawanil yin junej, cax c'amxa chi yab tx'otx' tx'otx' bay chi low is jobbejal no' eb. 8Yuj tu xin, max toj Esaú, ac'al oc chi ikon c'apax Edom, cajay bay siquilal tx'otx' Seir.
9Tix yoc yabixal eb yinatil Esaú ti', eb is yichmam eb nak edomita, eb nak max cajay ec' bay siquilal tx'otx' Seir. 10A ton is bi eb yinatil Esaú ti': Elifaz, yune' Ada, Reuel is yune' Basemat. 11A ton eb is c'ajol Elifaz ti': Temán, Omar, Zefo, Gatam c'al Cenaz. 12Ay jun is cab yistzil Elifaz chi yik Timna; max jay jun yune', cax max yak'on yik Amalec. A ton eb ti' yitxiquin Ada, ix yistzil Esaú. 13Eb yuninal Reuel, a ton Nahat, Zera, Sama c'al Miza; a ton eb ti' yitxiquin xal Basemat, junxa xal yistzil Esaú. 14Aholibama is bi junxa yistzil Esaú, axa eb is yune', a ton Jeús, Jaalam, c'al Coré; a xal Aholibama tu' cutz'in Aná, is yitxiquin Zibeón. 15Eb yajawil conob max el xol yinatil Esaú, a ton eb ti': eb max el yin yinatil Elifaz is babel c'ajol Esaú: a ton Temán, Omar, Zefo, Cenaz, 16Coré, Gatam c'al Amalec. A juntzan yajaw ti', max el yin yinatil Elifaz yul yet Edom; masanil juntzan ti', yitxiquinc'al Ada eb. 17Eb yuninal Reuel, c'ajol Esaú, eb max oc yin yajawilalok conob, a ton Nahat, Zera, Sama c'al Miza. A eb yajaw ti' max el yin yinatil Reuel bay yul yet Edom; masanil juntzan ti' yitxiquinc'al xal Basemat yistzil Esaú. 18Eb yune' xal Aholibama is cutz'in Aná, yistzil Esaú, max oc yin yajawilok conob, a ton Jeús, Jaalam c'al Coré. 19Masanil juntzan yajaw ti', yinatil Esaú eb, ma Edom.
20Eb is c'ajol Seir, cham Horeo cajan bay jun lugar tu' yet c'amto chi apni Esaú, a ton Lotán, Sobal, Zibeón, Aná, 21Disón, Ezer c'al Disán. A ton eb ti' yajaw conob eb xol eb horeo, xol eb yinatil Seir, bay yul yet Edom. 22Axa eb yuninal Lotán, a ton eb ti', Hori, c'al Hemam; Timna is bi yanab Lotán. 23Eb is c'ajol Sobal, a ton Albán, Manahat, Ebal, Sefo, c'al Onam. 24Eb is c'ajol Zibeón, a ton Aja, c'al Aná. A yet chi yilon Aná tu' no burro is mam bay tz'inan tx'otx', max ilchaj jun nuk' aej yuj, tol k'axan. 25Axa Aná tu', ay jun is c'ajol chi yik Disón, yetok jun is cutz'in chi yik Aholibama. 26Eb yuninal Disón, a ton Hemdán, Esbán, Itrán c'al Querán. 27Eb yuninal Ezer, a ton Bilhán, Zaabán c'al Acán. 28Eb yuninal Disán, a ton Uz c'al Arán.
29-30Eb yajaw conob xol eb horeo yul yet Seir, a ton Lotán, Sobal, Zibeón, Aná, Disón, Ezer, c'al Disán.
31A ton eb nak ti' max yak' yajawil bay Edom, yet c'amto is reyal eb israel. 32A Bela is c'ajol Beor max yak' reyal bay Edom, is conobal chi yik Dinaba. 33Axa yet max cam Bela cax max occan Jobab is c'ajol Zera yin yajawil is q'uexelok; Bosra bi is conob tu'. 34Yet max cam Jobab, axa Husam aj Temán, max occan yin yajawilal. 35Axa yet max cam Husam, axa Hadad is c'ajol Bedad max occan yin yajawil; a ton cham max ak'on ayc'ay eb Madián yin owal yul yet Moab; axa is conobal chi yik Avit. 36Axa yet max cam Hadad, axa Samla max occan yin yajawil; Masreca bi is conob. 37Axa yet max cam Samla max occan Saúl yin yajawil; aj conob Rehobot cham; jun conob tu', ay cawilal ti a' miman Éufrates. 38Axa yet max cam Saúl, axa Baal-hanán is c'ajol Acbor, max occan yin yajawil. 39Axa yet max cam Baal-hanán, axa Hadad max occan yin yajawil; Pau bi is conob. Axa xal yistzil Hadad chi yik Mehetabel, is yune' Matred, is yitxiquin Mezaab.
40-43A ton bi eb yajaw conob max el yin yinatil Esaú ti': Timna, Alva, Jetet, Aholibama, Ela, Pinón, Cenaz, Temán, Mibsar, Magdiel, c'al Iram; ac'al oc is bi eb max oc pax is biok junjun lugar bay max ec' eb. Esaú ac'al oc chi ikon c'apax Edom.
Currently Selected:
Gn 36: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989