ᕼᐆᓯᐊᑉ ᐊᒡᓚᖏᑦ 6
6
ᐃᓄᐃᑦ ᓱᓕᒻᒪᕆᒐᑎᒃ ᖃᕿᐊᓕᕐᖕᓂᖓᑦ
1“ᕾᓗᓯ ᐅᑎᓚᐅᖅᑕ ᐊᑕᓂᕐᖕᒧᑦ; ᑖᑦᓱᒪ ᐋᓐᓂᖅᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᖅᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᖕᓂᐊᖅᐹᑎᒍᑦ. 2ᐅᓪᓘᒃ ᒪᕐᕉᒃ ᐊᓂᒍᖅᐸᑎᒃ ᐆᒻᒪᖅᑎᓐᓂᐊᖅᐹᑎᒍᑦ; ᐅᓪᓗᑦ ᐱᖓᔪᐊᓐᓂ ᒪᑭᑎᓐᓂᐊᖅᐹᑎᒍᑦ, ᐃᓅᓕᖁᓪᓗᑕ ᑖᑦᓱᒪ ᓵᖓᓂ. 3ᖃᐅᔨᓕᖅᓚᕗᑦ, ᖃᐅᔨᕚᓪᓕᕋᓱᓚᐅᖅᓚᕗᑦ ᐊᑕᓂᖅ; ᑕᕝᕙ ᐅᕙᑦᑎᓐᓄᑦ ᕾᓂᐊᖅᐳᖅ ᐅᓪᓘᑉ ᖃᐅᓕᕐᖕᓂᖓᑐᑦ; ᐅᐱᕐᖓᒃᓵᒃᑯᑦ ᓯᓚᓗᒡᕕᐅᓕᖅᑐᑎᑐᑦ.”
4ᐊᑕᓂᕐᓕ ᐅᖃᖅᐳᖅ, “ᐃᕗᕅᒦ ᔫᑖᓗ ᐃᓕᑦᓯᓐᓅᑦ ᖃᓄᐃᓕᐅᖅᑐᒃᓴᐅᕗᖔ? ᓇᒡᓕᖕᓂᓯ ᓄᖑᑉᐸᖕᒪᑦ ᑕᒃᓯᖅᑎᑐᑦ ᐅᓪᓛᒃᑯᑦ ᐊᓯᐅᕙᒃᑐᑎᑐᑦ; ᐂᔪᖓᔪᑎᑐᓪᓗ ᖃᑯᐊᖅᑎᓯᒪᔪᑎᑐᑦ ᐅᓪᓘᑉ ᐱᒋᐊᕐᖕᓂᖓᓂ ᐊᓯᐅᕙᒃᑐᑐᑦ. 5ᑍᒤᒻᒪᑦ ᐱᔪᖃᓛᖅᑐᒥᒃ ᐅᖃᖅᑎᒃᑲ ᑎᓕᓚᐅᖅᐸᒃᑲ, ᐅᖃᕆᐊᖅᑐᖁᓪᓗᒋᑦ ᐅᖃᐅᓯᕐᖕᓄᑦ ᑐᖁᓚᐅᖅᐸᒃᑲ, ᐃᖅᑲᖅᑐᐃᓂᕋᓗ ᐱᒋᐊᓚᐅᖅᐳᖅ ᖃᐅᒻᒪᓕᖅᑐᑎᑐᑦ. 6#ᒫᑎᐅᓯ 9:13; 12:7.ᓇᒡᓕᖕᓂᓯ ᓱᖁᓯᔪᐃᑦᑐᖅ ᐱᔪᒪᕙᕋ ᐆᒪᔪᓂᒃ ᑐᓂᕐᕈᓯᕐᖕᓂᐅᖏᑦᑐᖅ, ᒎᑎᒥᒃ ᖃᐅᔨᖁᕙᒃᑲ, ᑐᓂᕐᕈᑎᓂᑦ ᐃᑯᐊᓪᓚᑎᑦᓯᓂᑐᐃᓐᓇᐅᖏᑦᑐᒥᒃ.
7“ᐋᑕᒥᑐᓪᓕ ᐊᖏᖃᑎᒌᖕᓂᕆᓚᐅᖅᑕᕗᑦ ᓯᖁᒥᓚᐅᖅᐹᑦ; ᑕᕝᕙᓂᓗ ᐅᕙᓐᓄᑦ ᐅᒃᐱᕐᖕᓂᕐᖕᒥᓂᒃ ᑲᔪᓯᔪᓐᓃᓚᐅᖅᐳᑦ. 8ᒋᓕᐊᑏᑦ ᐃᒡᓗᒐᓴᐅᕗᑦ ᐃᓄᖃᖅᑐᖅ ᐱᐅᖏᑦᑐᓕᔪᓂᒃ, ᐃᓄᐊᖅᑎᓂᒡᓗ. 9ᑐᓂᕐᕈᓯᖅᑎᓯᔩᑦ ᑕᕝᕙᓂ ᑎᒡᓕᒃᑎᑐᑦ ᑍᒤᑉᐳᑦ ᐅᑕᖅᑭᕙᒃᑐᑐᑦ ᐅᐸᓗᐃᓪᓗᒋᑦ ᐃᓄᖕᒥᒃ ᓵᓚᒋᓪᓗᒍ ᑎᒡᓕᒃᐸᒃᑐᑐᑦ; ᐊᒡᓛᑦ ᐊᖅᑯᑎᒃᑯᒃ ᓯᑭᒻᒧᐊᖓᔪᒥ ᐃᓄᐊᖅᐸᒃᐳᑦ, ᑍᒫᒡᓗ ᐱᐅᖏᑦᑐᓂᒃ ᐱᓇᓱᐊᖅᐸᒃᐳᑦ. 10ᑕᑯᓯᒪᕗᖓ ᐱᐅᖏᑦᑐᐊᓗᖕᓂᒃ ᐃᓴᕆᐊᓕᐅᑉ ᑭᖑᕚᖏᓐᓂ; ᐃᓄᖁᑎᒃᑲ ᐃᕗᕅᒥᐅᑦ ᑕᕝᕙᓂ ᐊᓯᓐᓂᐊᖃᑦᑕᖅᐳᑦ ᐊᑐᒐᕐᖕᓂᒃ ᐱᖃᑎᑲᖅᑐᑎᑐᑦ, ᐃᓴᕆᐊᓕᒥᐅᑦ ᓇᕐᕈᓇᖅᑎᑕᐅᕗᑦ.
11“ᐃᓕᑦᓯᓗ, ᔫᑕᐅᑉ ᐃᓄᖏᑦ, ᑲᑎᖅᓱᐃᕕᒃᓴᒥᒃ ᐋᖅᑮᕕᒋᓯᒪᕙᑦᓯ, ᐃᓄᖁᑎᒃᑲ ᐅᑎᖅᑎᓕᕈᒃᑭᑦ ᐱᕙᓪᓕᐅᑎᒃᓴᖏᓐᓂᒃ.”
Currently Selected:
ᕼᐆᓯᐊᑉ ᐊᒡᓚᖏᑦ 6: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.