2 Petero 3
3
1 #
2 Pet 1:13. Luminan, lo ŋes ebalua lokiareit lokewadikakini yes; kotoma kes kere kesinyikokini noi akusiwomisio nuiliogototas aisiitun; 2#Yud 1:17. tetere iitununete akiro nueneritos inabin lukalaunak, aicorakinet da naka Ejakait ido Eketajaran kama kikiyakiakus. 3#Yud 1:18; 1 Tim 4:1. Kojenutu na nasodit ebe epote ikesekelok kapaarasia nukawasia isekelete, etuparete aiŋobelekec bonik, 4#Isa 5:19; Esk 12:22; Mat 24:48. inerasi ebe, “Ejai bo ai aisumunet naka abunoreke? Naarai ageun netikolo ajotoorotor lukapapaawok, esalito iboro kwape ajaatar kageunet naka asubio.” 5#Age 1:2,6-9; Mat 24:38; Sab 24:2. Naarai epeleikinito aimurwokin na ebe kejai akuj ameun apeŋo, ka akwap naalomuni kotoma akipi, ido kokidiŋ akipi, kanuka akirot naka Edeke, 6#Age 7:11,21; 2 Pet 2:5. ŋes ainakini akwap nakolosek amudiario kakalele naka akipi. 7Konye iŋadakinitai akuj ka akwap nukatinenikwana akim, kanuka akirot kaŋin, idaritere kiton apaaran naka atubokinio ka amudiario naka ituŋa lumam eyoŋito Edeke. 8#Sab 90:4. Konye luminan, sirikimurwok akirot na adiopet, ebe, esubit adiopepaaran kama ka Ejakait, bala ikar elukumit, ka ikar elukumit da bala adiopepaaran. 9#Kbk 2:3; 1 Tim 2:4. Mam iyapia Ejakait aisumuneteke, kwape eomitotor ice aiyapia, konye etitiŋikinit mamakus, komam ekoto idio kayesi aolior, konye kodoloto kere aitoronikin. 10#Mat 24:29,35,43; Luk 12:39; 1 Ses 5:2,3; Apu 16:15; 20:11. Konye ebuni apaaran naka Ejakait kwape ekokolan, kosodi edaun akuj kagat naepol, ecalaros nugeet kamwanis kanaidopit, kosodi icweio da akwap ka aswamisio nuejaas tomake.
11Aso naarai ecalaros iboro ŋul kere kwaŋin, ibusakinit yes ajaun biai kotoma oponesio lukalaunak ka ayoŋit Edeke, 12#Isa 34:4; Yud 1:5. komunos, kimielas da noi abunore naka apaaran naka Edeke, naecalarere akuj naitonokunio, ka nugeet da ecalaros kamwanis kanaidopit. 13#Isa 65:17; 66:22; Apu 21:1,27. Konye kwape ejaar aisumunetake, kimuno akuj nakitetet ka akwap da nakitetet, neiboio adolit.
14 #
1 Kor 1:7,8; Yud 1:24. Aso luminan, naarai imunosi ŋun, kodunyakis adumakinio toma ainapakin, komamei elos karaida aitoronet, kakonyeneke. 15#Rom 2:4; 1 Kor 3:10. Koomito atitiŋikin naka Ejakaitiwok araut aitajario. Abu onacewok lominat Paul kiwadikak yes kwaŋin kwape ejaar acoa naainakinitai ŋes, 16ido inera ŋun kotoma obaluanake kere. Ejaas kotomakec acekiro nuetioko ajenun, nuemojirete lumam esisiato ka lumam icasito, kwape iswamakiniata nuiwadikatai ace, kiton amudiariokec, 17#Mk 13:5,9,33. Aso luminan, yes luidaut sek ajenun ŋin, kidaras kinyeis aibiror anyoun kotoma aicasitekus, kosodete ayaŋaario kapaar naka lukaronok. 18#Yud 1:25. Konye kopolokis toma asianut, ka ajenun da Ejakaitiwok ido Eketajaran Yesu Kristo. Koinakinai ŋol aibuses lolo kiton apaaran naka ikar kere. Amen.
Currently Selected:
2 Petero 3: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.