2 Petero 2
2
1 #
Mat 24:11; 1 Tim 4:1; Ikis 13:1; Yud 1:4. Konye apotu kojaut inabin lukeŋalak kotoma otuŋa, kwape ejauniata ikesisianakinak lukeŋalak kotomakus, luitolomunete kaiyeiyea apaar naemudiari, ido koŋerito Lokapolon loagweli kes, iriunete bonik amudiar nakatipet. 2#Isa 52:5. Etuparete da luipu abenyanutukec, ido emoromoroo kanukec erot loka abeit, 3#Rom 16:18; 2 Kor 9:5; 1 Ses 2:5. Kotoma airaŋaanut da itudumunos ameda naepol kamakus kakiro nuepwakunete; atubokiniokec ageun apeŋo mam itiloro, amudiariokec da mam iluranari,
4 #
Age 6:1; Yud 1:6. Naarai arai mam abu Edeke kitim imalaikan naadiakariata, konye kocakak kes ataro, kibwaik da apanya nukamuton, aidaria atubokinio, 5#Age 6:1–7:24; 8:18; 2 Pet 3:6. mam da abu kitim akwapin nukolo sek, konye kidar Noa ekalimonokinan loka adolit nepepe kituŋa ice ikanykaarei, naayaunia akalele akwapin nuka lumam eyoŋito Edeke; 6#Age 19:24; Yud 1:7. naabu kituluoria ireria luka Sodom ka Gomora ekurwon, kotubok akiro kibiro, kibwaik naanyunet mama ejaas ŋul luepote amamus ayoŋit Edeke; 7#Age 19:1-16. koyuu da Lot ekadoliton loeyaloŋoŋoi noi kanuka iponesio luka abenyanut naka ikaronok, 8#Esk 9:4. (naarai ekadoliton ŋol loeboie kotomakec, naaanyunia ka aiirar da, aponi kiticanai ekemoyo loedolit, ŋinipaaran kanuka aswamisiokec nukepali), 9#1 Kor 10:13; Apu 3:10; Yud 1:6. ejeni Ejakait ayuun lueyoŋito Edeke kotoma acodunio, ka aidar lumam edolito kiticanete kiton apaaran naka atubokinio; 10#Yud 1:7,8,16. konye aitelekarit ŋul luelosenenete atuparit akuan kotoma aiŋobel nakasilianut, komenito ayaio.
Iilokina, iswamaete nuekotos, mam emaranete emoromoroete lukaibuses, 11#Yud 1:9. kwabo imalaikan, karaida kepolok aitelekarit kagogoŋ ka apedor, mam eyaunete akiro nuka amorosit mama ejai Ejakait kamakec. 12#Yud 1:10. Konye kes, kwape isuban luemamei acoa, lueuritai bala itiaŋ lutai aikamunio ka amudiario da, emoromoroete kotoma akiro numam ejenete, emudiario cut kotoma amudiarikec, 13#Yud 1:12. ikonakinio kes erono ŋes eropit loka aronis. Eomito nukaiyalama abolia paaran. Eraas akemerin ka amasikineta, eboliaete kopucinokec luka aminanar, emorete kayes. 14Ejaas kakonye nuileleba adoteu, mam inyeinete adiakar. Ijodijodoete imoyon lumam icasito. Ejaas itauon luituutoro airaŋaanut. Idwe luikenen! 15#Mar 22:4-35. Inyeinete erot loetenit, kosodete apaar atupar erot loka Balaam, okoku loka Beor, loamina eropit loka amamus adolit, #Apu 2:14; Yud 1:11. 16#Mar 22:28. konye aponi kitoronai kanuka epalike; abu asigiria namam inera kiner koporoto loka etuŋanan, kitikok ikerep luka enabi.
17 #
Yud 1:12,13. Eraas kesi ikico luemameete akipi, ka ilisinai luekutari ekwam; idaritere kes amuton nairiono cucucuc. 18#Yud 1:16. Naarai inerasi nukailabilab nuepolok nutai, ijodijodoete kaiŋobel naka akuan kotoma abenyanut, ŋul luakuito apak naedit kama kaŋul kaluelosenenete kotoma apaar. 19#Yok 8:34; Rom 6:16. Isumunete kes aosikinio, kwabo eraas kesi ikulepek ibulesin luka amudiar; naarai ŋin yenipikori ituŋanan, eraun ŋesi ibulesit yenika ŋin. 20#Mat 12:45. Naarai nakedauniata aiku anyoun kotoma asilianut naka akwapin, toma ajenun cut Ejakait, ido Eketajaran Yesu Kristo, arai inyalinyalunos bobo kaŋin, kipikoroi, eraunos nukawasiakec nukaronok adepar nusodit. 21#Luk 12:47,48; Yud 1:3. Naarai tiejok kamakec arai kemam kejenunito erot loka adolit, itia aboŋor kau ainyein aicorakinet nakalaunan naaponi koinakinai kes kedaut ajenun. 22#Awa 26:11. Adoiki kes kwape ejaar awaragan nakabeit ebe, Eboŋori ekiŋok alekanake, ka apege da nailoŋoŋ eboŋori eipwok orit.
Currently Selected:
2 Petero 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.