SOLOMON HLA 7
7
Mipa
1A cungsin ce leengnu na si,
Vai tuah kedam hruk nang
na mawi;
Na cawn mawi ee, vaimi thiam thil
zung suakte bang.
2Rimhmui catlo a umnak sabit kheng,
Cuih khengte bang na lai
mawi ee;
Lili pangpar mawite ih kulh mi,
Sangvut teel hluum bang in
na pum mawi ee.
3Na siangṭaang ih pawhte tla cu,
Zukneng faphirte vek an si.
4Saiho innsang a bang na hngawng,
Heshbon khawpi kotka kiangih,
Tili bangtuk na mit a si;
Damaskas khawpi ral an vennak,
Lebanon ram ralven innsang,
Bang mi duhnung hnar mawi
na nei.
5Karmel tlang bang na lu sangah a
khai deudi,
Na sam phiar mi pat femte naal
bangin a tle;
A mawinak in siangpahrang lungthin
a kai thei.
6Na cuan a mawi, na hmel a ṭha,
Zalung hneem thiamtu na duhnak.
7Zoh mawi tuumkung bang iang na nei,
Na siangṭaang ah tumrah bor
bang pawhte a um.
8Tuumkung parah kai in a rah cu lo
hnik lang,
Ka hrangah cun na pawhte cu,
sabit rah bawrte vek a si.
Na thawthawt epal rimthaw bang.
9Na kaa rim cu sabitti thlum bik
khi a bang,
sabitti luang detdo seh,
lung ka duh hnen ah,
A hmur a ha tiangin lon seh.
Nunau
10Kei cu in ngaitu ih ta ka si,
A hiar mi cu kei ka si.
11Duhte ra aw, ramdai thiangah va
leeng tlang in,
Lai lungrawn khua ah caam uhsi.
12Zingthlapit in tho in sabit kung
zoh uhsi;
Cerh thlang in par thlang hai maw
ti khi va zoh in,
Taleti par thlang hai maw tin,
A cuih hmuan ah lungsung
duh bia thu lo ruah lang.
13Leeng-ai rah par rimhmui na hnim
thei ding,
Kan sangka kiangah thing rah tinkim
an um ding;
Lung ka duh aw, nomnak hlun le
nomnak thar tla,
Na hrang siseh ti in ka ret.
Currently Selected:
SOLOMON HLA 7: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.