SOLOMON HLA 8
8
1Sunghno ka nuih hnawiti cawm mi
rak si ve in,
Ka suahseempi ka ṭa sita la maw
ka ti;
An sial zatlanglam ih ka lo ton
caang zongah,
Hnam ning ka ti an phai relsiat
hman phang lo leen.
2Lawipi ning law sunghno ka nuih
ruuninn hnuai ah,
Lungsak te leen dawtnak i sim
thiam ding ka ti;
Sabitti le taleti sawrmi rimthaw cu,
Siah ta hnik ning na hrang
haalriam na in dingah.
3Na keh lam in i ṭaangkham ih,
Na vorhlam kut in kei i pom.
4Jerusalem leengrual le tla,
Kan duh awknak kharhmar lo ding thu
in kam uh.
Hla Fingruknak
Nunau pawl
5Husihmen maw thlaler ramṭhing
lakin a ra,
Lung a duh valpa thawn zaṭial tlai
aw phah leen.
Nunau
Na suahsemnak lungrawn khawte,
Epal thinghnuai ah lo ṭhang ing.
6Keimah siarlo leeng dang ngai hlah,
Keimah siar lo na ṭaang cungah
pom duh aw hlah;
Zuunrim ngaih cu thih ṭian bang
leen a fak ruangmang,
Lungfah hi ee thih ṭian bang leen
zaang mi zuun ngai;
Meisa alh bang a hliau in hliau,
Meisa kaang bang a alh in alh.
7Mit thei hlah ee dairial ti in,
Ruun tilian in fen thei hlah ngai;
Zokhal a lennak in duhnak lei
tumtu cu,
Nautatnak lawng a co sawn
ding.
A ṭa le pawl
8Tleirawl leengno farnu kan nei,
A pawhte cu a bomh pekte;
Valno in a leen tikah khin,
A hrangah ziang kan tuah
sak ding?
9Seempi farnu kulh hauhruang phar
va si sehla,
Kan siamsak lai ngun lung
dawl saang,
Ruuninn kotṭial va si sehla,
Sidar thing in kan kulh ih tur.
Nunau
10Khawkulh hauhruang phar cu ka si,
Ka pawhte lungdawl saang
an si.
Amah thawn um ka nomzia le ka
hnangam hi,
Duhhniang a man, a thei a si.
Mipa
11Baal Hamon an timi hmun ah,
Ka Solomon in sabit hmuan
a nei;
Lo nga pek in a lo an thlo,
Mi pakhat in a nga sum
thawngkhat an pe.
12Maw Solomon, ngun thawngkhat cu
na ta a si,
Lo thlo pawl ih covo cu zahnih a si.
Keimah bul in sabit hmuan ka nei.
13Ka dawt sunghno na aanka cu,
Ka hmuan sungin i rak
hlaan aw, ka lungduh;
Hawidawt ṭhianrual mi tlan na aw
an ngai duh hai.
Nunau
14Ram sazuk bang ka hnen ra law,
Maw ka dawt aw;
Tlangthing kuai par hmui lak a ceel
zukneng no bang.
Currently Selected:
SOLOMON HLA 8: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.