Matteyo 21
21
Ajiŋana Yesu Yerusalem Ihwa Hobu
Mk 11:1-11; Lk 19:28-40; Yn 12:12-19
1Lafanyi isi imiji Betfaji ilyaha Yerusalem idoŋe Oliveto, ifak Yesu leyiyanak honyi arrihai, 2ette jaran jihosi, Ojiŋana limiji on owon’to ihosyere hatai, inyurana adi itai nobo asigirya an ifitani iko ŋarri honyi. Ohouniete isi, iyaŋuniete isi jihoŋ. 3Al ifiyo obo itai omuk erre, oŋida itarraŋata jihonyi ojo, Awak Hobu isi, attadi inyi busana isi ofwonni. 4Ihanie erre hunia ihwo nya itasiruniere nekyana ono eyani sayyo on ojo,
5“Iramak ŋarri Sion ojo,
Imijye ottu Hobu hoi jihoi
Al anyalam al itoŋo ihorwoŋ ŋarri sigirya.”
6Attati leyiyanak fwatan ihaniere ihwa ifak Yesu jihosi. 7Attati isi iyaŋuno asigirya iko ŋarri ette fyatana aboŋojin hosi ihorwoŋ sigirya ette Yesu itoŋo dia. 8Ofyatani eluluŋ wati arryai aboŋojin hosi ikoi bwo fe omuk oyefuni atanata yanio ette fyatana isi ikoi. 9Eluluŋ wati huttehosyere iko huttehalu idolo afure on ojo, Ijara etahabuyo hatawana jyo lonyi Davide. Hotomunoi lya ol ottu’to ta afure ono Hobu. Ijara etahabuyo hatawana idou. 10Lajiŋak inyi Yerusalem illillihai aati daŋ ette jaran, ?Ŋai alya? 11Ojori eluluŋ wati jo, Yesu alya, eyani sayyo olo Nasaret otto Galilea.
Etaliboryo Yesu Aji Imojit Eneittok
Mk 11:15-19; Lk 19:45-48; Yn 2:13-22
12Ojiŋak Yesu ihaji imojit eneittok ette fuhara laati daŋ hul itinyyaŋai’to iko hul inyyaŋai’to asaŋ ihaji ania. Ette inyi sulara ateremejahyen huno eloitok gurusi, kwalalaŋ, iko akurusi huno etinyyaŋak wolosin. 13Ojo inyi jihosi, Igyoroni jo, “Iloŋoi adi aji hoŋ ahaji imojit, ati iloitoto tai inyi ahinom hahalak.”
14Ofwonni aŋodok iko aŋurak jihonyi ihaji imojit eneittok ette inyi itaŋida isi daŋ. 15Iloŋojitai ehumak eleittaha iko legyorok al igonyuni isi erre hun obolori’to hun ihanio inyi iko aduri hun idoloi ihaji imojit eneittok ojori, Ijara etahabuyo hatawana jyo Lonyi Davide. 16Ette isi jaran jihonyi, ?Itaniŋu iye erre hun ikyanai isi? Itarraŋ Yesu jihosi ojo, Afe. ?Ibyaŋata so itai iheniete jo, “To hutuhe oŋyai iko hun hadasai’to inyurak iye etahabuyo on oyyu’to?” 17Obusaro inyi isi ette leten imiji Betania ijotori.
Aŋaboli on Obeŋ’to Oŋi
Mk 11:12-14, 20-26
18Ta amotye hanyik acaharo Yesu imiji Yerusalem ette inyi niama. 19Igonyu inyi aŋaboli iger ikoi ati afany inyi iwoyo honyi ette nyurana abene ijai. Ojo inyi jyo ayyani, Hotobyaŋahi omuk aŋer oŋijuni jihoi tulaŋ. Teyya teyya inor ayyani kokwak. 20Al igonyuni leyiyanak ayyani ania illillihai isi ette jaran, ?Aŋai inor inyi kokwak? 21Itarraŋ Yesu jihosi ojo, Eramak ni itai ahode jo kuyya owon neruk jihatai on obeŋ iko ekuyya, iremehina tai ihanio ihwa ehanio ni jyo ayyani ania. Ati obyaŋara ania ijai. Dwadi ikyanati tai jyo adoŋe ana ojo, Odyotoi bwo fe irwoŋok ahwan hoi ihari, oniŋyo adi inyi. 22Nyo erre daŋ hun ifiyete tai ta amojo bwo fe ta neruk, ifwotuna adi itai.
Efiyo Leittaha Yesu te Elaballok Honyi
Mk 11:27-33; Lk 20:1-8
23Ojinak nya Yesu ihaji imojit eneittok bwo ofwonni ehumak eleittaha iko amarwak jihonyi ette ifiyo, ?Ta anani elaballok ihanio iye erre huna? ?Ŋai isyo jihoi elaballok ania? 24Itarraŋ Yesu jihosi ojo, Efiyo ni itai obo nefi. Al itarraŋata tai jyo onoŋ, eramak adi ni itai bwo fe ta anani elaballok en ehaniere ni erre huna. 25?Ottu elaballok ono Yoane an ibatisyere inyi laati tai? ?Ottu inyi jyo Hollum kuyya jyo aati? Attati isi itarisa ta ahwattek hosi ojori, Kuyya ejo hohoi ottu elaballok honyi jyo Hollum, ojo adi inyi, ?Nyo ibyaŋata tai iruhoto inyi? 26Kuyya ejo hohoi ottu elaballok honyi jyo aati, ebaŋ hohoi eluluŋ wati, nyo iruhi isi daŋ jyo ara Yoane aheyani sayyo. 27Tania itarraŋi isi jyo Yesu jo, Ebeŋ hohoi emijak. Ojo ati inyi jihosi, Ani bwo fe, abeŋ ni eramak itai ta anani elaballok en ehanio ni erre huna.
Narryamara ono Lonyirok Arrihai
28?Igigiloti tai anyo te eram ana? Owon nya obo atulo iko lonyirok arrihai. To obo oloŋ ette inyi jaran jyo oloŋeu ojo, Lonyi hoŋ ilo ahana igyamai imana hoŋ. 29Itarraŋ inyi ojo, Eha ni. Ati ihalu iloit inyi ataji honyi ette leten imana. 30Ette monye ikyana jyo lonyi honyi etarrihi ihwo nya. Ette inyi itarraŋ ojo, Oyyu, alo adi ni, ati obeŋ bu inyi olo. 31?Alali hito t’ehiji hosi ihanio awahan ono monyonyi? Itarraŋi isi jihonyi jo, Oloŋeu. Ojo Yesu jihosi, Eramak ni itai ahode, ojiŋani adi lamojok musuru iko asomok ilobye Hollum ahosyere hatai. 32Nyo ottu nya Yoane jihatai el ejifatyo’to efahita huno Hollum ati ibyaŋata nya itai iruhoto jihonyi. Bwo iruhi nya lamojok musuru iko asomok ettiyenita honyi. Dwadi igonyuna tai erre huna ibyaŋata tai iloitoto atajya hatai iruhori jihonyi.
Narryamara ono Atulo ol Owon iko Amana Ajalaŋi
Mk 12:1-12; Lk 20:9-19
33Itaniŋuna obo narryamara ana. Idulak nya obo atulo ajalaŋi imana honyi attati ikolonia amariŋ, ette bohyo ewure imocere aari haŋer ajalaŋi, attati bwahina olobele dia. Iloŋo inyi omuk laati icyari imana honyi ette inyi leten jyo obo afau. 34Ottu ayafa on odyarak aati aŋer ajalaŋi ette lamonye mana ifahina apiti jyo ecyak mana imojuniere aŋer. 35Inefi ecyak mana apiti. Abahye isi abotye, ottohori isi obo, bwo fe irwoŋi isi obo ta amorwoi. 36Inyyak inyi ifahina apiti hul olwaji agalihini hyodwo, ati ihanie isi ihwo nya jihosi. 37Ihalu ifak inyi lonyi honyi jihosi nyo igigilo inyi jo abaŋi adi isi lonyi hoŋ. 38Ati ninya igonyuni ecyak mana lonyi honyi ojori isi ta ahwattek hosi jo, Arutani alya. Ifwanna, hattohoro inyi oŋida hohoi erutak erre honyi. 39Inefi isi inyi ette pihoro inyi addi to mana ette ’tohoro. 40Tania al ottu lamonye mana, ?ihanio adi inyi anyo jyo ecyak hulya? 41Ojori isi jihonyi, Ottoho adi inyi laati hulya hul orrohoji’to ta naye on orroho’to, ette isyarana amana jyo lecyak omuk hul isyori adi jihonyi aŋer ajalaŋi ladori isi.
42Ojo Yesu jihosi, ?Ibyaŋata tai iheniete egyerita? Igyoroni nya jo,
“Amorwo#21:42 amorwoAra amorwo ania Kristo. inya ihari aduhok
Ottu ratan moi etteri lohitir;
Ara ana ariŋ an ihanio Hobu
An ellilliha hohoi bebe.”
43Tania eramak ni itai jo, Ohoruni adi olobye Hollum jihatai addi ette isyarana jyo laati hul oŋijuni aŋer honyi.#21:43 laati hul oŋijuni aŋer honyiIsi laati hul ihanie awahan ono Hollum. 44Lya al okwaharo’to jyo amorwo ania, owuro adi inyi; ati al isyak amorwo ania atulo, attad adi ahwan honyi.
45Al itaniŋuni ehumak eleittaha iko Farisei narryamarita huno Yesu, ette isi mijana jo ikyana Yesu tesi. 46Ati al awahi isi inefuna inyi abaŋi isi eluluŋ wati hul iruhi’to jo ara inyi aheyani sayyo.
Currently Selected:
Matteyo 21: LOT1969
Highlight
Share
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.