Apocalipsis 3
3
Scarta jtsob jch'unolajeletic ta lum Sardis
1Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Sardise: ‘Li boch'o te oy ta stojol li vucub espíritu yu'un Diose xchi'uc li vucbej c'analetique, jech chayalboxuc: Li vu'une xcotquin li avabtelique. Lec cuxuloxuc ta alel, pero chamenoxuc. 2Vic'o me asatic. Ich'beic yipal achi'uquic ti c'u to yepal comen avu'unique, yu'un ta xa me xcham scotol. Yu'un mu'yuc bu tuc' jtaoj avabtelic ta stojol li Diose. 3Vuleso me ta ajolic li c'usi laj ava'yic, xchi'uc ti c'u x'elan lachanubtasatic ta sliquebe. Ja' me ch'unic o. Suteso me avo'ntonic. Me mu xaq'uel abaique, ta xital ta atojolic jech chac c'u cha'al j'elec'; mu xana'ic c'usi ora chital.#Mt 24.43-44; Lc 12.39-40; Ap 16.15. 4Pero oy to jayibuc te achi'uquic ta Sardis ti mu'yuc yic'ubtasoj sc'u'ique. Le'e oy ta sventa chixchi'inicun ta xanubal xchi'uc li saquil-c'u'ique. 5Li boch'o tstsal yu'un scotole ja' jech sac sc'u' tslapic, xchi'uc mu'yuc ta jtu'pbe ta vun sbiic sventa cuxlejal sbatel osil,#Ex 32.32-33; Sal 69.28; Ap 20.12. xchi'uc jamal chcalbe sbiic ta stojol li Jtote xchi'uc ta stojol li yaj'almantaltaque.#Mt 10.32; Lc 12.8. 6Li boch'o oy xchiquine, ac'o ya'ibe smelol c'usi chal Ch'ul Espíritu ta stojol li jujutsob jch'unolajeletique, xayutoxuc li Cajvaltique’, uto”, xiyutun.
Scarta jtsob jch'unolajeletic ta lum Filadelfia
7Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Filadelfiae: ‘Jech chal li Boch'o mu'yuc smule, ti melel scotol c'usi chale, ja' li Boch'o yich'oj ta sc'ob li sllavi Davide. Ja' li Boch'o ta sjam ti mu'yuc boch'o xu' yu'un tsmaque, ja' li Boch'o ta smac ti mu'yuc boch'o xu' yu'un tsjame.#Is 22.22; Job 12.14. 8Xcotquin li avabtelique. A'yo ava'yic, jamal xa lec ti'na cu'un ta aventaic; mu'yuc boch'o xu' tsmac. Ac'o me jutuc no'ox atsatsalic, pero ach'unojbicun o li jc'ope. Mu'yuc amucojicun ta avo'ntonic. 9Ja' yu'un a'yo ava'yic, ta xcac'boxuc ta ac'obic li nail tsobobbail yu'un banquilal pucuje, ja' li boch'otic chalic ti ja' judioetique pero ma'uc; ja' no'ox ch-epalc'opojic. Ta xcac' ti ac'o tal squejan sbaic ta atojolique,#Is 49.23; 60.14. yu'un jech ac'o sna'ic ti ta melel c'anbiloxuc cu'une.#Is 43.4. 10Ta sventa ti laj achabi ta avo'ntonic ti laj calboxuc tsc'an chcuch avu'unic vocole, ja' no'ox jech ec li vu'une chajchabioxuc ti c'alal tsta yorail chcac'be svocol scotol li cristianoetic ta sbejel banamile ti c'alal chich' q'uelbel c'u x'elan yo'ntonique. 11A'yo ava'yic, po'ot xa chital. Junuc me avo'nton tsaquic o li c'usi ataojique, yu'un jech mu xbat ta yan li amotonique. 12Li boch'o tstsal yu'un scotole ja' chcac' c'otuc ta yoyal xch'ulna li Dios cu'une; mu xa xloc' o. Ta jts'ibabe ta stojolic sbi li Dios cu'une xchi'uc sbi li lum yu'un Dios cu'une, ja' li ach' Jerusalén chlic tal ta vinajel yo' bu oy li Dios cu'une.#Ap 21.2. Xchi'uc ta jts'ibabe ta stojolic noxtoc li ach' jbie.#Is 62.2; 65.15. 13Li boch'o oy xchiquine, ac'o ya'ibe smelol c'usi chal Ch'ul Espíritu ta stojol li jujutsob jch'unolajeletique, xayutoxuc li Cajvaltique’, uto”, xiyutun.
Scarta jtsob jch'unolajeletic ta lum Laodicea
14Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Laodiceae: ‘Jech chal li Boch'o Jechuc, xi sbie, ja' li tuq'uil testigoe, ti melel c'usi chale, ti ja' la sliques scotol li c'usitic oye:#Pr 8.22-31; Jn 1.3; Col 1.15,18. 15Xcotquin li avabtelique. Jna'oj ti mu'yuc c'oc'oxuc xchi'uc ti mu'yuc sicoxuque. Lec ti oyuc c'uxi xasicubic, o ti oyuc c'uxi xac'ac'ubique. 16Pero ta sventa ti sam-q'uixinoxuc no'oxe, ti mu'yuc bu lec sicoxuc xchi'uc ti mu'yuc bu lec c'oc'oxuque, ta jc'an chajxetaoxuc loq'uel. 17Yu'un jech chavalic: Vu'une lec jc'ulejun, jtaoj xa scotol, mu'yuc c'usi yan sc'an cu'un, xachiic. Mu xavil abaic ti solel me'onoxuc, ti abul abaic, ti xataq'uic oc'tael, ti ma'satoxuc, xchi'uc ti bats'i cuxul t'anal chaquiloxuque. 18Ja' yu'un chacalboxuc c'usi lec ac'o apasic. Vu'un xtal amanbicun bats'i lequil c'anal taq'uin ti chic'bil lec ta c'oc' yic'ubale, yu'un jech lec jc'ulej chac'otic ta melel. Xchi'uc vu'un xamanbicun saquil c'u'il, jech mu xa xavac'be abaic q'uexlal, yu'un muc xa t'analucoxuc. Xchi'uc chacac'boxuc lec poxil satil sventa chavac' ta asatic, yu'un jech xu' chlic avilic lec osil. 19Li boch'otic lec jc'anoje ta jtaq'ui, ta xcac'be nucul.#Pr 3.12; Heb 12.6. Tsotsanic me cha'e; suteso me avo'ntonic. 20A'yo ava'yic, li vu'une li' oyun ta ti'na chajc'opanoxuc. Li boch'o cha'ay c'alal ta jc'opane, me chisjambun li ti'nae, ta x'och jchi'in; ta jchi'in ta ve'el, jech chixchi'inun ta ve'el ec. 21Li boch'o tstsal yu'un scotole ta jchi'in ta chotlej ta jchotleb, jech chac c'u cha'al laj yac' chotlicun jchi'uc li Jtote, yu'un itsal cu'un scotol.#Jn 16.33; Ap 5.5. 22Li boch'o oy xchiquine, ac'o ya'ibe smelol c'usi chal Ch'ul Espíritu ta stojol li jujutsob jch'unolajeletique, xayutoxuc li Cajvaltique’, uto”, xiyutun.
Currently Selected:
Apocalipsis 3: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.