Proverbios 9
9
Li bijubtasel xchi'uc jboliltique mu co'oluc c'usi ta jtatic yu'un
1Li bijubtasele la sva'an sna;
laj yaanbe vucbej yoyal.
2Ts'acal la smil sts'unub yovol ta sventa q'uin;
la xchapan lec ya'lel ts'usub te ta xmexa.
3La stac batel li squiarataque.
Li bijubtasele i'avan ta toyol vits te ta lum.
4Jech laj yal: “Vo'oxuc ti mu'yuc abijilique, li' xatalique.
Vo'oxuc ti mu c'usi xana'ique,
5la' ve'anic li pan cu'une;
la' uch'anic li ya'lel ts'usub li' chapanbil cu'une.
6Comtsanic li sbolil avo'ntonique jech chacuxiic;
ja' sa'ic li chanubtasele”, xi.
7Li boch'o ta spajes jlabanvaneje ja' no'ox ta sta chopolc'optael;
li boch'o ta staq'ui chopol vinique ja' no'ox ta sta contrainel.
8Mu xavulilan li jlabanvaneje, yu'un jech mu xascontrainot;
yan me chacolta li boch'o bije, ja' lec chayilot.
9Bijubtaso li boch'o xa'ibe ono'ox smelole, jech ech'em to ta xbijub;
chanubtaso lec li boch'o tuc' yo'ntone, jech ta to xtojob batel.
10Me chquich'tic ta muc' li Muc'ul Diose, ja' to te chlic bijubcutic batel;#Job 28.28; Sal 111.10; Pr 1.7.
me chcotquintic batel li Muc'ul Diose, ta xjam lec jsatic.
11Vu'un li bijililune, vu'un ta jventa chnatub avorail,
jech ep jabil chacuxi.
12Me oy lec abijile, ja' alequilal atuc;
me jlabanvanejot no'oxe, chatoj atuc.
13Li bol talelale ja' jech chac c'u cha'al jun ants ti mu xmac ye ta lo'ile,
ti mu spajes sbae, ti mu xich'be smelole,
14ti chchoti ta xila te ta sti' snae,
ti chchoti bu toyol jutuc vits te ta lume,
15ti ta xic' li boch'otic te chjelovique,
li boch'otic chanovic batel ta tuq'uil bee.
16Jech ta xalbe: “Vo'oxuc ti mu'yuc abijilique, li' xatalique”, xut.
Xchi'uc jech chalbe noxtoc li boch'otic mu'yuc c'usi sna'ique:
17“Li elc'anbil vo'e toj lec chi' ta uch'el;
li ve'lil ti mucul ta jve'tique toj lec mu”, xut.
18Li boch'otic chbatique mu sna'ic me te chchamic o;
mu sna'ic me ta yavil animaetic xa chbatic li boch'otic chch'unic iq'uele.
Currently Selected:
Proverbios 9: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.