Proverbios 8
8
Li bijubel ta sventa Diose toj lec, mu xlaj o sc'oplal
1Li bijubtasele ta x'avan;
li tojobtasele tsots xc'opoj.
2Te ta xac' sba ta toyol stsel-lejtic ta nopol be;
ta sva'an sba ta curusal be.
3Te ta xc'opoj ta ti'ti' na;
tsots ch-avan ta yochebal lum, jech ta xal:#Pr 1.20-21.
4“Viniquetic, chajc'opanoxuc;
cristianoetic, chajchi'inoxuc tal ta lo'il.
5Bol cristianoetic, ja' c'anic li tuq'uibtasele;
vo'oxuc ti mu'yuc abijilique, ja' sa'ic li tojobtasele.
6A'yo ava'yic, yu'un ta xcal tal li c'usi stuc xa no'ox toj leque;
ta jlo'ilta tal li c'usi tuq'ue.
7Ja' ta xcal li c'usi melele;
mu ja'uc chcal li c'usi chopole.
8Puru tuc' li c'usi chloc' ta quee;
mu'yuc capal ta bol lo'il xchi'uc ta epalc'op.
9Toj lec cha'yic li boch'o cha'ibeic smelole;
lec tuc' cha'ay li boch'o oy sbijile.
10Ja' c'anic li chanubtasel cu'une, yu'un ja' mu tsotsuc sc'oplal li saquil taq'uine;
ja' sa'ic li bijubtasel cu'une, yu'un ja' mu tsotsuc sc'oplal li c'anal taq'uine”, xi.
11Ja' xjelov to slequil li bijubtasele, ja' mu sta jech li lequil tonetique;
mu xco'laj xchi'uc li c'usitic toj c'upilic sba chquiltique.
12“Vu'un li bijililune li' jchi'uc scotol li bijubtasele;
li' oy cu'un scotol li lequil tojobtasele.
13Li boch'o chich' ta muc' Muc'ul Diose ja' xa tscontrain o li c'usi chopole.
Li vu'une contra chquil li toybaile, li boch'o toj muc' yac'oj sba, li c'usitic yan chopole, xchi'uc li epalc'ope.
14Vu'un li' oy ta jtojol li lequil chanubtasel xchi'uc lequil tojobtasele;
vu'un li bijililune, vu'un li tsatsalilune.
15Vu'un ta jventa xu' yu'un tspasic mantal li ajvaliletique;
vu'un ta jventa xu' yu'un chalic c'u x'elan chcom li boch'otic chchapanique.
16Vu'un ta jventa xu' yu'unic li banquilaletique;
vu'un ta jventa xu' yu'un chchapanvanic li ajvaliletique.
17Lec c'ux ta co'nton li boch'o chisc'anune;
li boch'o chisa'une chistaun.
18Vu'un oy ta jventa li c'ulejalil xchi'uc li ich'el ta muq'ue,
ja' li c'ulejalil li ich'el ta muc' ti mu xlaj sc'oplale.
19Li c'usi chcaq'ue ja' xjelov to slequil, ja' mu sta jech slequil li c'anal taq'uin ti lecubtasbil xae;
li c'usi ta jq'uelane ja' xjelov to slequil jech chac c'u cha'al li bats'i saquil taq'uine.
20Vu'un chituq'uibtasvan batel ta sbelal c'usi tuc'
xchi'uc ta sbelal c'usi lec.
21Yu'un jech xu' tstaic c'usi sc'oplal chich'ic li boch'o chisc'anicune,
jech ta xcac'be ep sc'ulejalic.
22“Li Muc'ul Diose vu'un ba'yuc laj yac'un;#Ap 3.14.
vo'one xa ono'ox te oyun ti c'alal la spas c'usitic oye.
23Te xa ono'ox oyun
ti c'alal mu'yuc to'ox pasbil li banamile.
24Voq'uemun xa'ox ti c'alal mu'yuc to'ox li muc'tic nabetique,
ti c'alal mu'yuc to'ox cht'oman loq'uel li nio'etic xchi'uc li uc'umetique,
25ti c'alal mu'yuc to'ox pasbil li vitsetique,
xchi'uc ti c'alal mu'yuc to'ox pasbil li stsel-lejtique te ono'ox oyun.
26Li osil banamile mu'yuc to'ox pasbil;
me ja'uc li pucuc ti pasbil o li banamile, mu'yuc to'ox c'usi oy o.
27Te ono'ox oyun o ti c'alal laj yich' pasel li vinajele,
xchi'uc c'alal laj yich' setanel ta joyob li yibel vinajele,
28xchi'uc ti c'alal laj yich' nacanel ta toyol li vinajele,
xchi'uc ti c'alal la snacan lec natiquil nab li Diose,
29xchi'uc c'alal laj yalbe lec mantal nabetic ti mu me xjelovic ti bu albilic chpajique,
xchi'uc ti c'alal mu'yuc to'ox pasbil snacleb li banamile.#Job 38.8-11; Sal 104.6-9; Jer 5.22.
30Te ono'ox oyun o ta sts'el Dios scotol c'ac'al.
Vu'un xcuxetelun yo'nton scotol ora;
scotol c'ac'al xcuxet co'nton ta stojol.
31Toj xcuxet no'ox co'nton ti bu oy jnaclumetic ta spasbil banamile;
toj jun co'nton ta stojol li cristianoetique.#Job 28.23-27.
32“A'yo ava'yic, jnich'nab,
toj xcuxet no'ox yo'nton li boch'otic chtalic ta be cu'une.
33A'yo lec ava'yic li chanubtasele jech chabijubic;
mu me xabajic li tojobtasele.
34Toj xcuxet no'ox yo'nton li boch'o cha'ay c'usi chcale,
ti te oy satic scotol c'ac'al ta sti' jnae,
ti scotol ora te chismalaicun oe.
35Yu'un li boch'o chistaune ta sta xcuxlejal,
xchi'uc lec ch-ilat yu'un li Muc'ul Diose.
36Yan li boch'o tsa' smul ta jtojole ta sa' svocol stuc;
li boch'o chisbajune yu'un xa ja' tsc'an o li lajele”, xi.
Currently Selected:
Proverbios 8: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.