2 Samuel 22
22
Sq'ueoj David c'alal itsalvan ta pleito
(Salmo 18)
1Li q'ueoj li'i ja' la sq'uejinta ta stojol Muc'ul Dios li David c'alal icoltaat loq'uel ta sc'ob yajcontrataque xchi'uc ta sc'ob li Saule. 2Jech chal li sq'ueoje:
“Muc'ul Dios, vo'ot jchabivanejot cu'un,
vo'ot jpojobbailot,
jcoltavanejot cu'un.
3Dios cu'un,
vo'ot jnac'ubbailot;
vo'ot jmacot.
Ta avu'el chacoltaun;
vo'ot lec toyol jnac'ubbailot,
lec toyol jpojobbailot.
Jcoltavanejot cu'un,
yu'un laj acoltaun ta uts'intael.
4Muc'ul Dios, vo'ot no'ox tsc'an cha'ich'at ta muc'.
C'alal chajc'opanote, chacoltaun ta sventa cajcontratac.
5“La sventainun o li lajele;
lixi' yu'un li yoc jcuchvanej uc'ume.
6La xpech'un ta snucul xch'ojon li yavil animaetique;
yacbilun licom yu'un li lajele.
7C'alal oyun ta tsots vocole, la jc'opan li Muc'ul Diose;
la jc'anbe vocol li Dios cu'une.
Laj ya'ibun jc'op c'alal to ta ch'ulna yu'un;
ic'ot ta xchiquin li coq'uel cavanele.#Sal 120.1; Jon 2.2.
8“Jech tsots inic li banamile:
inic c'alal ta yibel li vinajele;
iyuq'uilanat ta sc'ac'al yo'nton li Diose.#Jue 5.4-5; Job 36.30; Sal 29.3-9; 77.16-19; 144.5-8; Hab 3.3-13.
9Yu'un iloc' ch'ayil ta sni';
iloc' c'oc' ta ye sventa chchic'van;
iloc' tsanajtic ac'al ta ye.
10La stsulesbe jutuc li spoc'al vinajele,
jech iyal tal.
Oy ep pimil ic'al toc te ta yolon yacan.
11Icaji ta jcot querubín, ivil batel;
ta ic' ivil batel xchi'uc li xiq'ue.#Sal 68.33; 104.3.
12Ja' sna ic'ot li pimil ic'al toc te joyibtabil yu'une,
ja' li pimil ic'al toc xcuchoj ya'lele.
13Ta tsots xojobal itsan li ac'aletic te x'u'pte-u'ptee.
14“Li Muc'ul Dios te oy ta vinajele
ic'opoj yalel tal c'alal ta vinajel
jech chac c'u cha'al xbac' chauc.
15La st'iles yalel tal li sflechae;
laj yac' yalel tal li sacsevule,
jech tanpuc ijatovic batel ta anil li cajcontrae.
16Toj vinajel ic'ot li slumal yut natil nabe;
toj jamel ic'ot li snacleb banamile,
ta scoj ti tsots ic'opanatic yu'un Muc'ul Diose,
ta scoj ti tsots la xjuch'ta batele.#Ex 15.8; 19.19.
17“Li Diose laj yac'bun tal sc'ob c'alal to ta toyol;
ja' la snitun o loq'uel ta muc'ta nab.
18La scoltaun loq'uel ta sc'ob li cajcontra ti tsots xu' yu'unique,
ti mu'yuc jtu ta satique,
ti xjelov to xaq'uic jech chac c'u cha'al vu'une.
19Chtal ox yac'bicun ti c'alal ja'o oy jvocole,
pero ja' la scoltaun li Muc'ul Diose,
20jech licol loq'uel.
La scoltaun yu'un toj c'uxun ta yo'nton.
21Li Muc'ul Diose laj yac'bun jmoton ta sventa ti lec c'usi la jpase,
ta sventa ti lec yabtel li jc'obe.
22Yu'un ja' no'ox la jtam o li be yu'une;
mu'yuc bu la jmuc o ta co'nton li Muc'ul Dios cu'une.
23Oy ta co'nton scotol li c'usitic yaloje;
mu'yuc bu la jbajbe li smantaltaque.
24Tuc' la jpas jba ta stojol;
la jq'uel jba ta sventa li c'usitic chopole.
25Ja' yu'un laj yac'bun jmoton ta sventa ti tuc' co'ntone,
ta sventa ti lec laj yil li cabtele.
26“Dios, jun avo'nton ta stojol li boch'o jun yo'nton ta atojole;
tuc' c'usi chapasbe li boch'o tuc' tspas ta atojole.
27Lec chavil ec li boch'o lec chayilote;
yan li boch'o chopolique tsots c'usi chapas ta stojolic.
28Ja' chacolta li boch'o biq'uit chac' sbae;
yan li boch'o toyol chac' sbae
chavac' asat ta stojol yu'un ac'o bic'tajicuc.
29Muc'ul Dios, vo'ot jluz c'otemot;
Dios cu'un, vo'ot chavac'bun axojobal ta ic' osil.
30Vo'ot ta aventa ta jtsal li cajcontrae;
vo'ot ta aventa ta jbitubta jelovel li coraltonetic yu'un slumalique.
31“Li Diose lec tuc' li be yu'une.
Li c'usitic yaloje, jbel sc'oplal chc'ot ta pasel.
Li Muc'ul Diose lec chchabi li boch'otic nabalic o ta stojole.#Pr 30.5.
32Mu'yuc yan Dios jech chac c'u cha'al li Muc'ul Diose;
mu'yuc yan Dios ti xu' yu'un chixchabiutique.#Is 44.8.
33Li Diose ja' mero jnac'ubbail, yu'un toj ech'em svu'el;
ja' chac' ti lec tuc' chbat li c'usi ta jpase.
34Ja' chisabaltasbun cacan jech chac c'u cha'al te'tical chij;#Hab 3.19.
ja' chistec'anbun lec cacan ta muyebaltic.
35Ja' chixchanubtasun ta sventa pleito;
ja' chiyac'bun jtsatsal ta xotbinel li st'ilesubil flecha pasbil ta broncee.
36“Vo'ot chachabiun, chacoltaun
ta sventa yutsil avo'nton lec ibat scotol li c'usi la jpase.
37C'un no'ox xanubal laj ca'ay ta aventa;
mu'yuc xjaxbuj cacan avu'un.
38“La jnuts batel li cajcontrae, jech la jtsal comel;
ja' to lisut tal ti c'alal icham comel scotol cu'une.
39La jcules scotol; biq'uitic la jpas comel.
Muc xa stotsic, te no'ox mochajtic icomic ta yolon cacan.
40Vo'ot laj avac'bun jtsatsal ta paspleito;
laj abic'tajesbun ta jtojol li cajcontrataque.
41Laj avac' jatovicuc loq'uel ta jtojol,
jech ivu' cu'un la jcules li boch'otic chilintaicune.
42Laj to sc'anic coltael, pero mu'yuc boch'o icoltaatic yu'un.
Laj to sc'opanicot, pero muc xatuc'ulanbe sc'opic.
43La jcules scotol jech chac c'u cha'al pucuc;
la jpech'ilan ta teq'uel jech chac c'u cha'al ach'eltic ta xoral.
44Laj acoltaun ta sventa li c'opetic ta jlumale.
Laj achabiun yu'un jech vu'un laj avac'bun jventain li jlumale;
lic tunicuc cu'un li yanlumetic ti mu xcotquinane.
45C'alal laj ya'ibicun jc'oplale, la xch'unbicun jmantal;
li yanlumetique laj yich'icun ta muc'.
46Li yanlumetique ilaj stsatsalic;
chniquic xa loq'uel tal ti bu snac'oj sbaique.
47“¡Ich'biluc ta muc' li Muc'ul Diose!, ¡Ac'o ich'atuc ta muc' li jchabivanej cu'une!
Ac'o muq'uibuc sc'oplal li Diose, ja' li jcoltavanej cu'une.
48Ja' li Dios ti laj yac' jsutesbe spacol li jvocole,
xchi'uc ti laj yac'bun jventain li yantic lumetique.
49Ja' ti la scoltaun ta sc'ob cajcontrataque;
ti solel stoyoj sbaic ta jtojole.
Muc'ul Dios, vo'ot laj acoltaun loq'uel ta sc'ob li jsa'c'op cristianoetique.
50Ja' yu'un chcal alequilal ta stojol li muc'tic lumetique;
li' ta jq'uejinta slequilal li abie.#Ro 15.9.
51Laj avac' tsalvanuc li ajvalil at'ujoje,
yu'un lec ono'ox ac'anoj li Davide xchi'uc li smomnich'nabtaque”, xi li q'ueoj la sq'uejinta Davide.
Currently Selected:
2 Samuel 22: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.