Zekaria 3
3
4. Wɛ kaanem nakwe tu wom taane
1 Baŋa Wɛ daa ma le woŋo o bere-ne ye a na Josua na ye Wɛ kaanem nakwe tu to. O déem zege Baŋa Wɛ maleka kam yiga ne mo, ye Setaane de wo o jazem seeni se o ŋɔɔne Josua yera taane o chɔge‑o.#Ezera 3:2; Gurim 12:10 2Baŋa Wɛ ma tɔge o maleka kam baŋa o ta de Setaane o we, “Setaane, Baŋa Wɛ tete mo lage o bwɛ‑m! Baŋa Wɛ maŋe o le Jerusalem se ko taa ye o tete nyem mo, ye wonto mo wó bwɛ‑m! Nɔɔno wonto nye de daa kalo na jaane mini ye ba vaŋe-ka ba le de wone to mo.” 3Josua na zege maleka kam yiga ne konto to, o déem zo gare-digiru mo. 4Maleka kam ma ta de balo na zege ka tei ne to ka we, “Lɔɔre-na gare-digiru tem na wo o yera ne to.” O laam ma daare o ta de Josua o we, “Nii mo. Ko bere we a yage n wɛleera yam mo a ma a chɛ‑m. A laam wó kwei gare-nyenno mo a lɛ‑m.”#Gurim 7:13-14
5Amo de ma ta a we, “Jan ja! Kwei-na yuu gare-yi delo na lana to á ma á ba o yuu kom.” Ba ma seene ba ke konto ye ba kwei gare-nyenno tem maama ba zo‑o. Ba déem ke konto ye Baŋa Wɛ maleka kam zege ka nia mo.
6 Baŋa Wɛ maleka kam laam ma pa Josua ni dento ye ka we:
7“Paŋwa Tu Baŋa Wɛ na tage tei to mo tento: Nmo ná tɔge a chwei sem n ŋwea wone, ye n toŋe n pa-ne ne a nia yam na bere tei to, amo de wó pa‑m chwoŋa se n ta‑n tei a sɔŋɔ kom de ko konkwallo tem maama. A ta maa wó pa n ta‑n jege chwoŋa se n tɔge de malese selo na zege ywo-seeni to n twɛ amo tei maŋa de maŋa.
8Josua, nmo nam na ye a kaanem nakwe tu to, nmo de n dwonna kaanem tiina balo na jeini n tei ne to fɔge-na á cheigi a taane dento. Abam ye memaŋa mo se ko bere wonnu telo na beene jwa seeni to. Nii mo, a lage a pa a tontoŋeno wolo ba na bwoi‑o we ‘Tio-naga’ to zaŋe o ba.#Jeremia 23:5; 33:15; Zekaria 6:12 9A kwei kandwɛ dedoa mo a zege Josua yiga ne, ye de jege sɛ serepɛ#3:9 sɛ serepɛ naa yia yarepɛ. A nam lage a sare poponem mo a yage de baŋa ne. Paŋwa Tu Baŋa Wɛ na tage kolo to mo konto. A ta wó kwei dɛ dedwe yerane mo se a saare teo konto wɛleera yam maama a yage dáa ne. 10Maŋa kam konto nam ná yia, abam dedoa dedoa wó toŋe o bwoŋi o fara se ba ba ba jeini ded‑o o sɔŋɔ woro ne, se ba di wodiu daane ye lwia tera.
Paŋwa Tu Baŋa Wɛ na tage kolo to mo konto.”
Currently Selected:
Zekaria 3: xsmKBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)