Zekaria 2
2
3. Nɔɔno wolo na zei lɔra ŋona o jeŋa ne to taane
1Amo ma kwoni a yuu wɛɛne a nii a na nɔn-doŋo na zege da ye kotu zei lɔra ŋona o jeŋa ne. 2A ma bwei‑o a we, “Nmo ma‑n vei yei ne mo?” O ma leiri o we, “A maa vei se a maŋe Jerusalem teo kom ni mo, se a lɔre ko dedɔrem, de ko kayɔlɔ maŋem na ye tei to.” 3A daa ma na we maleka kalo ya na zege ka ŋɔɔne de amo to fɔɔre ka kɛ dáa, ye maleka kadwoŋi de fɔɔre ka yi kanto de tei. 4Ka maa we: “Ke lela n vo n ta de nɔn-doŋo kom we, ‘Jerusalem wó tiini ko taa yala se ko daa yé taa jege siseini. Ko nɔn-bia de ko vara de nam wó gaale pa ba bá wane ba lɔ kabiri ba che-ko. 5Amo Baŋa Wɛ tete mo wó ji kabira kalo na ye mini yerane to, ye a kaare teo kom maama a pu. A nenɔŋ-fɔrɔ kom de wó taa wo teo kom tetare ne ko bere a dam jaja. Amo Baŋa Wɛ na tage kolo to mo konto.’ ”
Balo na wo sa-teo ne to taane
6 Baŋa Wɛ na tage tei to mo tento: “Hei! Duri-na á nwoŋi baŋa seeni teo kolo wone ba na peene abam to! Kokuri to, amo mo ya seene a jage abam a yage logo baŋa sapɛ sena sem maama seeni.#Izaya 48:20 7Abam balo na ye a nɔɔna ye á zoore Babilon teo tiina bam tei ne to, duri-na á lu se á jwoori Zion seeni!” 8Kolo ŋwaane, Paŋwa Tu Baŋa Wɛ pɛ-ne ni mo se a da o nenɔŋ-fɔrɔ kom ŋwaane a vo a kaane dwi-gɛ tiina balo na bɛɛse abam to, o yi na page abam baŋa ne to ŋwaane. Wolo ná ke abam zonne, ko nye de kotu ke Wɛ tete yi-chele-bu mo zonne. 9Konto ŋwaane, Baŋa Wɛ tɛ dwi-gɛ tiina bam taane o we, “A lage a kwei a dam mo a chochoge-ba, se a daare a pa ba kabɛ selo ya na toŋe se pa-ba to laam zi-ba ba daare ba vere ba wonnu.” Abam laam maa wó lɔre we Paŋwa Tu Baŋa Wɛ mo seene o toŋe-ne.
10Dam-fɔrɔ Tu Baŋa Wɛ na tage tei to mo tento: “Zion tiina bam, leeni-na wopwolo lei! Kokuri to, a lage a ba a taa zoore á tetare ne mo. 11Dɛ dem konto ná yia, dwi-gɛ tiina dedɛ wó pipiri ba ba ba sɛ amo Baŋa Wɛ ye ba daare ba ji a nɔɔna. A maa wó taa zoore á tetare ne.” Ko ná ke konto, abam de laam wó lɔre we Paŋwa Tu Baŋa Wɛ mo seene o toŋe-ne abam tei ne.#Izaya 2:2-4 12Baŋa Wɛ wó pɔɔre Judah laŋa kam o tete tega kam maama wone se o taa tei-ka. O daa ta wó le Jerusalem se ko taa ye o tete nyem.
13Nabiina maama nam maŋe se ba taa ye chemm Baŋa Wɛ yiga ne mo! Kokuri to, o dɔne o tete mo o zaŋe wɛɛne o telaao sɔŋɔ kom ne, ye o lage o nwoŋi o taa toŋe totoŋa.
Currently Selected:
Zekaria 2: xsmKBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)