Jonah 2
2
Jonah ware Wɛ
1Jonah déem maa wo ywoni dem puga wone, ye o ware o Tu Baŋa Wɛ o we:
2“Amo Tu, amo na wo cham ne to,
a bwoŋi nmo yere ye n seene n leiri-ne.
Twa gugworru jei sem ne kuri kuri mo
a keeri a lage zeina n tei ne,
ye n ni a keira kam.#Lei 120:1
3N dole-ne n de luŋu luŋu naneo kuri ne chekke,
mɛ na bam na kaare-ne ba pu to.
Na-ŋon-kamuna ma bibili amo baŋa ne se kɛa.
4Amo ya boŋe we n zeili-ne n yiga ne mo,
pa se a daa yé na nmo tete diga kam dɛ de dɛ. #2:4 naa Amo nam wó jwoori a na nmo tete diga kam.
5Na bam kwoli-ne ye ba kerege-ne.
Naneo kom de ma pu amo maama.
Na wone gaaro tem de déem jujugi amo yuu maama.
6A ma tu na wone a dwei pelwaaro kura,
mɛ chwoŋa na tera se nɔɔno wane o lu kɔtaa to.
Amo Tu Baŋa Wɛ, nmo nam jaane-ne,
ye a nwoŋi gwoŋo wone de a ŋwea.
7A na tu a maane we a toone yi de ti to,
mo a guli Baŋa Wɛ gula
ye a ke wɛ-lworo se n jwoŋi-ne.
Nmo ma‑n seene n zege n tete diga kam ne
n ni a lworo kom.
8Jwona ye wo-yɔɔro mo.
Balo maama na zuli-ya to
dole ba chega de nmo mo ba yage.
9Amo nam wó taa leeni tia lei mo a pa‑m.
A ta wó kwei kaanem mo a pa‑m,
se a daare a ke kolo a na pwooli se a ke a pa‑m to.
Baŋa Wɛ ye wolo na pae nɔɔna na verem to mo!”
10Konto maama kwaga ne mo, Baŋa Wɛ laam ŋɔɔne de ywoni dem se de vo de twi Jonah de de buburu baŋa ne. De ma seene de vo de ke konto.
Currently Selected:
Jonah 2: KBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)