MALAQUÍAS 4
4
Mandaj Dios shamuna punllamanda
1Tucuita Mandaj Diosca cashnami nijurca:
“Hornopi nina rupashpa tucuchijunshna punllami ña chayamujun.
Chai punllapica, jariyashpa jatun tucuncunapash, na alita rurajcunapash, tucuillami jupashna rupashpa tucuringa.
Chaipica sapitallapash, shuj malquitallapash, na saquishpami tucuilla tucuchinga.
2Ashtahuangarin, Ñuca shutita manllashpa causaj cangunapajca, alitalla ruranaca, indishnami punchayachimunga.
Cangunapaj quishpirina punllami chayamunga.
Shina cajpimi cangunaca, huahua shicu fahuashpa corralmanda llujshishpa cushijujshna cushijunguichi.
3Ñuca shamui punllapica, na alita rurajcunataca cangunami sarushpa tucuchinguichi.
Paicunaca, cangunapaj chaqui ucupi uchufashnami canga” nijurcami tucuita Mandaj Diosca.
4“Ñucapajta ruraj Moisés mandashcacunataca, aliguta yarishpami causana canguichi.
Mandashca shimicunataca, tucui Israelcunaman villachunmi, Horeb shuti urcupi curcani.
5Profeta Eliastami, cangunapajman cachamuni.
Mandaj Dios Ñuca shamushpa llaquichina punlla nara chayamujpillatami, paitaca cachamuni.
6Paimi, taitacunapash huahuacunahuan, huahuacunapash, taitacunahuan ama fiñanajushpa ali causachun yachachinga.
Tucui cai llactapi na cazushpa causajcunata, Ñuca llaquichina punllacuna ama chayajmuchunmi chashna yachachinga” nijurcami.
Currently Selected:
MALAQUÍAS 4: QVI16
Highlight
Share
Copy
Want to have your highlights saved across all your devices? Sign up or sign in
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.