Efesios 3
3
Pablo je̱' yajni'ipu̶jku̶ ko je̱'e̱ Dios y'ayuuk tyu̶y'ajt nu̶kxy kapxwa'kxu̶ ma je̱'e̱ ka'pu̶ jyudíoja'ayu̶chu̶ñ ajku̶xy
1U̶u̶ch Pablo, paady u̶u̶ch nbujxtu̶jk'u̶ña'ay, je̱' gyu̶xpu̶ ko u̶u̶ch je̱'e̱ Cristo Jesús y'ayuuk tyu̶y'ajt ngapxwa'kxu̶ mu̶u̶d miich kyu̶xpu̶ m'oy'ajtu̶ñ ajku̶xy, je̱'e̱ mu̶dyiibu̶ ka'p jyudíoja'ayu̶chu̶ñ. 2Miich tu̶ da'a du'un mnejwu̶u̶ygyu̶xy ko je̱'e̱ Dios mu̶u̶d je̱'e̱ pya'a''ayoowu̶ñ je̱' u̶u̶ch adayaaba tuung tu̶ xyajni'ipú̶ky#3.2 Dios mu̶u̶d je̱'e̱ pya'a''ayoowu̶ñ tuung tu̶ xyajni'ipú̶ky: nije̱' wiingpu̶ versión myu̶na'añ: Dios u̶u̶ch adayaaba tuung tu̶ xyajni'ipú̶ky je̱'e̱ mu̶dyiibu̶ pya'a''ayoobyu̶ñ. mu̶u̶d miich kyu̶xpu̶ m'oy'ajtu̶ñ ajku̶xy. 3Dios yajni'igu̶xu̶'k je̱'e̱ tyu̶y'ajt ma u̶u̶chu̶ñ je̱'e̱ mu̶dyiibu̶ ijty jékyu̶p ka'p pu̶n nejwu̶'u̶yu̶ñ, y tu̶ u̶u̶ch xyajnejwu̶'u̶y, du'un neby miich jékyu̶p we̱e̱nu̶ nnijayu̶u̶ygyu̶xyu̶ñ. 4Ko naty je̱'e̱ naky mgápxku̶xy, mu̶'it mnejwu̶u̶ygyu̶xu̶ch ko u̶u̶ch je̱'e̱ Cristo tyu̶y'ajt nejwu̶u̶yu̶, mu̶dyiibu̶ ijty jékyu̶p ka'p pu̶n nejwu̶'u̶yu̶ñ, 5je̱'e̱ tu̶y'ajt yu'uchpyu̶ mu̶dyiibu̶ ka'p jékyu̶p ni pu̶n yajnejwu̶u̶yu̶ñ, peru̶ jada'achámnu̶ je̱'e̱ Espíritu Santo je̱'e̱ wa'adzpu̶ y'apóstolestu̶jk y je̱'e̱ wa'adzpu̶ y'ayuuknajtzkapxu̶u̶ybyu̶du̶jk tu̶ yajnejwu̶u̶ygyu̶xy. 6Je̱'e̱ tu̶y'ajt yu'uchpyu̶ adaa je̱' ko je̱'e̱ ka'pu̶ jyudíoja'ayu̶ch ajku̶xy je̱'e̱ ayuuk tu̶y'ajt mu̶bu̶jkku̶xu̶ch je̱'e̱ mu̶dyiibu̶ je̱'e̱ aanu̶mu̶ ni'idzooku̶ñ ye̱jkpu̶ñ. Pyaatku̶xu̶py je̱'e̱ pu̶da'agy tu'ugyu̶ je̱'e̱ mu̶dyiibu̶ je̱'e̱ Dios ye̱ge̱e̱mbyu̶ñ kipxy mu̶u̶d je̱'e̱ judío ja'ay ajku̶xy, je̱' ko du'un miich jada'achám ajku̶xyu̶ñ neby je̱'e̱ tu'kjuugy tu'kmu̶gu'ugpu̶ju̶ñ, y xypyaatku̶xp miich je̱'e̱ nandu'un je̱'e̱ mu̶dyiibu̶ je̱'e̱ Dios je̱'e̱ judío ja'ay yajwinwaanu̶u̶yu̶ñ ko je̱'e̱ Cristo Jesús mu̶bu̶jkku̶xu̶ch.
7U̶u̶ch ka'p u̶u̶ch ijty xypyaady ko u̶u̶ch adaa tuung nyajmo'owu̶ch ngapxwa'kxu̶chu̶ch adaa ayuuk tu̶y'ajt, peru̶ tu̶ u̶u̶ch adaa du'un nyajmo'oy mu̶u̶d je̱'e̱ Dios myu̶k'ajtu̶ñ. 8U̶u̶ch ni'igyu̶ jakmutzk ma je̱'e̱ mu̶bu̶jkpu̶du̶jk nigu̶xyu̶ ajku̶xyu̶ñ mu̶dyiibu̶ je̱'e̱ Dios jya'ay'ajtypyu̶ñ. Peru̶ je̱'e̱ Dios je̱'e̱ mu̶jmay'ajt tu̶ tuñ ma u̶u̶chu̶ñ, y tu̶ xypyu̶da'agyu̶ch ko u̶u̶ch je̱'e̱ oybyu̶ ayuuk tu̶y'ajt ngapxwa'kxu̶ch ma je̱'e̱ mu̶dyiibu̶ ka'p jyudíoja'ayu̶chu̶ñ ajku̶xy je̱'e̱ mu̶jpu̶ ku̶je̱e̱bu̶ Cristo y'oy'ajt. 9Y tu̶ xyajni'ipú̶kyu̶ch ko u̶u̶ch je̱'e̱ ja'ay ku̶xyu̶ nyaj'ijx nyajnejwu̶u̶ygyu̶xu̶ch mu̶dyiibu̶ je̱' je̱'e̱ tu̶y'ajt mu̶dyiibu̶ je̱'e̱ Dios ijty je'emy jékyu̶p yu'uch yaj'ijtypyu̶ñ; je̱'e̱ Dios mu̶dyiibu̶ ku̶xyu̶ tijaty tu̶ yajkojyu̶ñ. 10Paady je̱'e̱ du'un tyuunu̶ jyajtu̶ wan du'un jada'achám ku̶xyu̶ je̱'e̱ mu̶k'ajtmu̶u̶dpu̶ y ane̱'e̱mmu̶u̶dpu̶ jiiby tzajpjooty ijxku̶x nejwu̶u̶ygyu̶xu̶ch mayñax je̱'e̱ Dios wyij'ajt kye̱j'ajtu̶ñ, ma je̱'e̱ mu̶bu̶jkpu̶du̶jk judío ja'ay y ka'pu̶ jyudíoja'ayu̶ch ajku̶xyu̶ñ. 11Adaa du'un je̱'e̱ Dios tuuñ neby najty jékyu̶p je'emy tu̶ niwinmayu̶'u̶y ma je̱'e̱ Jesucristo u̶u̶ch je̱'e̱ nWindzú̶n ajtu̶m ajku̶xy. 12Y ko je̱'e̱ Cristo nmu̶bu̶jku̶m, mu̶baad je̱'e̱ Dios xi'ig xon nmu̶wingoonu̶m mu̶u̶d je̱'e̱ jootkujk'ajtu̶ñ ko je̱'e̱ Cristo naty nmu̶bu̶jku̶m. 13Paady nmu̶nukxtaakku̶xy ko ka'p je̱'e̱ mmu̶bu̶jku̶ñ myajtu̶gooygyu̶xy ko u̶u̶ch je̱'e̱ tzaachpyu̶ yam nmu̶naxy ngu'ubú̶ky mu̶u̶d miich kyu̶xpu̶ ajku̶xy. Nmu̶naxy ngu'ubú̶kyu̶ch je̱'e̱ tzaachpyu̶ yam du'un mu̶u̶d miich kyu̶xpu̶ m'oy'ajtu̶ñ ajku̶xy.
Je̱'e̱ Cristo chojku̶ñ jyu̶wu̶u̶yu̶ñ
14Paady u̶u̶ch je̱'e̱ ngox njity ma je̱'e̱ Dios Teedy wyinduuyu̶ñ,#3.14 Nije̱' wiingpu̶ versión myu̶na'añ: je̱'e̱ nWindzú̶n Jesucristo tyeedy ajtu̶m ajku̶xy. y nmu̶bu̶jktzóyu̶ch, 15je̱'e̱ mu̶dyiibu̶ nigu̶xyu̶ yajteedy'ajtpu̶ñ, je̱'e̱ mu̶dyiibu̶ jiiby tzajpjooty tzu̶naaygyu̶xpu̶ñ y je̱'e̱ mu̶dyiibu̶ ya naaxwiiñ tzu̶naaygyu̶xpu̶ñ. 16Nmu̶bu̶jktzooybyu̶ch je̱'e̱ Dios Teedy mu̶u̶d miich kyu̶xpu̶ ajku̶xy ko je̱'e̱ mu̶jpu̶ y'oy'ajtu̶ñ wan xymyooygyu̶xy aajooty jootjooty mu̶u̶d je̱'e̱ Dios y'Espíritu, je̱'e̱ mu̶k'ajt y je̱'e̱ mu̶jaa, 17y ko je̱'e̱ Cristo mmu̶dajtku̶xu̶ch ma je̱'e̱ mjoot mwinma'añ ajku̶xyu̶ñ mu̶u̶d je̱'e̱ mu̶bu̶jku̶ñ mu̶dyiibu̶ mmu̶dajtku̶xypyu̶ñ. Y du'un miich ajku̶xy, ka'p nimu̶naa m'u̶xtu̶gu̶'u̶wa'kku̶xu̶ch, y mu̶u̶d je̱'e̱ tzojku̶ñ tu'ug'aa tu'ugjootpu̶, 18mwinju̶wu̶u̶ygyu̶xu̶ch mu̶u̶d je̱'e̱ mu̶bu̶jkpu̶du̶jk nigu̶xyu̶ ajku̶xy ko du'un je̱'e̱ Cristo chojku̶ñ jyu̶wu̶u̶yu̶ñ neby tii du'umbu̶ mu̶dyiibu̶ mu̶jwiinu̶ñ, yoñu̶ñ, ku̶u̶ku̶ñ y ku̶xpu̶ñ. 19Nmu̶bu̶jktzooybyu̶ch je̱'e̱ Dios Teedy ko xyaj'ijx xyajnejwu̶u̶ygyu̶xu̶ch je̱'e̱ Cristo chojku̶ñ jyu̶wu̶u̶yu̶ñ ko ni'igu̶ mu̶j je̱'e̱ ni'igyu̶ ka'p du'un nitiiju̶ñu̶ba mu̶dyiibu̶ nja'a'ixy'ajtypy ajtu̶m ajku̶xyu̶ñ wan je̱'e̱ Dios myu̶k'ajt ku̶xyu̶ ka'pxy mmu̶dajtu̶ch ajku̶xy. 20Y jada'achám, ku'umáy je̱'e̱ Dios, je̱'e̱ mu̶dyiibu̶ je̱'e̱ mu̶k'ajt mu̶u̶d neby mu̶baad ni'igyu̶ may xymyooyu̶mu̶ñ ajku̶xy je̱'e̱ mu̶dyiibu̶ naty u̶u̶ch nyujkwe̱e̱mby o nwinmaaby ajtu̶m ajku̶xy, mu̶u̶d je̱'e̱ myu̶k'ajt je̱'e̱ mu̶dyiibu̶ tuumb ma u̶u̶ch ajtu̶m ajku̶xyu̶ñ. 21¡Ku'umáy je̱'e̱ Dios ma je̱'e̱ mu̶bu̶jkpu̶du̶jk ajku̶xyu̶ñ y ma je̱'e̱ Cristo Jesúsu̶ñ wiinu̶u̶xu̶u̶ wiinu̶u̶jumu̶jt! Jaanch adaa du'un.
Currently Selected:
Efesios 3: MIXE
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005