Maalʉko 1
1
ɄYoohani ʉMwozi ahwanda alʉmbɨɨlɨle
(Mataayo 3:1-12; Luuka 3:1-18; Yoohani 1:19-28)
1Ʉwu wʉ wandilo wɨ Nongwa ɨNyinza ɨzya Yeesu ʉKilisiti#1:1 ɄKilisiti hwa huje ʉmuntu ʉyo ʉNgʉlʉbhɨ anʼsaluuye abhe Mʼfyʉli. Bhaazya izwi Kilisiti hu Ngalulanyo ɨyɨ Mazwi aMajenu hu malishilo wɨ shitaabu ɨshi. ʉMwana wa Ngʉlʉbhɨ.#1:1 ʉMwana wa Ngʉlʉbhɨ Bhaazya izwi Mwana wa Ngʉlʉbhɨ hu Ngalulanyo ɨyɨ Mazwi aMajenu hu malishilo wɨ shitaabu ɨshi. 2Zyahasimbwilwe nʉ nʼkuwi wa Ngʉlʉbhɨ#1:2 Ʉnʼkuwi wa Ngʉlʉbhɨ hwa huje ʉmuntu ʉyo ahubhabhʉʉzya abhantu ɨnongwa zya zifuma hwa Ngʉlʉbhɨ. ʉYesaaya mu shitaabu shaakwe huje, ʉNgʉlʉbhɨ ahaga,
“Enya, nahayihunʼsonteelezya ʉmʼmomvi waanɨ ʉyo ahayihutagaalila.
Ahayihubhabhɨɨha nzɨɨla abhantu huje, bhahwejeelele,
nanshi abhantu sha bhalɨngaanya idala hu nongwa ya mwɨnɨ.”#Bhaazya Malaaki 3:1.
3“Ʉmʼmomvi ʉnʉ ya yʉʉla ahayilʉmbɨlɨlaga mu lʉʉgwa huje,
‘Lilɨnganyaaji idala lya Mwɨnɨ,
mugolosyaje idala lyakwe.’ ”#Bhaazya Yesaaya 40:3.
4Ʉnʼsontwa ʉyo ahali yʉ Yoohani ʉMwozi, ʉyo ahakuwiilwe nʉ Yesaaya ʉnʼkuwi wa Ngʉlʉbhɨ. ɄYoohani ahʉmvwɨha mu lʉʉgwa, ahalʉmbɨlɨlaga huje, abhantu bhalaataje, bhazileshe ɨmbiibhi zyabho na hwozewe huje, ʉNgʉlʉbhɨ abhakhobhoshele ɨmbiibhi zyabho. 5Abhantu abhinji afume hwi‑ibooma ɨlyɨ Yelusaleemu#1:5 Yelusaleemu Bhaazya izwi Yelusaleemu hu Ngalulanyo ɨyɨ Mazwi aMajenu hu malishilo wɨ shitaabu ɨshi. na mu mukowa gwonti ʉgwɨ Yudeeya bhahamʼmalilaga ʉYoohani huje, bhanʼtejeelezye. Bhahalambaga na huzileshe ɨmbiibhi zyabho, wope ahabhozyaga mwi‑isooho ɨlyɨ Yolodaani.
6ɄYoohani ahakwataga amenda agɨ mawooya agɨ hanu ya bhayiga ngamiya, ahahwipinyaga ni‑ilamba ɨlyɨ nkwembe mu nʼsana gwakwe.#1:6 ɄYoohani ahali akwata amenda ɨgo gahalɨngɨɨne nanshi amenda ga‑ahakwataga ʉnʼkuwi ʉEliya. Bhaazya 2 aBhamwɨnɨ 1:8. Ɨshalye shaakwe shahali nzije nʉ wʉʉshi. 7ɄYoohani ahalʉmbɨlɨlaga ahagaga, “Hwisinda lyanɨ abhala hwɨnze ʉmuntu ʉnʼgoosi hunshile anɨ. Anɨ saga ɨhondɨɨye abhe nʼkalwe waakwe huje, ɨnganʼsugamila na hwawule ɨnkusa zyɨ ndaatʉ zyakwe.#1:7 hwawule ɨnkusa zyɨ ndaatʉ zyakwe Nkashele ʉnʼjenu atʉʉha mu nyumba, ʉnʼkalwe ahamʼmwawulaga ɨndaatʉ na humʼmwozye amanama gaakwe. Ɨmbombo ɨyo yahali ya nʼkalwe ʉwa pa nsi tee. 8Anɨ ɨhubhoozya amwɨ na mɨnzɨ, leelo ʉmwene ahayihubhoozya nʉ Mʼpepo ʉMʼfinjile.”#1:8 Mʼpepo ʉMʼfinjile Bhaazya izwi Mʼpepo ʉMʼfinjile hu Ngalulanyo ɨyɨ Mazwi aMajenu hu malishilo wɨ shitaabu ɨshi.
ɄYeesu ahwozewa na‑ajelwe hu lʉʉgwa
(Mataayo 3:13-4:11; Luuka 3:21-22; 4:1-13)
9Ɨnsiku ziziila, ʉYeesu ahɨnza afume hwi‑ibooma ɨlyɨ Nazaleeti, hu mukowa ʉgwɨ Galilaaya.#1:9 Galilaaya Bhaazya izwi Galilaaya hu Ngalulanyo ɨyɨ Mazwi aMajenu hu malishilo wɨ shitaabu ɨshi. Wope ʉYoohani ʉMwozi ahamʼmwozya pa Yolodaani paala. 10ɄYeesu lwa waazʉbha lwene mu mɨnzɨ, ahalola ɨmwanya nyiigule, nʉ Mʼpepo ʉMʼfinjile ahwiha hwa mwene nanshi ɨnkʉnda. 11Izwi lyahʉmvwɨha afume hu mwanya hu nongwa ya Yeesu huje, “Aawe we Mwana waanɨ ʉnʼkʉndwe, ʉhungwɨzya ʉmwoyo.”
12Pɨnɨɨpo lwene ʉMʼpepo ʉMʼfinjile ahanʼnongozya ʉYeesu abhale hu lʉʉgwa. 13Ahadɨɨla paala ɨnsiku amashʉmi ganɨ, ahajeliilwe abhombe ɨmbiibhi nʉ Seetano.#1:13 Seetano Bhaazya izwi Seetano hu Ngalulanyo ɨyɨ Mazwi aMajenu hu malishilo wɨ shitaabu ɨshi. Ahali peeka nɨ hanu, bhope abhantumi#1:13 abhantumi Bhaazya izwi Bhantumi hu Ngalulanyo ɨyɨ Mazwi aMajenu hu malishilo wɨ shitaabu ɨshi. afume hwa Ngʉlʉbhɨ bhahamʼmombelaga.
ɄYeesu ahubhasalula abhasundwe abha hwande
(Mataayo 4:12-22; Luuka 4:14-15; 5:1-11)
14ɄHeloode ʉAntipa#1:14 ɄHeloode ʉAntipa Bhaazya izwi Heloode hu Ngalulanyo ɨyɨ Mazwi aMajenu hu malishilo wɨ shitaabu ɨshi. ya‑ahali mwɨnɨ mu habhaazyo ɨho, ahanʼkʉnga ʉYoohani mu hoobhe. Sha‑ahwɨli mu hoobhe, ʉYeesu ahabhala hu mukowa ʉgwɨ Galilaaya, ahalʉmbɨlɨlaga ɨNongwa ɨNyinza ɨzya Ngʉlʉbhɨ. 15Lwa‑ahalʉmbɨlɨlaga, ahagaga, “Ahabhaazyo ɨho hahakuwiilwe hafishile. Nantele, ʉwumwɨnɨ ʉwa Ngʉlʉbhɨ#1:15 ʉwumwɨnɨ ʉwa Ngʉlʉbhɨ Bhaazya izwi Wumwɨnɨ ʉwa Ngʉlʉbhɨ hu Ngalulanyo ɨyɨ Mazwi aMajenu hu malishilo wɨ shitaabu ɨshi. wupalamiiye. Ɨshi, lambaji na huzileshe ɨmbiibhi zyenyu, na huzyɨtɨshe ɨNongwa ɨNyinza ɨzya Ngʉlʉbhɨ.”
16Isiku limo ʉYeesu lwa‑ashizanya munshɨnjɨ yɨ nsʉmbi ɨyɨ Galilaaya, ahanʼnola ʉSiimoni#1:16 ʉSiimoni Ɨli litaawa lyɨnjɨ ɨlya Peeteli. nʉ Anduleeya, bha bhahali bhanakwabho. Bhaheelaga ɨnswɨ nɨ nyeelo, pɨpo bhahali bheela nswɨ.#1:16 bheela nswɨ Enya Mataayo 4:21, ɨshifwani ɨsha bheela nswɨ. 17ɄYeesu ahaga, “Mumbɨnjɨlɨzyaje anɨ na‑abhe bhasundwe bhaanɨ. Lyoli ɨmbala hubhamanyizye hubhaleete abhantu hwaliinɨ, nanshi sha mwaheelaga ɨnswɨ hwisinda.”#1:17 Mumbɨnjɨlɨzyaje anɨ na‑abhe bhasundwe bhaanɨ. Lyoli ɨmbala hubhamanyizye hubhaleete abhantu hwaliinɨ, nanshi sha mwaheelaga ɨnswɨ hwisinda Mu njango ɨyɨ Shiyunaani ɨsimbwilwe huje, Ɨnzaji mumbɨnjɨlɨzyaje, nanɨ ɨnza hubhabhɨɨshe abhe bheela bhantu. 18Pɨnɨɨpo lwene bhahazileha ɨnyeelo zyabho, bhahanda humʼmɨnjɨɨlɨzye ʉYeesu.
19Lwa waabhala pilongolela hashe peeka na bhasundwe bhaakwe bhabhɨɨlɨ, ʉYeesu ahanʼnola ʉYaakobo nʉ Yoohani abhavwɨlɨ bha Zebedaayo bhali mu waato, bhahazilɨnganyaaga ɨnyeelo zyabho. 20Lwʉlwo, ahabhakwizya huje, bhabhe bhasundwe bhaakwe. Bhahanʼneha ʉZebedaayo ʉyise waabho na bhabhomba mbombo bhaakwe mu waato muula, bhahanda humʼmɨnjɨɨlɨzye ʉYeesu.
ɄYeesu alolesya ikhone lyakwe
(Luuka 4:31-37)
21Ɨpo ʉYeesu na bhasundwe bhaakwe bhanɨ bhahabhala mwi‑ibooma ɨlyɨ Kapelenawumu. Isiku ɨlyɨ Sabaato#1:21 ƗSabaato hwa Bhayahuudi lisiku lya‑apuute na‑atʉʉye lwene. Bhaazya izwi Sabaato hu Ngalulanyo ɨyɨ Mazwi aMajenu hu malishilo wɨ shitaabu ɨshi. lwa lyafiha, bhahatʉʉha mu nyumba ɨya‑apuutile na‑amanyiilile,#1:21 nyumba ɨya‑apuutile na‑amanyiilile Mu njango ɨyɨ Shiyunaani bhayiga, isinagoogi. Bhaazya izwi Nyumba ɨya‑apuutile na‑amanyiilile hu Ngalulanyo ɨyɨ Mazwi aMajenu hu malishilo wɨ shitaabu ɨshi. wope ʉYeesu ahanda amanyizye paala. 22Abhantu bhonti bha bhahanʼtejelezyaga bhahakhasamala tee hu manyizyo zyakwe. Bhahakhasamala tee, pɨpo saga ahamanyiziizye nanshi sha bhahamanyizyaga abhamanyizyi bhaabho abhɨ ndajizyo zya Moose,#1:22 abhamanyizyi bhaabho abhɨ ndajizyo zya Moose Bhaazya izwi Bhamanyizyi abhɨ ndajizyo zya Moose hu Ngalulanyo ɨyɨ Mazwi aMajenu hu malishilo wɨ shitaabu ɨshi. leelo nanshi ʉmuntu wa‑ali ni‑ikhone.
23Mu nyumba yaabho ɨya‑apuutile na‑amanyiilile muula mwahali nʉ muntu wa‑ahali ni‑ipepo, lyahakhoola haani 24lyahaga, “Wee Yeesu wa hu Nazaleeti! Ʉgandi hutitaamye. Tije ʉyɨnzɨle hutinangaanye? Ɨhumanya huje, aawe we naanu, aawe ʉli Mʼfinjile wa Ngʉlʉbhɨ!” 25ɄYeesu ahalikhajila ipepo liila ahaga, “Pʉʉma! Fuma mwa muntu ʉnʉ!” 26Ipepo liila lyahanʼnyinzanya haani, lyahakhoolile na‑afume mwa muntu ʉla. 27Abhantu bhonti bhahaswiga haani, bhahabhʉzɨlɨzanya huje, “Yeenu yɨɨnɨ? Ɨmanyizyo ɨzyo njenu, zi‑ikhone! Nantele, enya, ali ni‑ikhone ɨlya‑adaje amapepo, gope gafuma!” 28Ɨpo ɨnongwa ɨzya Yeesu zyahanyampaana nalinaali mu nsi zyonti ɨzya munshɨnjɨ mu mukowa gwonti ʉgwɨ Galilaaya.
ɄYeesu ahubhaponia abhabhinu
(Mataayo 8:14-17; Luuka 4:38-41)
29Lwa walikhajila ipepo, ʉYeesu na bhasundwe bhaakwe ʉSiimoni, ʉAnduleeya, ʉYoohani nʉ Yaakobo bhahafuma mu nyumba ɨya‑apuutile na‑amanyiilile. Bhahabhala hu khaaya ya Siimoni nʉ Anduleeya. 30Lwa bhaafiha lwene, bhahamʼmʉʉzya huje, ʉnyinavyala wa Siimoni mʼminu, abhinile ɨnzegema, agonile mu nyumba pa shitala shaakwe. 31Ɨpo ʉYeesu ahazʉmbɨɨla pa‑agonile, ahanʼkhata ʉnʼkhono, ahamʼmʉʉsya. Lwʉnʉʉlwo ʉnyinavyala wa Siimoni ahapona ɨnzegema na hwande hubhatengaanye ɨshalye.
32Isiku liliila nalyabheela ɨSabaato lwa yamaliha,#1:32 ɨSabaato lwa yamaliha ABhayahuudi bhahamanyiziiwe na bhamanyizyi bhaabho abhɨ ndajizyo zya Moose huje, abhantu saga bhahwanziwa aponie pi‑isiku ɨlyɨ Sabaato. Bhahabhazyaga isiku ahwande shalyabheela afishe ɨndaabhɨ yaakwe shalyabheela. Alɨngaane nɨ ndajizyo ɨzyo, abhantu bhahanʼnetelaga ʉYeesu abhabhinu isiku lya libhɨnjɨɨlɨla ɨSabaato. abhantu abha pi‑ibooma paala bhahanʼnetelaga ʉYeesu abhabhinu abhinji na bha bhahali na mapepo. 33Abhantu abhinji afume mwi‑ibooma liila nka bhahabhʉngaana pa lubhʉngʉlʉ lwa pa khaaya ya Siimoni nʉ Anduleeya. 34ɄYeesu ahabhaponiaga abhantu bha bhahali nɨ mpʉngo ɨzyɨ waaji nʉ waaji. Nantele, ahagefwaga amapepo aminji, leelo saga ahagalehaga amapepo ɨgo huje gayanje, pɨpo gahamɨɨnye huje, ʉYeesu yʉ Mwana wa Ngʉlʉbhɨ.
ɄYeesu abhala apuute hu mfiso
(Luuka 4:42-44)
35Ɨndaabhɨ yaakwe nashampwi, ʉYeesu ahafuma, ahabhala pamo pa saga pahali na bhantu, ahanda apuute. 36Lwa bhamʼmwaga nʉʉmo mu nyumba, ʉSiimoni na bhamwabho bhahanda humʼmwanze. 37Lwa bhamʼmwaga, bhahamʼmʉʉzya bhahaga, “Abhantu abhinji haani ʉhwo bhahuhwanza!” 38Ʉmwene ʉYeesu ahabhaamula ahaga, “Ena, hwope hwahali shinza! Ɨshi saali tibhale hu mabooma aganjɨ aga mu pɨɨpɨ nɨ‑ɨli huje, hwope ɨmbale ɨndʉmbɨɨlɨle, pɨpo ya yɨɨnɨ ɨmbombo yɨ‑ɨnɨnzɨɨye.” 39Ɨpo leelo, ahajenda mu mukowa gwonti ʉgwɨ Galilaaya na‑alʉmbɨɨlɨle mu nyumba zyabho ɨzya‑apuutile na‑amanyiilile, na hubheefwe abhantu amapepo.
ɄYeesu ahumʼponia na hunʼsangalusye ʉwɨ makete
(Mataayo 8:1-4; Luuka 5:12-16)
40Isiku limo ʉmuntu ʉmo ʉwɨ mpʉngo ɨyɨ makete#1:40 ʉwɨ mpʉngo ɨyɨ makete Abhɨ makete saga bhahanziwaaga asangaane na bhantu abhanjɨ bha bhahali bhinza lwene. Saga bhahanziwaaga atʉʉshe pa lupuuto, pɨpo alɨngaane nɨ ndajizyo zya Moose, abhɨ makete bhahali bhaavu. ɄYeesu lwa wamʼponia ʉwɨ makete ʉyo, bhahamʼmaziziizye huje, nʼsangalusu nantele. Ʉmuntu wowonti ʉyo ahali aponile amakete, ahabhalaga ahwilolesye hwa bhasayi huje aponile. Ahabhombile ɨsho huje bhamʼmwɨtɨshɨle asangaane na bhantu abhanjɨ nantele. Bhaazya ɨMbombo ɨzya Bhalaawi 13:45-46; 14:1-31. ahamʼmwɨnzɨla ʉYeesu, ahasugamila pa manama gaakwe, ahanʼnamba huje, “Ɨmɨɨnye huje, ʉbhajiiye humponie na hunsangalusye. Nkashele ʉgɨɨne, ɨlaabha ʉmponie na hunsangalusye.” 41ɄYeesu ahanʼnolela ɨnkʉmbʉ, ahagolosya ʉnʼkhono gwakwe, ahamʼpalamansya ʉmʼminu, ahamʼmwamula ahaga, “Ɨhwanza. Pona na‑asangalushe!” 42Pɨnɨɨpo lwene amakete gahamʼmwepa, ahasangaluha. 43-44ɄYeesu ahanʼkhajiilizya huje, “Ʉgandi humʼmʉʉzye ʉmuntu wowonti ɨga. Leelo, bhalaga ʉhwilolesye hwa nʼsayi wa Ngʉlʉbhɨ.#1:43-44 nʼsayi wa Ngʉlʉbhɨ Bhaazya izwi Bhasayi bha Ngʉlʉbhɨ hu Ngalulanyo ɨyɨ Mazwi aMajenu hu malishilo wɨ shitaabu ɨshi. Ʉbhale, ʉfumye ɨnsangu hu nongwa ya‑asangalushe hwaho, nanshi ʉMoose#1:43-44 ʉMoose Bhaazya izwi Moose hu Ngalulanyo ɨyɨ Mazwi aMajenu hu malishilo wɨ shitaabu ɨshi. sha‑ahalajiziizye, huje wubhe simishizi aje ʉponile.” Ahanʼsogozya lubhilo. 45Leelo, ʉmuntu ʉla ahasogola paala, ahanda hubhamamile abhantu poponti paala na‑ayanje ʉYeesu zya‑amʼmombɨɨye. Lwa wakhonzya ɨsho, ʉYeesu ahanda apootwe atʉʉshe mu mabooma gogonti gaala pa pazelu.#1:45 ɄYeesu ahanda apootwe atʉʉshe mu mabooma gogonti gaala pa pazelu pɨpo abhantu abhinji bhɨnzaga humʼmʉngaanile huje abhaponie. Ahabhanga mwene hwʉnzɨ hu mabooma, leelo abhantu bhahamʼmwɨnzɨlaga afume ʉhwu nʉ‑ʉhwu.
Currently Selected:
Maalʉko 1: SBK
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.