Oseas 3
3
Oseas, yéetel x pak keban co'olel
1Yuumtzile' tu ca'a a'alaj ti' teen:
Xeen a yaacunt jun túul x ch'uup yaabilta'an
tumen u yéet cajtal x pak keban xan.
Bey u yaabiltmajil Yuumtzil le j israelitaobo',
quex leti'obe' cu kultico'ob u láak kuob
bey xan cu jaantico'ob u noj waajil pasas cu ku'ubul ti'obo'.
2Ca túun tin manaj jun túul co'olel in ti'alinte',
tin bo'otaj quince sac taakin yéetel trecientos treinta litros cebadaa.
3Ca tin wa'alaj ti': Bíin in ti'alintech ya'abcach kiino'ob;
ma' a x cáacbachtal mix a kubicabáa ti' u láak j xiib,
teen xane' ma' bíin in kexechi'.
4Ya'ab kiino'ob cu bin j p'áatal le j israelitaob
x ma' ajaw mix jo'olpóop, x ma' quiimsbil ba'alche', mix quili'ich tuunich,
ma' bíin yanac u nook aj kiino'ob, mix u beetbil kuobi'.
5Cu dzo'ocol lela' bíin suunac le j israelitaob
u ti'al u caxtico'ob Yuumtzil u Ku yéetel David u ajaw.
Tu xuul le kiino'obo' bíin talaco'ob yéetel tziiquil ti' Yuumtzil
tu yo'olal le ba'alo'ob utztac cu dzáico'.
Currently Selected:
Oseas 3: MAYABI
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992