OO MEYO ACHIMOOWIN ST MATTHEW 22
22
PISKE̔TUSSINA̔HIKUN XXII.
1Ākose Jesus mena nuskwāwusehāo mena omisse isse we̔tumowāo ā uspahakāmoot, omisse itwāo. 2Ke̔che kesikoowe otānow tapiskooch una mawutche ke̔che Ookemaw, ka wekee̔tahat oo koosisa, 3Ākose isitissa̔wāo oot utooskāyakuna kitta nutoomayit unehee ka we̔koomimee̔t wekee̔toowini̔k: maka numoweya we̔ pā itoo̔tāwuk. 4Ākose, kotuka isitissa̔wāo utooskāyakuna, omisse itāo, We̔tuma̔kook unehee ka we̔koomimee̔tchik, assi ne ke̔ kwyache̔tan net apee̔towkesikawe mechesoowin: net ayapāmuk mena ne ta̔chepoohakunuk ke̔ nippa̔hawuk, mena ka̔keyow kākwi kwyatun: ākwa pāche natumook wekee̔toowin. 5Maka atowāye̔tumwuk, a̔cheko sasipwā̔tāwuk, pāuk oo kistekani̔k, kotuk oot utawakuni̔k: 6Ākose kotukuk otināwuk oot utooskäyakuneyewa, mena uspehāwuk naspitch, mena nippa̔hāwuk. 7Maka ispe una mawutche ke̔che Ookemaw peātu̔k āwukwāyew, metoone kissewasew: ākose isitissa̔wāo oo semakunisima, ākose nissewunachehāyewa unehee nippa̔takāska, mena suska̔humeyewa oo ke̔che waskahikunewaw. 8Ākose omisse itāo oot utooskāyakuna, wekee̔toowin assi kwyatun, maka unekee ka ke̔ we̔koomee̔tchik numoweya ākoyekoo̔k itāye̔takoosewuk. 9Neyak maka itoo̔tāk ke̔che māskuna̔k, tu̔to kā miskowākook, pāche we̔koomi̔kook. 10Ākose okoo utooskāyakunuk itoo̔tāwuk ke̔che māskuna̔k, ākose mawutchehāwuk ka̔keyow tu̔to māskowatchik, ā muchatisseyit keyekow ā meywatisseyit: ākose e̔tawuk oonasewāwuk wekee̔toowini̔k
11Ākose ispe mawutche Ke̔che Ookemaw peye̔tokwāt ā we̔ wapumat oonasewāwa, wapumāo ākota pāuk napāwa āka ā kekeskumeyit wekee̔toowussakuy: 12Ākose omisse itāo, Ne totām, tanā̔kā ota ke pee̔tokwan āka ā ayayun wekee̔toowussakay? Ākose nummawawach ke̔ kitoo. 13Ākose omisse itāo mawutche Ke̔che Ookemaw utooskāyakuna, Tu̔koopiti̔k oo chee̔chee̔k mena oo’ siti̔k, ākose sipwā̔tahik, wuyowe wāpini̔k wuyowetimi̔k wunetipiska̔k; ākota kā ayak matoowin mena kecheeskapitāwin. 14Weya me̔chāt ā nutoomee̔tchik, maka chukowasis ā nowusoonee̔tchik.
15Ākose itoo̔tāwuk Phariseewuk, mena ooyussoowāwuk tanse kitta isse nukwatatchik oot ayumewineyi̔k. 16Ākose isitissahumowāwuk oo kiskino̔humowakunewawa ussitche Herodianuk, kitta omisse itatchik, Ookiskino̔humakāo, ne kiskāye̔tānan ā tapwāyun, mena tapwā ā kiskino̔humakāyun oot issewāpissewin Muneto, mena numoweya ayiseyinew ke nunecheestowaw: weya āka ayiseyinew ā nunechehisk. 17We̔tumowinan maka, Tanse ā itāye̔tumun? Meywasin che kitta meeyee̔t Cæsar sooneyawa, a̔po numma? 18Maka Jesus nissetowāye̔tum oo muchatissewineyew, omisse itao, Tanā̔kā wā̔che nutootissahooweyāk, O wuyāsehissootik? 19Wapu̔teyik una sooneyaw. Ākose pātoowāwuk pāuk sooneyawapiskoosa. 20Ākose omisse itāo, Owāna owa ka mussinahikasoot ota? 21Omisse itāwuk, Cæsar. Ākose omisse itāo, Meeyik maka Cæsar unehee wātayanit Cæsar; mena Muneto unehee wātayanit Muneto. 22Ispe ka pā̔tu̔kik ohoo ayumewina, mamuskatumwuk, nukutāwuk, ākose kewāwuk.
23Āwuko ā kesikayik pā natik Sadduceewuk, nummatukwun wuniskawin ka itwātchik, ākose kukwāchimik. 24Omisse itik, Ookiskino̔humakāo, Moses ke̔ itwāo, Keespin napāo nippitche, āka ā ootowasimisit, oo chewama kitta wekeemāyewa we’wa, ākose kitta ne̔taweke̔towat owasisa oo chewama. 25Pāukwaw tāpukoo̔p ke̔ itussewuk ā oochewami̔tootchik: ākose una nistum, ā ke̔ wekeemat we’wa, nippew, ākose, āka ā ootowasimisit, nukutumowāo oo chewama unehee we’wā: 26Ākose mena una kotuk uskooch, mena una kotuk, peyis ka̔keyow tāpukoo̔p. 27Ākose iskwayani̔k mawutche una iskwāo nippew neesta. 28Ispe maka wuniskawe kesikake owāna kā we’wit ohoo iskwāwa unekee tāpukoo̔p ka itussitchik? weya ka̔keyow ā ke̔ ayawatchik. 29Jesus nuskwāwusehāo mena omisse itāo, ke wunetotānawaw, āka ā kiskāye̔tumāk ke̔che mussinahikun, mena oo soo̔katissewin Muneto. 30Weya wuniskawe kesikake yukuma kā wekee̔hitootchik, a̔po kitta wekee̔ta̔hewātchik, maka nuspitowāwuk Muneto oo Ke̔che Utooskāyakuna ke̔che kesikoo̔k. 31Mena kitta wuniskanee̔tchik ka ke̔ nippitchik, numma che k’ o̔che ayume̔tanawaw unima ka ke̔ we̔tumakooyāk Kissā Muneto, omisse, 32Neya Abraham oo Munetooma, mena Isaac oo Munetooma, mena Jacob oo Munetooma? yukuma oweya ā nippeyit ka oo Munetoomimikoot Muneto, maka unehee ka pimatisseyit. 33Ākose ispe ayiseyinewuk peā̔tu̔kik oma, mamuskase̔tumwāwuk oo kukāskimawusoowineyew.
34Maka ispe Phariseewuk, ka pā̔tu̔kik ā ke̔ kipootoonā̔wat Sadduceewuk, ākose mawutchehitoowuk. 35Ākose una pāuk, coyussoowāo, kukwāchimāo kākwi, ā nutootissa̔wat, omisse itāo, 36Ookiskino̔humakāo, tanima mawutche ke̔che kukāskimewāwin ooyussoowāwini̔k? 37Jesus omisse itāo, Ke ga sakehaw ka Tipāye̔chekāt ke Munetoom missewā ke tā̔ o̔che, mena missewā ket a̔cha̔k, mena missewā ke mitoonāye̔chekun. 38Āwuko oma nistum mena ke̔che ooyussoowāwin. 39Ākose kotuk kayapitch ākose āte̔takwu̔k, ke ga sakehaw keeche ayiseyinew ka isse sakehissooyun. 40Ohoo nesoo ooyussoowāwina ke̔ pā we̔chekatāwa ooyussoowāwini̔k mena ookiskewāhikāwuk.
41Kayapitch itta Phariseewuk ā mamowe ayayit, Jesus kukwāchimāo, 42Omisse, Tanse ā itāyimāk Christ? owāna oo Koosisa ā itāye̔tumāk? omisse itāwuk, David oo Koosisa. 43Omisse itāo, Tanā̔ka maka David oot a̔cha̔koo̔k Muneto wā̔che itat, omisse, 44Ka Tipāye̔chekāt omisse itāo ne Munetooma Uppe keya ne ke̔cheniski̔k, eyekoo̔k kā isse̔hukik ke pukwachekunuk kitta oot uspisit uppewineyun? 45Keespin David Ne Munetoom itāo, tantā wā̔che oo Koosisit? 46Ākose numoweya oweyuk kuske̔taw kitta nuskwāwusehat kunukā pāukootoon, mena numoweya oweyuk ākospe o̔che we̔kach kukwāchimik kākwia.
Currently Selected:
OO MEYO ACHIMOOWIN ST MATTHEW 22: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.