OO MEYO ACHIMOOWIN ST MATTHEW 20
20
PISKE̔TUSSINA̔HIKUN XX.
1Ke̔che Kesikoowe otānow tapiskooch ayiseyinew ā tipāye̔tu̔k waskahikun, ā wuyoweet weputch ā kākesāp ayayik kitta mussinahikāhat oot utooskāwa oo meenisa̔tikoo kistekani̔k. 2Ākose ka mussinahikāhat oot utooskāwa pāuk sooneyawapiskoosa pāuk ā kesikak, isitissawāo oo meenisa̔tikoo kistekani̔k. 3Mena ispe ā wuyoweet nistoo tippa̔hikun ā ispee̔tukoochineyit, mena wapumāo kotuka pukwunuta ā nepoweyit ata̔toowini̔k, 4Ākose omisse itāo; Itoo̔tāk keyawaw mena meenisa̔tikoo kistekani̔k, netap unima ā kwiuskwu̔k ke ga meeyitinawaw. Ākose tapwā itoo̔tāwuk. 5Mena ispe ā wuyoweet nantow nikootwasik mena kākat metatu̔t tipa̔hikun, mena ākose totum. 6Mena nantow pāukoosap metatu̔t tipa̔hikun ā wuyoweet, mena miskowāo kotuka pukwunuta ā nepoweyit, ākose omisse itāo, Tanā̔kā ota kupā kesik pukwunuta ke nepowinawaw? 7Omisse itāwuk, Chikāma numoweya oweyuk ne mussinahikāhikoonan. Omisse itāo, Neyak keyawaw mena meenisa̔tikoo kistekani̔k; netap piko ā isse kwiuskwu̔k, ke ga o̔tinānawaw. 8Ākose ispe wātakoosee̔k, una ka tipāye̔tu̔k meenisa̔tikoo kistekan omisse itāo unehee kānowāye̔tumakoot oot ayana, Nutoomik oot utooskāwuk, ākose meeyik ka isse kuske̔tatchik, unekee iskwayani̔k o̔che peyis nistum isko. 9Ākose ispe unekee ka ke̔ mussinahikāhee̔tchik nantow pāukoosap metatu̔t tipa̔hikun, o̔tināwuk ka̔keyow pa̔pāuk sooneyawapiskoosa. 10Maka unekee nistum peā itoo̔tātchik, owusimā ne ga meeyikowinan itāye̔tumwuk; maka neestawaw o̔tināwuk ka̔keyow pa̔pāuk sooneyawapiskoosa. 11Maka ispe ka o̔tinu̔kik, me̔towumāwuk ka Tipāye̔tumeyit waskahikun, 12Omisse itwāwuk, okoo iskwayani̔k pāuk tipa̔hikun piko ke̔ utooskāwuk, ākose tapiskooch neyanan ket itotowawuk, ā ke̔ ayimisseya̔k kupā kesik ā kisastāk. 13Maka nuskwāwusehāo omisse itāo unehee pāuk, Ne tootām, Numoweya ke wunetotatin: numma che ke ke̔ nuskoomoon pāuk sooneyawapiskoos kitta o̔tinut? 14Otin una keya ket ayan, ākose kewā: ne ga meeyawuk okoo iskwayani̔k, tapiskooch eyekoo̔k keya. 15Numma che kwiusk ne ga totān piko ā we̔ totuman kitta totuman net ayan? Nayā̔tawun che ke’ skesik, neya ā meyowatisseyan? 16Ākose iskwayani̔k kā nistumukimee̔tchik, mena unekee nistum iskwayani̔k kā ayatchik: weya me̔chāt ā nutoomee̔tchik, maka chukowasis ā nowusoonee̔tchik.
17Ākose Jesus ā itoo̔tāt Jerusalemi̔k putootā itoo̔tahāo nesoosap metatu̔t oo kiskino̔humowakuna, mena omisse itāo. 18Ket itoo̔tanow Jerusalemi̔k; maka napao oo Koosisan kitta utamawuk ke̔che Ayumehāwekemawuk mena ka mussinahu̔kik ooyussoowāwina, ākose kitta itussoowatāwuk kitta nippa̔hime̔et, 19Ākose kitta meeyāwuk ayu̔ch eyinewa kitta ayasachehayit, mena kitta pusutā̔wayit, mena kitta cheestahaskwatayit: ākose nistoo kesikayike kitta wuniskat mena.
20Ākose pā natik oo’ Kawewawa Zebedee oot owasimisa oo Koosisa ussitche, ā putuppeestakoot, mena ā nutowāye̔tumakoot nantow kākwi. 21Ākose omisse itāo, Kākwi nutowāye̔tumun? Omisse itik, okoo nesoo ne koosisuk kitta uppitchik, pāuk ke ke̔cheniski̔k, mena kotuk ke numa̔tini̔k, ket otānowini̔k. 22Maka Jesus nuskwāwusehāo omisse itāo, Numoweya ke kiskāye̔tānawaw ka nutootumayāk. Ke ga kuske̔tanawaw che kitta mini̔kwāyāk itta meekisoyaknuisi̔k kā mini̔kwāyan, mena kitta seekaha̔takoweyāk unima seekaha̔tatoowin ka o̔che seekaha̔takoweyan? Omisse itāwuk, Ne kuske̔tanan. 23Ākose omisse itāo, Ke ga chikāma mini̔kwanawaw ne meekisoyakunisi̔k, mena ke ga seekaha̔takowinawaw unima seekaha̔tatoowin ka o̔che seekaha̔takoweyan: maka kitta uppeyāk ne ke̔cheniski̔k, mena ne numa̔tini̔k, nummayāo net ayan kitta ke̔ mākeyan, maka kitta meeyawuk unekee ka ke̔ kwyache̔tumakootchik n’ O̔tawëa. 24Ākose unekee metatu̔t ā pā̔tu̔kik, kissewahikwuk unehee nesoo ka oochewami̔tooyit. 25Maka Jesus nutoomāo, omisse itāo, Ke kiskāye̔tānawaw Ayu̔ch eyinewuk ā isse tipāyimikootchik ke̔che ookemawe Koosisana, mena unekee ka ke̔che ayewitchik ā isse ke̔che tipāyimatchik. 26Maka numoweya ākose ke ga isse ayanawaw keyawaw: maka oweyuk we̔ ke̔che ayewitche, keyam āwuko kitta pumeestakāo; 27Mena oweyuk we̔ ookemawitche, keyam āwuko ke ga utooskāstakoowaw: 28A̔po̔cheka napāo oo Koosisan numoweya kitta pumeesta̔t pā isse nutoonum, maka kitta pumeestakāt, mena kitta pukitinu̔k oo pimatissewin ā pimachehat me̔chāt.
29Ākose ā nukutu̔kik Jericho, ookistukāwe ayiseyinewa pimitissahook. 30Ākose, nesoo āka ā wapitchik napāwuk māskuna̔k ā uppitchik, ispe peā̔tu̔kik Jesusa ā pimoo̔tāyit, tāpwatāwuk, omisse itāwuk, Kissāwatotowinan, O ka Tipāye̔chekāyun, Keya David oo Koosisa. 31Ākose ayiseyinewuk kitootāwuk, kitta kipi̔toowāyit: maka a̔cheko tāpwatāwuk, omisse, Kissāwatotowinan, O ka Tipāye̔chekāyun, David oo Koosisa. 32Ākose Jesus keyamekapowew, ākose nutoomāo, omisse itāo, Tanse ā isse nuttowāye̔tumāk kitta totatukook? 33Omisse itāwuk, ka Tipāye̔chekāyun, ne’ skesikoonana kitta paske̔tānumun. 34Ākose Jesus kitimakinowāo, mena saminumwāo oo’ skesikooyewa: ākose sāmak o̔tinumwuk kitta wapu̔tumatchik, ākose wechāwāwuk.
Currently Selected:
OO MEYO ACHIMOOWIN ST MATTHEW 20: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.