OO MEYO ACHIMOOWIN ST MATTHEW 19
19
PISKE̔TUSSINA̔HIKUN XIX.
1Ākose ā utte e̔kee̔k, ispe Jesus ka keese̔tat ohoo itwāwina, nukutum Galilee, ākose pā otee̔tum otānow Judea ukami̔k Jordan; 2Ākose ookistukāwe ayiseyinewuk pimitissahook; ākose pimachehāo ākota.
3Neesta Phariseewuk pāche natik, ā kootāyimikoot, mena omisse itikoot, Meywasin che napāo kitta wāpinat wewa tu̔to kākwi o̔che? 4Maka nuskwāwusehāo mena omisse itāo, Numma na k’o̔che ayume̔tanawaw, una ka ke̔ ose̔hat nistum ose̔hāo napāwa mena iskwāwa, 5Ākose omisse ā ke̔ itwāt, Āwuko oma o̔che napāo kā nukutat o̔taweä mena oo kaweä, ākose kā wechāwat wewa: ākose ā neesitchik pāuko kitta isse ayawuk? 6Numoweya maka ākwa neseewuk, maka pāukwun meyas. Piko maka unehee Muneto ka ke̔ wechā̔tahat, ākaweya ayiseyinew kitta nunanischehāo. 7Omisse itik, Tanā̔kā maka Moses wā̔che ke̔ itussoowāt kitta mākewee̔t wāpinetoowe mussinahikāwin, ākose kitta wāpinimee̔t? 8Omisse itāo, Moses chikāma ā ispee̔che muskowustayāk ke’ tā̔ewawa, ke ke̔ eyinumakoowaw kitta pukitinākook ke’ wewewawuk: maka mitchimach o̔che numoweya o̔che e̔kin. 9Mena ke we̔tumatinawaw, keespin oweyuk wāpinatche wewa, piko tapwā pisikwatissewin o̔che, kotuka maka utte wekeematche, totum pisikwatissewin: mena oweyuk wekeematche unehee ka wapinimee̔t totum pisikwatissewin. 10Oo kiskino̔humowakuna omisse itik, keespin akose isse ayaw owa napāo mena oot iskwāma, numoweya āsa meywasin kitta wekee̔too̔k. 11Maka omisse itāo, Numoweya ka̔keyow ayiseyinew kitta ke̔ o̔tinum oma itwāwin, piko unekee ka isse meeyee̔tchik. 12E̔tawuk atee̔t eunuchuk, ā ke̔ isse ne̔tawekitchik oo’ kawewawa ā isse ne̔tawekehikootchik: mena e̔tawuk ate̔et eunuchuk, ā ke̔ issehikootchik ayiseyinewa: mena e̔tawuk eunuchuk, o̔chetow ā ke̔ issehissootchik ke̔che kesikoowe otānowewin o̔che. Piko una ka kuske̔tat kitta o̔tinu̔k, keyam kitta o̔tinum.
13Ākose pātoowaw upistowasisa, kitta saminat, mena ayumehāstumowat: ākose kiskino̔humowakunuk kitootāwuk. 14Maka Jesus itwāo, Pukitini̔kook upistowasisuk, mena ākaweya kittahuma̔kook, kitta pā nasitchik: ākotoowa okoo ke̔che kesikoowe otānowewin ka ayatchik. 15Ākose tu̔koonāo, ākose sipwātao.
16Ākose poote, pāuk pāche omisse itik, Meyo Kiskino̔humakāo, kākoo meyo kakwi kā totuman, kitta ayayan kakekā pimatissewin? 17Ākose omisse itāo, Tanā̔kā meyo aya wā̔che isseyun? numoweya oweyuk meyo ayewew pāuk piko, āwuko Muneto: maka keespin ke we̔ pee̔tokwan pimatissewini̔k, mitchimina ooyussoowāwina. 18Omisse itik, Tanehee? Jesus itāo, Ākaweya nippa̔takā, Ākaweya pisikwatisse, Ākaweya kimoote, Ākaweya keyaske misse̔kāmoo, 19Kistāyimik k’ o̔tawe mena ke’ kawe: mena, ka itāyimissooyun ke ga isse sakehaw keeche ayiseyinew. 20Owa ooskeneekew omisse itāo, Ka̔keyow ohoo kākwia ne ke̔ mitchiminān uspin ā pāche owasiseweyan: kākwi kāyapitch kweetumayan? 21Jesus omisse itāo, Keespin issa ke we̔ tapwan, nutowe utawakā ket ayana, mena meeyik ookitimakissewuk, ākose ke ga ustwan ke̔che kākwia ke̔che kesikoo̔k: ākose pāche wechāwin. 22Maka ispe āwuko ooskeneekew peā̔tu̔k āwuko itwāwin, sipwā̔tāo āka ā na̔āye̔tu̔k: weya ke̔che wāyootissewina ā ayat.
23Ākose Jesus itāo, oo kiskino̔humowakuna, Ne tapwan ka ititukook, oowāyootissew tapwā ukawach kitta pee̔tokwāo ke̔che kesikoowe otānowewin. 24Mena kee̔twam ke we̔tumatinawaw, owusimā wā̔tun pisiskew kitta sapooyu̔keet sapoonekuni̔k, ispee̔ch oowāyootissew kitta pee̔tokwāt oot otānowineyew Munetoowa. 25Ispe oo kiskino̔humowakuna peā̔tumeyit, naspitch mamuskase̔tumwuk, omisse itwāwuk, owāna maka kā ke̔ pimachehoot? 26Maka Jesus kunowapumāo, mena omisse itāo, Weya ayiseyinew ayimun itāye̔tum; maka weya Muneto ka̔keyow kākwi wā̔tun.
27Ākose nuskwāwusehāo Peter mena omisse itāo, Ne ke̔ nukutānan ka̔keyow kākwi, ā wechāta̔k; kākwi maka kā o̔tinuma̔k? 28Jesus omisse itāo, Ne tapwan ka isse we̔tumatukook, Keyawaw ka ke̔ wechāweyāk, kee̔twam ne̔tawekewini̔k ispe napāwe Koosisan ke̔ ooyuppitche oo ke̔che uppewini̔k oo mume̔chimikoowini̔k, keyawaw mena ke ga uppinawaw nesoosap metatu̔t ke̔che uppewina, kitta ooyussoowatākook nesoosap metatu̔t ka ke̔ tu̔to skanāmukissitchik Israel. 29Mena tu̔to oweyuk ka ke̔ nukutu̔k waskahikuna, a̔po oo’ chewama, a̔po oot owāmawa, a̔po o̔taweä, a̔po oo’ kaweä, a̔po wewa, a̔po oot owasimisa, a̔po oot uskeeä, ne we̔yoowin o̔che, kitta o̔tinum meta̔to metunoo owusimā, mena kitta ayaw kakekā pimatissewin. 30Maka me̔chāt ka ata nistum ayatchik oota̔k kitta ayawuk; mena oota̔k ka ayatchik nistum kitta ayawuk.
Currently Selected:
OO MEYO ACHIMOOWIN ST MATTHEW 19: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.