OO MEYO ACHIMOOWIN ST MATTHEW 10
10
PISKE̔TUSSINA̔HIKUN X.
1Ākose ka̔ nutoomat metatu̔t nesoosap ka itusseyit oo kiskino̔humowakuna, meeyāo soo̔katissewin kitta sakootissa̔wayit muche a̔cha̔wa, kitta wuyowetissawayit, mena kitta pimache̔tayit ka̔keyow nuna̔kow a̔koosewin mena ka̔keyow nunatoo̔k itaspināwin. 2Ā isseni̔kasootchik nesoosap metatu̔t ā itussitchik ka sipwātissahoo̔tchik; una nistum, Simon, Peter ka ussitche isseni̔kasoot, mena Andrew oo chewama; James Zebedee oo Koosisa, mena John oo chewama; 3Phillip, mena Bartholomew; Thomas, mena Matthew ka publicanewit; James Alpheus oo koosisa, mena Lebbeus, Thaddeus ka uspeni̔kasoot; 4Simon Canaanite, mena Judas Iscariot, ka ke̔ utawāyit weya.
5Okoo nesoosap metatu̔t Jesus sipwātissawāo, mena we̔tumowāo, omisse, Ākaweya itoo̔tāk itta ā ayatchik Ayu̔ch eyinewuk, mena itta ā waskahikunitchik Samaritanuk ākaweya pee̔tokwāk: 6Maka nati̔kook yayetān oowunehoo mayutchi̔kwuk Israel. 7Ākose ā itoo̔tāyāk, ā kukāskimawusooyāk, itwāk, Ke̔che Kesikoo̔k otānow kissewak e̔tukwun. 8Pimachehi̔k oota̔koosew, kechistinee̔kook oopeekoopuyewuk, wuniskayee̔kook oonippewuk, wuyowetissahoo̔kook muche a̔cha̔kwuk: ke ke̔ moo̔che meeyikowinawaw, moo̔che mākik. 9Ākaweya oosawe sooneyaw, a̔po wapiske sooneyaw, a̔po oosawee̔kwuk ayak, 10A̔po mechimewut kitta kekeyāk, a̔po nesoo miskootakuya, a̔po muskissina, a̔po suskahoona̔tikwa: ākooyekoo̔k kuske̔taw kā mechit ootutooskāo. 11Piko unima ke̔che waskahikun a̔po otānow ka pee̔tokwāyāk, kukwāche̔kāmook owāna itta kāsawatisseet; ākose ākota ayak eyekoo̔k kā nukutumāk. 12Ākose wātee̔tumāko waskahikun, utumiskumook. 13Keespin maka itta ka ayatchik meywatissewuk, keyam kitta otee̔tikwuk ka utumiskowākook: maka keespin numma meywatissewuk, keyam mena ko̔ke ayak ket utumiskakāwinewaw. 14Maka oweyuk āka pee̔tokwahitākoo, mena āka nutoo̔takooyākoo, nākutumākoo āwuko waskahikun a̔po otānow, kasissitāsemook. 15Ne tapwan ka ititukook, Owusimā kitta wā̔tissewuk Sodom mena Gomorrha ka ayatchik ooyussoowāwe kesikake, ispee̔ch āwukwunik.
16Ke sipwātissahootinawaw tapiskooch mayutchi̔kwuk mākwach mahe̔kuniska̔k: kukwā maka yipwa̔kak tapiskooch kināpikwuk, mena yoospissik tapiskooch oome̔mewuk. 17Maka uswāyimi̔kook ayiseyinewuk: ooyussoowāwinewa̔k ke ga we̔ itoo̔tahikoowawuk, mena oot ayumehāwekumikoowa̔k ke ga pusustahookoowawuk; 18Ke ga itoo̔tahikowinawaw itta Ke̔che Ookemawuk ā ayatchik neya o̔che, kitta kweetowe itwātchik mena ayu̔ch eyinewuk. 19Maka wātinetākwawe, ākaweya mamitoonāye̔tumook tanse kitta itwāyāk: netap ke ga meeyikowinawaw ākota tanse kā itwāyāk. 20Yukuma keyawaw tapwā kā ayumeyāk, maka oot A̔cha̔kwa k’ O̔tawewaw ka ayumāstumakooyāk. 21Wāchewamee̔k kitta pukitināo oo chewama kitta nippa̔himee̔t, mena o̔tawemaw oot owasimisa: mena owasisuk kitta pukitussoowatāwuk oo neekehikoowawa, kitta nippa̔himee̔t. 22Ākose ka̔keyow ayiseyinew ke ga pukwatikoowaw neya o̔che: maka una āka kā poone̔takwā kā pimahchehoo̔t. 23Maka sāpwāyamookatikooyākwawe ota waskahikuni̔k, kotuk ittā itamook: ne tapwan ka ititukook, numoweya ke ga o̔che otee̔tānawaw ka̔keyow waskahikuna Israel, eyekoo̔k napāo oo Koosisan kā tukoosee̔k. 24Ookiskino̔humowakun numoweya owusimā itāye̔takoosew ātāye̔takooseyit ka kiskino̔humakoot, mena utooskāyakun numoweya kitta ke̔ owusimāskowat Ookemama. 25Ākooyekoo̔k kiskino̔humowakun ka isse ayayit ka kiskino̔humakoot, kitta isse ayat, mena utooskāyakun ka isse ayayit Ookemama. Keespin Beelzebub ka itawakwā ka Tipāye̔tumeyit waskahikun, tanse wawees kā itatchik oo wechāwakuneyewa? 26Ākaweya maka koosti̔kook: numoweya kākwi ā ke̔ ukwunahumee̔k, āka kitta ke̔ paskinikatāk; mena ā kata̔k, āka kitta o̔che kiskāye̔takwu̔k. 27Kākwi ā we̔tumatukook wunetipiska̔k, āwuko ayumootumook wastā̔k: mena ā isse pā̔tumāk k’ e̔towukawa̔k, āwuko we̔tumook tu̔kooch waskahikuni̔k. 28Mena ākaweya koosti̔kook unekee ka nippa̔tatchik meyow, maka āka ka kuske̔tatchik kitta nippa̔hatchik a̔cha̔kwa: maka keyam koosti̔k kāske̔tat kitta nissewunachehat a̔cha̔kwa mena meyow muche iskootā̔k. 29Numma che nesoo oomechuskooseesuk pāuk upiste sooneyas itukimawuk? ākose pāuk āwuko numma ke̔ pu̔kissin uskee̔k āka kitta kiskāyimat k’ O̔tawewaw. 30Maka k’ āstukawawa ke’ stikwanewa̔k ka̔keyow uke̔tāwa. 31Ākaweya maka sākissik, owusimā ket itāye̔takoosinawaw ispee̔ch me̔chāt oomechuskooseesuk. 32Oweyuk maka achimitche ayiseyinewa achimoostowatche, āwuko neesta kā achimuk n’ o̔tawe kitta achimoostowuk ke̔che kesikoo̔k ka ayat. 33Maka oweyuk āka achimitche kitta achimoostowat ayiseyinewa, āwuko neesta āka kā achimuk kitta achimoostowuk n’ O̔tawe ke̔che kesikoo̔k ka ayat. 34Ākaweya pāche isitissahum oototāme̔toowin ota uskee̔k itāye̔tumook: numoweya ne pāche isitissahān oototāme̔toowin, maka semakuni̔kooman. 35Ne pāche totowaw napāo kitta pukwatat o̔taweä, mena wātanisee̔k kitta pukwatat oo kaweä, mena wāstimee̔k kitta pukwatat oo sikoosa. 36Ākose ayiseyinew oot owasimisa kā̔chewak kitta oopukwachekunew. 37Una ka sakehat o̔taweä a̔po oo kaweä ispee̔ch neya numoweya tāpukāye̔takoosew kitta wechāwit: mena una ka sakehat oo koosisa a̔po oo tanisa ispee̔ch neya numoweya tāpukāye̔takoosew kitta wechāwit. 38Mena una āka kā otinu̔k oot ayimissewin, kā wechāwikwā maka, numoweya tāpukāye̔takoosew kitta ke̔ ayawit. 39Una ka misku̔k oo pimatissewin kitta wune̔taw: mena una ka wune̔tat oo pimatissewin neya o̔che kitta miskum.
40Una ka nutoo̔takooyāk ne nutoo̔tak neesta, mena una ka nutoo̔towit nutoo̔towāo neesta unehee ka pā isitissahooyit. 41Una ka nutoo̔towat ookiskewāhikāwa weya ā kiskewāhikāyit kitta o̔tinum ookiskewāhikāwa oo tipahumakoowineyew; mena una ka nutoo̔towat kwiusk ootitatissewa weya kwiusk ā itatisseyit kitta o̔tinum kwiusk ootitatissew oo tipahumakoowin. 42Mena oweyuk mina̔hatche e̔tawun ohoo mekisseyakuni̔k tu̔kekum apoë chikāma ā kiskino̔humami̔t, Ne tapwan ka ititukook, Numoweya kitta ke̔ wune̔taw oo tipahumakoowin.
Currently Selected:
OO MEYO ACHIMOOWIN ST MATTHEW 10: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.