OO MEYO ACHIMOOWIN ST MATTHEW 9
9
PISKE̔TUSSINA̔HIKUN IX.
1Ākose ā utte poosit, mena ā asoowahu̔k, ākose otee̔tum oo waskahikun. 2Ākose, wā̔che, pātoowatchik napāwa ā nunumaspināyit, ā pimissineyit nipāwini̔k: maka Jesus a wapu̔tumwat oo tapwā̔tumoowineyew, omisse itāo oonunumaspināwa; Ne Koosā, owahā; ke muche̔tewina ke ga usānumakowin. 3Ākose atee̔t ka mussinahu̔kik ooyussoowāwina omisse itāye̔tumwuk, Yaman pastamoo owa. 4Maka Jesus ā kiskāye̔tumwat oo mitoonāye̔chekuneyewa omisse itāo, Tanā̔kā wā̔che muche mamitoonāye̔tumāk ke tā̔ewa̔k? 5Tanema nowutch weyā̔tu̔k, kitta itwā̔k, Ke muche̔tewina ket usānumakowin; a̔po Wuniska, mena Pimoo̔tā kitta itwā̔k? 6Maka kitta kiskāye̔tumāk napāo ookoosisan ā ayat soo̔katissewin ota uskee̔k kitta usānu̔k muche̔tewina, (ākose ā itat oonunumaspināo,) Wuniska, otina ke nipāwin, mena itoo̔tā ke waskahikuni̔k. 7Ākose wāniskat, mena ā sipwā̔tāt oo waskahikuni̔k isse. 8Maka ispe weäputu̔kik ookistukāwe ayiseyinewuk, mamuskatumwuk, mena mume̔chimawuk Munetoowa, ka ke̔ meeyayit soo̔katissewin ayiseyinewa.
9Ākose Jesus ā nukutu̔k ākota, wapumāc pāuk napāwa, Matthew ā isseni̔kasooyit, ā uppit itta ka otinimee̔t sooneyawa: omisse itāo, Wechāwin. Ākose pāssikoot, ā wechāwat.
10Ākose Jesus ā uppit ā mechesootchik waskahikuni̔k, me̔chāt publicanuk mena oo muchatissewuk pāche weetuppimik mena oo kiskino̔humowakuna. 11Ākose ispe Phariseewuk ā wapumatchik, omisse itāwuk oo kiskino̔humowakuneyewa, Tanā̔kā ka wechemechesoomat k’ Ookemamewaw Publicana mena oomuchatissewa? 12Maka ispe Jesus pëā̔tu̔k āwuko, omisse itāo, unekee ka meyo ayatchik numoweya nutowāyimāwuk Muske̔keweyinewa, piko unekee ka a̔koositchik. 13Maka nutowe kiskāye̔tumook tanse oma āitwāmukuk, Ne ga ayan kissāwatisseewin, nowutch ispee̔ch isse̔twawina: numoweya ne pāche nutoomaw kwiusk ootitatissew, maka kitta me̔tatu̔kik oomuchatissewuk.
14Ākose wātee̔tikoot oo kiskino̔humowakuneyewa John, omisse ā itikoot, Tanā̔kā neyanan mena Phariseewuk me̔chātwaw ka kowa̔kutāhooya̔k, maka ke kiskino̔humowakunuk numoweya? 15Ākose Jesus omisse itwāo, kitta ke̔ che nunā̔katāyimooyewa oo totāma, ooweekee̔too, kāyapitch ā wechāwat? maka peechāyik ispe muskumee̔twawe ooweekee̔toowa, ākose ākota ka kowa̔kutāhootchik. 16Numoweya oweyuk kitta meesahikakāo ooske munetoākin kuyase ayoowinisi̔k, kakayā weya kitta nissewunache̔taw ayoowinis, mena itta ka tatoopuyik. 17Mena numoweya ayiseyinewuk ustawuk ooske meenisapoë kuyase wee̔kwa̔k: kakayā weya wee̔kwuya kitta peekoopuyewa, ākose meenisapoë kitta wuyoweäsekowunopun, ākose wee̔kwuya kitta nissewunatunoopunwa: maka ustawuk ooske meenisapoë ooske wee̔kwa̔k, ākose tapiskooch ka kunowāye̔tumee̔k.
18Kāyapitch omisse a̔ itat, pā natik pāuk Ookemawa, ā putuppeestakoot, omisse itik, Ne tanis unoo̔ch isse nippew: maka pāche samin, ākose kitta pimatissew. 19Ākose Jesus pussikoo, ā wechāwat, mena oo kiskino̔humowakuna.
20Ākose, poote, iskwāwa, a we̔ nestookwakoweyit nesoosap metatu̔t tu̔to pipoonwa, oo spiskwuni̔k pā natik, mena ā saminumeyit oot ukoohoon: 21Weya omisse ā itāye̔tu̔k, Keespin oot ukoohoon ke̔ saminumwuke, ne ga pimatissin. 22Maka Jesus ā kwāskekapowit, ispe weäpumat, Ne tanis itāo, na̔āye̔ta; ke tapwa̔tumoowin ke pimachehikoon. Ākose sāmak ka pimatissit una iskwāo.
23Ākose Jesus ka pee̔tokwāt ookemaw oo waskahikuneyi̔k, maka ā wapumat unehee ayiseyinewa ā mowe̔katayit, 24Omisse itāo, Toweek: numoweya owa ooskeneekiskwāsis nippew, maka nipaw. Ākose pea̔pehatchik. 25Maka ispe ka wuyoweetchik eyinewuk, pee̔tokwāo, ootinumwāo oo chee̔cheeyew, ākose ooskeneekiskwāsis wāniskat. 26Ākose missewā āwuko peā̔takwu̔k.
27Ākose ispe Jesus nākutu̔k, nesoo āka ā wapeyit napāwa pimitissahook, ā tāpwatikoot, mena omisse itik, David oo Koosisa kissāwatotowinan. 28Ākose ka pee̔tokwāt waskahikuni̔k, unekee āka ka wapitchik pā natāwuk: māka Jesus omisse itāo, Ke tapwā̔tānawaw che ā kuske̔tayan kitta ke̔ totuman? Ākose omisse itāwuk, Āhā Ka Tipāye̔chekāyun. 29Ākose seäminumwat oo’ skesikooyewa, omisse ā itat, Ka isse tapwā̔tumāk ke ga isse ayanawaw. 30Ākose tapwā oo’ skesikoowawa paske̔tāpuyeyewa; maka Jesus kittahumowāo, ākaweya oweyuk kitta kiskāye̔tum, itāo. 31Maka okoo, ka̔ sipwā̔tātchik, missewā achimāwuk ākota uskee̔k.
32Ka utte wuyoweetchik, pāsewāwuk āka ā ne̔tawāyit napāwa ā pee̔tiskakooyit muche a̔cha̔kwa. 33Ākose ka wuyowetissahoo̔t muche a̔cha̔k, sāmak ke peekiskwāo: ākose okoo ayiseyinewuk mamuskatumwuk, omisse ā itwātchik, Nummawe̔kach isse wapu̔chekatāo Israeli̔k. 34Maka Phariseewuk itwāwuk, Nuttuka ka Tipāyimayit muche a̔cha̔kwa ā aputchehat, ka o̔che wuyowetissa̔wat muche a̔cha̔kwa. 35Ākose Jesus missewā itoo̔tāo ka̔keyow waskahikuna mena otānowa, ā kukiskinoo̔humowat oot ayumehāwekumikooyi̔k, mena ā we̔tu̔k meyo achimoowin, mena ā pimache̔tat ka̔keyow a̔koosewin mena nunatoo̔k ā itāspināyit ayiseyinewa.
36Maka ispe ā wapumat ookistukāwe ayiseyinewa, moose̔taw ā kitimakinowat, chikāma ā kweetumayit, mena missewā nunanis ā nunookooseyit, tapiskooch mayutchi̔kwa āka ā kunowāyimikooyit ookunowāmayutchi̔kwāwa. 37Ākose itāo oo kiskino̔humowakuna Tapwā me̔chātin ā keese ne̔tawekee̔k kistekan, maka ootutooskāwuk chukowasisewuk; 38Nutootuma̔k maka ka Tipāye̔tu̔k kistekan, kitta isitissawat ootutooskāwa oo kistekani̔k.
Currently Selected:
OO MEYO ACHIMOOWIN ST MATTHEW 9: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.