MATIUS 6
6
Sasasa hal᷊i u l᷊aonggo
1 #
Mat. 23:5
“Tinaungete, kumbahang i kumu mukoa tatuhu su agama su tingo ngu hape tadeau ikawua ngu taumata. Boko i kumu mukoa kere'e i kumu sarung ta manarima wawal᷊isi bo i Yamangu su sorga.
2Arawe i kumu munggile l᷊aonggo su tau ko susa, kumbahang ipuwawuke kere ko i koa u taumata ko pal᷊antikari. I sire makihaghi mukoa haghi e'e su wal᷊e pukakal᷊iomanengang arako su l᷊al᷊eng ko l᷊abo, tadeau pakidalo su taumata. Tinaungete, i sire seng nanarima wawal᷊isi. 3Arawe i kumu, boko i kumu munggile l᷊aonggo, onggoe pakarumasi, tadeau takoae ko makatitong. 4Walate ko nikoau e'e maneng ta nikatitonang i sai-sai, su l᷊ikuri Yamangu su sorga. I Sie makawua kakanoau ko ta ikawua e'e dang sarung mamal᷊isi si kau.”
Sasasa hal᷊i u mukal᷊iomaneng
(Luk. 11:2-4)
5 #
Luk. 18:10-14
“Boko i kumu mukal᷊iomaneng, kumbahang manguntu lulu'u taumata ko makitika. I sire mo mukal᷊iomaneng kararisi su wal᷊e pukakal᷊iomanengang dang su manga pul᷊engang u l᷊al᷊eng tadeau ituhungang u taumata. 6Arawe boko i kumu mukal᷊iomaneng, tamaite sarang kamari, humping tukari, mbuhue pukal᷊iomaneng si Yamang ko ta ikawua e'e. Kuteu i Yamangu ko makawua kakanoau ko ta ikawua sarung mamal᷊isi si kau.
7Boko i kumu mukal᷊iomaneng, kumbahang mupal᷊al᷊iku musul᷊ung u taumata ko wugha ngu Mawu. I sire manika ndo i sire sarung raringihang ual᷊ingu kakal᷊iomaneng i sire manandu. 8Boko manguntu si sire. I Yamangu seng matitong apang ko su naungu, su horo i kumu mundo. 9Inau pukal᷊iomanengte kiri'i:
‘I Yamang i kami su sorga:
I Kau Mawu mang simbau.
Mal᷊umbako i Kau isumba l᷊au i adateng
10I Kau Ratu ngi kami.
Mal᷊umbako i Kau mamarenta su dunia dang
kao-U ituhukang kere su sorga.
11Onggoko su silou i'i l᷊aidopi ko kanengang i kami.#6:11: ko kanengang i kami: arako guna ngu dol᷊ou, arako guna ngu l᷊ou-l᷊ou.
12Ampunge ko i kami bou pusansal᷊a ngi kami,
kere i kami seng nangonggo ampunge su taumata
ko nunsal᷊a si kami.
13Kumbahang mamala ngi kami kailangeng u pangangimang su tempo ngi kami i sal᷊ukateng
kateho l᷊iu ko i kami bou kawasa ko dal᷊ai.
[I Kau Ratu ko makawasa, mawantughi sarang kal᷊iwuenge. Aming]’
14 #
Mrk. 11:25-26
Boko i kumu munggile ampunge su taumata ko nunsal᷊a si kumu, I Yamangu su sorga mang l᷊ai sarung munggile ampunge su pusansal᷊a ngi kumu. 15Arawe boko i kumu ta munggile ampunge su pusansal᷊a ngu taumata ko wal᷊inge, kuteu i Yamangu su sorga mang l᷊ai sarung ta munggile ampunge su sal᷊a ngi kumu.”
Sasasa hal᷊i u mupuasa
16“Boko i kumu mupuasa, kumbahang pahesiu musahingkudung kere lulu'u taumata ko makitika. I sire mamal᷊u pahesi sire tadeau ikatitonang u taumata i sire kapupuasange. Tinaungete, e'e wawal᷊isi seng nitarima i sire. 17Arawe boko i kumu mupuasa, panguhauko dang saheko utau, 18tadeau takoae ko matitong i kumu kapupuasange, kitang Yamangu ko ta ikawua e'e. I sie makawua kakanoau ko ta ikawua e'e sarung mamal᷊isi si kau.”
Kakakala su sorga
(Luk. 12:33-34)
19 #
Yak. 5:2-3
“Kumbahang mangomol᷊i kakakala guna ngu watangeng su dunia su tampa ko pia uanenge l᷊au tai ngu uase ko makarusa dang tahatako sumongo manako. 20Su l᷊ikuri e'e, pangomol᷊i kakakala su sorga, su tampa ko apang uanenge l᷊au tai ngu uase ta makarusa, dang tahatako ta sumongo manako. 21Watu'u su apa pia kakakalau, su se'e l᷊ai naungu!”
Kasasua su badang
(Luk. 11:34-36)
22“Mata ko sol᷊o ngu badang. Boko matau matilang, kaul᷊i u badangu suminang. 23Arawe boko matau mal᷊uwuhi, kaul᷊i u badangu marundung. Inau boko sol᷊o ngu badangu marundung, kirapawe karundunge dunia e'e!”
Mawu Ruata l᷊au kakakala
(Luk. 16:13, 12:22-31)
24“Takoae singkatau ko makapuhal᷊i boko mawunge dua ngkatau. Watu'u i sie sarung mapal᷊iu kumindaghi u simbau bou ko wal᷊inge. Arako i sie sarung mapal᷊iu mapia su mawunge simbau bou ko wal᷊inge. Kere'e l᷊ai i kumu. I kumu ta mariadi mutahamawu Mawu Ruata dang mutahamawu ngu kakakala.
25Ual᷊ingu e'e tinaungete: Kumbahang ghumagha ngu puwawiahiu, ko apa sarung kanengang l᷊au inungang, arako apa ko sarung l᷊ohokang i kumu. Wal᷊inge puwawiahi ko nangilebe bou idopi, dang badang ko nangilebe bou pakeang? 26Tuhungete burung su kinoang. I sire ta musuang, ta manipo, dang l᷊ai ta mangomol᷊i hasili u sasuange su tampa pundesonang. Maneng kere'e i Yamangu su sorga mang mupal᷊ihara si sire! Wal᷊ingewe kumu ko nangilebe mahariga bou manga burung su kinoang? 27I sai bou tal᷊oara i kumu ual᷊ingu kaghaghaghange botonge makatamba umurie maneng kitang singkodo-kodo?#6:27: makatamba umurie maneng kitang singkodo-kodo?: arako nanamba marange maneng kitang singkodo.
28Nakurawe i kumu maghagha hal᷊i u pakeangu? Tuhunge ko manga bungang bakung ko nutumuwo su ngudae. Manga bungang e'e ta mul᷊ahal᷊i dang ta mukakoa heka; 29#1Mar. 10:4-7; 2Taw. 9:3-6kateho Ratu Salomo kere'e kakalae e'e ta nul᷊oho pakeang kere kasidada u bungang e'e! 30Ruku su ngudae tumuwo silou i'i, ndai mal᷊ou nasue tutunge. Arawe Mawu Ruata kere'e kapiange nutal᷊ung manga ruku e'e. Nangilebewe si kumu. Arawe i kumu mang ta mangimang! 31Kumbahang ghumagha, bou e'e mangul᷊i, apa sarung kanengang i kite, arako apa sarung inungang i kite, arako apa sarung l᷊ohokang i kite? 32Kaul᷊i u tamai e'e sintinia iwawatukang u manga taumata ko wugha ngu Mawu. Kateho I Yamangu su sorga matitong i kumu ko mo kaul᷊ie e'e. 33Inau pul᷊iagha ko horo, tadeau Mawu Ruata mamarenta su puwawiahiu dang pukoako apang kao-E. Kuteu kaul᷊ie e'e sarung ionggol᷊ang u Mawu Ruata l᷊ai si kumu. 34Ual᷊ingu e'e kumbahang ghumagha ngu l᷊ou dol᷊ou. Watu'u dol᷊ou pia kaghaghaghae sisane. Susangu silou i'i seng kapapiange, tawahal᷊uasi mborong sau tambang.”
Currently Selected:
MATIUS 6: PLT
Highlight
Share
Copy
Want to have your highlights saved across all your devices? Sign up or sign in