MATIUS 24
24
I Yesus nuhabari kal᷊aopehi u Wal᷊e ngu Mawu
(Mrk. 13:1-2; Luk. 21:5-6)
1Su tempo I Yesus nanintang u Wal᷊e ngu Mawu, manga tumatuhu-E nusumongo si Sie dingang nanibo tarai sarang kakoa u Wal᷊e ngu Mawu. 2I Yesus nangul᷊i si sire, “Apa i kumu seng nakawua kaul᷊ie e'e? Katitongte, sarung takoae watu sarang simbau su wal᷊e e'e mborong tatapi mul᷊ahunsuri su tampae. Kaul᷊ie sarung iopehi.”
Kasasusa l᷊au papahang
(Mrk. 13:3-13; Luk. 21:7-19)
3Bou e'e I Yesus nusumaka sarang Wukiri u Zaitung, dang su tempo ngi Sie kakangiang, manga tumatuhu-E nusumongo tadeau makapudidato dingang-E. “Habariko si kami kangereng kaul᷊ie e'e sarung mariadi,” angkung i sire si Sie. “Apa tatiange ko mupakal᷊ahe u sasongo ngi Tuang dang panginsueng u dunia?”
4I Yesus nusumimbahi, “Pakaingati, kumbahang sarang i kumu kaakal᷊eng. 5Watu'u sarung maul᷊i taumata musumongo mumbawa areng-Ku l᷊au muhabari ‘Ia Ratu Mananal᷊amati!’ I sire sarung mangakal᷊i taumata maul᷊i. 6I kumu sarung makaringihi tingihi u kapul᷊al᷊utange l᷊au manga habari u parang, kateho ari kataku. Watu'u kaul᷊i u hal᷊i e'e mambeng mariadi, kateho e'e wal᷊ingewe seng tempo ngu dunia mukiamati. 7Bangsa simbau sarung muparang mundoka bangsa ko wal᷊inge, dang negara simbau sarung mangalo negara ko wal᷊inge, suapang tampa sarung pia kal᷊ahutung dang rinuhi. 8Kaul᷊ie e'e mbuhue panitakeng u singsara, musul᷊ung pundang u kal᷊iki su singkatau kowawine su tempo ngu mahinding.
9 #
Mat. 10:22
Bou e'e i kumu sarung isame l᷊au isarakang tadeau ipahangeng l᷊au ipate. Kaul᷊i u dunia sarung mubinsi i kumu ual᷊ing i kumu tumatuhu si Sia. 10Su tempo e'e sarung maul᷊i taumata tumal᷊ikuri, l᷊au musingking dang mubinsi simbau dingang ko wal᷊inge. 11Maul᷊i mahang nabi sarung l᷊umitou dang mangakal᷊i taumata maul᷊i. 12Kakanoa ko dal᷊ai sarung l᷊umente kere'e katoghasi sarang maul᷊i taumata seng ta mukakindaghi. 13#Mat. 10:22Arawe taumata ko mutatahang sarang panginsuenge, sarung i pakasal᷊amati. 14Dang Habari Makal᷊uasi hal᷊i u kirapa Mawu Ruata mamarenta sarung i pakatitong su kaul᷊i u dunia, tadeau kaul᷊i u taumata makaringihi. Masue e'e mbuhue dunia mukiamati.”
Kakanoa ko dal᷊ai ko makawinasa
(Mrk. 13:14-23; Luk. 21:20-24)
15 #
Luk. 17:31
“I kumu sarung makawua ‘Kakanoa ko dal᷊ai ko makawinasa,’ musul᷊ung ko niul᷊i i Nabi Daniel, rumarisi su tampa ko susi. (L᷊aingati su ko mubasa: Putuhung ko apa mangal᷊enge!) 16Su tempo e'e taumata su Yudea mambeng tal᷊ang sarang wul᷊uri. 17#Luk. 17:31Taumata su wawo u wal᷊e ariwe l᷊intu mangal᷊a manga apa su l᷊al᷊ung u wal᷊e. 18Taumata su awuhi kumbahang mapul᷊e mangal᷊a l᷊akue. 19Kere'e kal᷊intihie l᷊ou-l᷊ou e'e su manga kowawine ko pia kal᷊uwaenge, dang su manga kowawine ko mborong kapupasusunge rario! 20Pukal᷊iomanengko tadeau kumbahang i kumu sarang tumal᷊ang su tempo ngu tahiti arako su l᷊ou ngu Sabati! 21#Dan. 12:1; Kl᷊h. 7:14Su l᷊ou-l᷊ou ko makatataku e'e sarung pia kasasusa ko l᷊abo, ko mborong ta paghisa nariadi bou tita u dunia sarang orasi i'i, dang seng sarung ta mariadi. 22Kiko ta nipakapol᷊o ngu Mawu Ruata temponge; kuteu takoae sarang singkatau masal᷊amati. Kateho ual᷊ingu umati-E, Mawu Ruata nupakapol᷊o ngu tempo e'e.
23Su tempo e'e boko pia manga singkatau mangul᷊i si kumu, ‘Tuhungete, Ratu Mananal᷊amati e'e seng ene su si'i!’ Arako i Sie pai se'e! kumbahang i kumu mangimang si sie. 24Watu'u sarung l᷊umitou manga mahang mananal᷊amati l᷊au manga mahang nabi. I sire sarung mukoa kakanoa ko takoae sihinge dang hal᷊i ko makal᷊aherang guna ngu pangakal᷊i, boko botonge, umati Mawu Ruata l᷊ai. 25Inau, tinaungete! Ia seng tuwei mbuae nangul᷊i si kumu suhoro hal᷊i e'e mariadi.
26 #
Luk. 17:23-24
Boko taumata mangul᷊i si kumu, ‘Tuhungete, i Sie pai ene su tana ko l᷊inggi!’ – Kumbahang i kumu matamai. Arako boko i sire mangul᷊i, ‘Tuhungete, i Sie nanang si'i kapukumbuninge su kamari!’ – kumbahang mangimang. 27Watu'u rarinta ngu Ahusi Taumata musul᷊ung sinang u kila bou pung u raki, suminang sarang wahe.
28 #
Luk. 17:37
Su apa pia bangke, su se'e pia burung tahakina bangke.”
Sasongo ngu Ahusi Taumata
(Mrk. 13:24-27; Luk. 21:25-28)
29 #
Yes. 13:10, 34:4; Yeh. 32:7; Yl. 2:10,31, 3:15; Kl᷊h. 6:12-13 “Ta mal᷊iwue bou tempo kasasusa e'e, matangutiti sarung mutingkarundung l᷊au wul᷊ang l᷊ai ta suminang. Manga wituing sarung manawo bou l᷊angi, dang manga mangangawasa su kinoang sarung musal᷊iawuhi 30#Dan. 7:13; Za. 12:10-14; Kl᷊h. 1:7Bou e'e tatia ngu Ahusi Taumata sarung ikawua su l᷊angi. Su tempo e'e kaul᷊i u bangsa su dunia sarung sumangi. I sire sarung makawua Ahusi Taumata sumongo su wawo u winawa dingang u kawasa l᷊au kawawantughi ko l᷊abo. 31Tarompeti ko l᷊abo sarung pul᷊untingihi dang Ahusi Taumata sarung mundoi apang malaikati-E pangomol᷊i umati-E bou kapa u wuku ngu dunia, bou pondol᷊i l᷊angi simbau sarang pondol᷊i l᷊angi ko wal᷊inge.”
Tintiro bou hal᷊i u kau ara
(Mrk. 13:28-31; Luk. 21:29-33)
32“Pangal᷊a ko tintiro bou hal᷊i u kau ara. Boko manga lelange ko ijo l᷊au mal᷊owo, dang manita mutuwo, i kumu matitong tempo ngu titi seng masandighi. 33Kere'e l᷊ai boko i kumu makawua kaul᷊i u e'e mariadi, i kumu matitong himoneu temponge seng masandighi kahingang.#24:33: temponge seng masandighi kahingang: arako I Sie seng masandighi, seng masandighi ruminta. 34Katitongte! Kaul᷊ie e'e sarung mariadi suhoro u manga taumata ko wiahi orasi i'i masue mate. 35L᷊angi l᷊au dunia sarung mailang, arawe hengetang-Ku matatapi sarang panginsuenge.”
Takoae ko matitong l᷊ou l᷊au orasi
(Mrk. 13:32-37; Luk. 17:26-30,34-36)
36“Takoae ko matitong kangereng l᷊ou l᷊au orasi, manga malaikati su sorga wugha, Ahusi u Mawu Ruata l᷊ai wugha,#24:36: Su l᷊al᷊ung u pira mbau wohe horo takoae: Ahusi u Mawu Ruata l᷊ai wugha. kitang I Yamang sisane matitong. 37#Kar. 6:5-8Boko Ahusi Taumata sarung sumongo, kakakoae musul᷊ung su tempo ngi Nuh horo. 38Su tempo tamai su horo u runu ko l᷊abo e'e, taumata kumang manginung, l᷊au mukawing. Kere'e turusi sarang nurating u l᷊ou i Nuh naawi su kapal᷊i. 39#Kar. 7:6-24Su tempo ngu runu e'e nahino si sire kaul᷊ie, mbuhue i sire natitong apang ko nariadi. Kere'e l᷊ai kakakoae boko Ahusi Taumata sarung sumongo. 40Su tempo e'e, pia dua ngkatau kahal᷊ie su awuhi: Singkatau sarung wawaneng, dang singkatau l᷊ai itintang. 41I sire rua kowawine kapunggilinge gandung: Singkatau sarung wawaneng, dang singkatau l᷊ai itintang. 42Inau, pakaingati, watu'u i kumu wugha kangereng Mawu Ruata ngi kumu sarung sumongo. 43#Luk. 12:39-40Tinaungete i'i! Andenge tataghuang u wal᷊e matitong pukul᷊i pira huwi e'e mananako sarung sumongo, i sie seng ta matiki, tadeau mananako ta sumu su wal᷊enge. 44Ual᷊ingu e'e i kumu l᷊ai mambeng panadia. Watu'u Ahusi Taumata sarung sumongo su orasi ko ta nikatitonang i kumu.”
Paparentang ko masatia l᷊au paparentang ko ta masatia
(Luk. 12:41-48)
45I Yesus sau nangul᷊i, “Boko kere'e, paparentang sude'e ko masatia l᷊au ko pande? I sie ihengke makoa tumbonang u paparentang ko wal᷊inge, tadeau i sie pupakang i sire su temponge. 46Wal᷊inge gampang l᷊iaghi u paparentang e'e boko mawunge musul᷊e, dang makahombang si sie kahal᷊ie. 47Pangimangte, mawunge e'e sarung mupakawala ngu kaul᷊i u rarotonge su paparentange e'e. 48Arawe boko paparentange e'e ko dal᷊ai, i sie sarung mangul᷊i su l᷊al᷊ung u naunge, 49Mawuku mborong mal᷊iwue mbuhue sau musul᷊e, bou e'e i sie nanita nundariha manga paparentang ko wal᷊inge, dang kumang nanginung dingang u tau ko babukang. 50Bou e'e mawunge sarung musul᷊e su l᷊ou l᷊au su orasi ko ta nikatitonang. 51Kuteu paparentang e'e sarung ipahangeng#24:51: nipahangeng kahingang-hingang: arako niuseri pasuwangu mawunge sarang pakawau-wau, dang irume su tampa u taumata ko pal᷊antikari. Pai se'e i sire sarung mumpal᷊ehe dang mutatahang u singsara.”
Currently Selected:
MATIUS 24: PLT
Highlight
Share
Copy
Want to have your highlights saved across all your devices? Sign up or sign in