MATIUS 25
25
Papinintu i sire mapul᷊o ko mahua
1 #
Luk. 12:35
“Boko Ahusi Taumata sumongo kere Mawu, kakakoae musul᷊ung u papinintu i'i: I sire mapul᷊o ko mahua mananundughi boroiti nangal᷊a sol᷊o ngu simbau-simbau, mbuhue nusumuwang nanginsomahi pardegong. 2L᷊ima ngkatau bo i sire ko bodoki, dang l᷊ima ngkatau ko wal᷊inge ko mapilesa. 3I sire l᷊ima mahua ko bodoki, numbawa sol᷊o, kateho ta numbawa wawaghe u l᷊ana. 4I sire l᷊ima mahua ko mapilesa nahia u sol᷊o ngi sire dingang u l᷊ana wawaghe'e. 5Pardegong e'e nal᷊iwue nusumongo, inau manga ana ko mahua e'e nanita nikapatikilang.
6Kal᷊oarange, mbuhue nikaringihi pia tingihi u kiha, ‘Pardegong nasongo! Maite somahe i sie!’ 7I sire mapul᷊o ko mahua e'e nuwangung, nundiko sol᷊o ngi sire. 8Manga mahua ko bodoki e'e nangul᷊i si sire ko mapilesa, ‘Onggol᷊eko singkodo l᷊ana ngi kumu si kami, watu'u sol᷊o ngi kami seng kaul᷊usi.’ 9‘Ta makaonggo!’ sasimbahi sire ko mapilesa, ‘watu'u ntihang l᷊ana ngi kite kaul᷊ie ta makataung. L᷊al᷊engte pul᷊uang su toko.’ 10Kuteu manga ana ko mahua ko bodoki e'e nul᷊umal᷊eng nundea l᷊ana. Su tempo ngi sire kal᷊al᷊enge pardegong nasongo. I sire l᷊ima ko mahua ko seng nasadia e'e, nusumu singkahindo dingang u pardegong su wal᷊e ngu sal᷊iwang, dang tukari dingang nihumping!
11 #
Luk. 13:25
Bou e'e i sire l᷊ima ko wal᷊inge nasongo. I sire kakuinge, ‘Tuang, Tuang, bukako tukari.’ 12Arawe pardegong e'e nusumimbahi, ‘Ia wugha ngi kumu!’ ”
13Bou e'e I Yesus nanginsue papinintu-Nge e'e kiri'i: “Ual᷊ingu e'e pakadiagate, watu'u i kumu wugha ngu l᷊ou nge arako l᷊ai orasi.”
Papinintu i sire tilu paparentang
(Luk. 19:11-27)
14 #
Kar. 19:11-27
“Boko Ahusi Taumata musumongo kere Mawu, kakakoae l᷊ai musul᷊ung kere su papinintu i'i. Pia singkatau ko ese manadia muwua sarang tampa ko marau. I sie nukumui manga paparentange, bou e'e nanarakang u rarotonge pakituhunge si sire. 15Su manga apang paparentange nionggol᷊ang tuhu kuati simbau-simbau. Su singkatau i sie nangonggo l᷊imahiwu doi wul᷊aeng. Su ko wal᷊inge i sie nangonggo duahiwu doi wul᷊aeng. Dang su singkatau l᷊ai i sie nangonggo sihiwu doi wul᷊aeng. Bou e'e i sie namundal᷊i. 16Paparentang ko nanarima l᷊imahiwu doi wul᷊aeng e'e dang natamai nudagang, bou e'e nakarea untunge l᷊ai l᷊imahiwu doi wul᷊aeng. 17Kere'e l᷊ai paparentang ko nanarima duahiwu doi wul᷊aeng e'e nakarea untunge duahiwu l᷊ai 18Arawe paparentang ko nanarima sihiwu doi wul᷊aeng e'e natamai nukal᷊i l᷊ohange su tana, bou e'e niwunie doi ngu tuange e'e su se'e.
19Mal᷊iwue kahingang bou e'e, i tuang i sire mbuhue nusul᷊e, dang nanita nurarekeng dingang i sire. 20Paparentang ko nanarima l᷊imahiwu doi wul᷊aeng e'e nusumongo, dang nanarakang mapul᷊ohiwu. ‘Tuang,’ angkunge, ‘I tuang nanarakang l᷊imahiwu doi wul᷊aeng si sia. Tuhungete, ia nakarea untunge l᷊imahiwu l᷊ai.’ 21‘Masidada,’ angkung i tuange, ‘I kau paparentang ko mapia l᷊au satia. Ual᷊ing i kau botonge ikapangumbang su hal᷊i ko dio, ia sarung manarakang hal᷊i ko nangilebe l᷊abo si kau. Sue tuhu dingangku su l᷊al᷊ung u kal᷊al᷊uasiku!’
22Bou e'e paparentang ko nanarima duahiwu doi wul᷊aeng e'e nusumongo, dingang nangul᷊i, ‘Tuang, i Tuang nangonggo duahiwu doi wul᷊aeng si sia. Tuhungete, ia nakarea untunge sau duahiwu.’ 23‘Masidada,’ angkung i Tuange, ‘i kau paparentang ko mapia dingang ko satia. Ual᷊ing i kau ikapangumbang su hal᷊i ko dio, ia sarung manarakang u hal᷊i ko nangilebe l᷊abo. Sue tuhu dingangku su l᷊al᷊ung u kal᷊al᷊uasiku!’ 24Bou e'e paparentang ko nanarima sihiwu doi wul᷊aeng e'e nusumongo, dingang nangul᷊i, ‘Tuang, ia matitong i Tuang taumata ko mahasa. I Tuang manipo wua su tampa ko i Tuang ta nusuang, dang mangal᷊a hasili su tampa i Tuang ta nanawuhi u sasuang. 25Ia mataku, inau ia natamai namuni doi ngi Tuang su l᷊al᷊ung u tana. Nanang i'i doi ngi Tuang.’ 26‘I kau paparentang ko dal᷊ai l᷊au ko maalasi!’ angkung i tuang e'e. ‘I kau wal᷊ingewe seng matitong ia manipo wua su tampa ia ta nusuang, dang mangal᷊a hasili su tampa ia ta nanawuhi sasuang? 27Kiko kere'e hinonge i kau mundeso doiku e'e su bank, tadeau su tempo ia mapul᷊e, ia sau makatarima doiku e'e dingang u rentenge. 28Ual᷊ingu e'e, al᷊a doi e'e bo i sie, dang onggoe su taumata ko seng pia mapul᷊ohiwu doi wul᷊aeng e'e. 29#Mat. 13:12; Mrk. 4:25; Luk. 8:18Watu'u su taumata ko seng pia, sarung sau onggol᷊ang pakaul᷊i, dang i sie sarung nangilebe nasuku. Arawe su taumata ko takoae, singkodo ko mborong ene si sie sarung ial᷊a l᷊ai. 30#Mat. 8:12, 22:13; Luk. 13:28Dang paparentang ko takoae gunange e'e, rumete su l᷊ikuri su kararundung. Pai se'e i sie sarung mumpal᷊ehe l᷊au mutatahang u singsara!’ ”
Pangadilang su L᷊ou ngu Kiamati
31 #
Mat. 16:27, 19:28 “Boko Ahusi Taumata sumongo musul᷊ung u Ratu ko nitakirang u apang malaikati-E, i Sie sarung kumangiang su kakangianeng-E ko mawantughi. 32Kaul᷊i u bangsa sarung ikomol᷊i su saruang-E. Mbuhue i Sie mupuhae ngi sire makoa dua ngkamonang kere gembala mupuhae ngu domba bou kambing. 33Manga taumata ko mukoa kao u Mawu Ruata nitani su simbuka kuaneng-E, dang i sire ko wal᷊inge su kuihi-E. 34Bou e'e Ratu e'e sarung mangul᷊i si sire su kuaneng-E, ‘Maite i kumu ko seng nial᷊amateng I Yamang-Ku. Sue su l᷊al᷊ung u kararatuang ko seng masasadia si kumu mborong bou tita u dunia. 35Watu'u su tempo Ia nahutung i kumu nupakang si Sia, dang su tempo Ia narou, i kumu nupanginung si Sia. Ia singkatau raghi, i kumu nanarima si Sia su wal᷊engu. 36Ia takoae l᷊aku, i kumu nangonggo l᷊aku si Sia. Ia masaki, i kumu nutal᷊ung si Sia. Ia su tutupang, i kumu seng nutul᷊ung si Sia.’
37Bou e'e manga taumata e'e sarung mangul᷊i, ‘Mawu, kangereng i kami nakawua si Kau nahutung bou e'e i kami nupakang si Kau, arako narou bou e'e i kami nupanginung si Kau? 38Kangereng i kami mbuae nakawua si Kau kere tau raghi, bou e'e i kami nanarima i Kau su wal᷊e ngi kami? Kangereng i Kau takoae l᷊aku-U, bou e'e i kami nangonggo l᷊aku si Kau? 39Kangereng i kami mbuae nakawua si Kau masaki arako su l᷊al᷊ung u tutupang, bou e'e i kami nutul᷊ung si Kau?’ 40Ratu e'e sarung sumimbahi, ‘Katitongte su tempo ngi kumu nukoa e'e, su singkatau bou tal᷊oara u ana u singkatau ngu maneng ko kal᷊al᷊aikange, e'e musul᷊ung u nikoa i kumu si Sia!’
41Bou e'e Ratu e'e sarung mangul᷊i si sire su kuihi-E, ‘Pangensoe bou i'i, manga kasuang! Putingkahunue su putung ko ta mate, ko seng masasadia guna ngu setang dang apang malaikatie! 42Watu'u tempo ngu Ia nahutung, i kumu takoae ko nupakang si Sia, su tempo ngu Ia narou i kumu ta nupanginung si Sia. 43Ia singkatau raghi, i kumu ta nanarima si Sia su wal᷊engu. Ia takoae l᷊aku-Ku, i kumu ta nangonggo u l᷊aku si Sia. Ia masaki l᷊au su l᷊al᷊ung u tutupang, i kumu ta nutal᷊ung si Sia.’ 44Kuteu i sire sarung mangul᷊i si Sie, ‘Mawu, kangereng i kami nakawua si Kau nahutung, arako narou, arako kere tau raghi, arako takoae l᷊aku, arako masaki, arako su tutupang, dang i kami ta nutul᷊ung si Kau?’ 45Ratu e'e sarung sumimbahi, ‘Katitongte: su tempo ngi kumu mandiri mutul᷊ung u taumata singkatau ko kal᷊al᷊aikange, mangal᷊enge i kumu mandiri mutul᷊ung u Ia.’ 46#Dan. 12:2Kuteu i sire e'e sarung ihukung su hukumang ko kakal, arawe i sire apang ko nukoa kao u Mawu Ruata sarung makapundang puwawiahi kahingang dang ko kakal!”
Currently Selected:
MATIUS 25: PLT
Highlight
Share
Copy
Want to have your highlights saved across all your devices? Sign up or sign in