MATIUS 18
18
I sai ko kal᷊abokange?
(Mrk. 9:33-37; Luk. 9:46-48)
1 #
Luk. 22:24
Su tempo e'e manga tumatuhu I Yesus nusumongo si Sie dang nukina, “I sai ko tuhungang kal᷊abokange su tal᷊oara umati Mawu Ruata?”
2I Yesus nukumui singkatau ana ko dio, dang nipararisi-E su tingo ngi sire. 3#Mrk. 10:15; Luk. 18:17Bou e'e I Yesus nangul᷊i, “Pangimangte! Kitang boko i kumu muwal᷊u mutingkakoa kere manga rario, i kumu sarung makoa umati Mawu Ruata. 4Taumata ko mutingkasana u watangenge dang mutingkakoa kere ana i'i, i sie e'e kal᷊abokange su tal᷊oara u umati Mawu Ruata. 5Dang taumata ko manarima manga rario kere i'i, ual᷊ingu Ia, musul᷊ung u nanarima si Sia.”
Manga hal᷊i ko makakoa taumata mukoa dosa
(Mrk. 9:42-48; Luk. 17:1-2)
6“I sai ko makakoa singkatau bou tal᷊oara u manga rario i'i sarang ta mangimang si Sia, mapiang i sie ikitang watu ngu gilingang su l᷊ehie bou e'e iwontol᷊i su l᷊auri ko biru. 7Wal᷊inge gampang silaka u dunia i'i ual᷊ingu manga hal᷊i ko makakoa dosa su taumata. Hal᷊i kiri'i mang pia sintinia, kateho kasasilaka su taumata ko makakoa e'e!
8 #
Mat. 5:30
Boko l᷊imau arako l᷊aeri u makakoa dosa si kau potoe dang rume'e. Mapiang i kau muwiahi dingang u Mawu Ruata takoae l᷊ima arako l᷊aeri simbuka, l᷊umiaghiu dingang l᷊ima l᷊au l᷊aeri dua mbuka bou e'e i kau irume su naraka. 9#Mat. 5:29Dang boko matau makakoa dosa si kau, l᷊oie mata e'e dang rume'e. Mapiang i kau muwiahi dingang u Mawu Ruata takoae mata simbuka, l᷊umiaghi dingang u mata dua mbuka bou e'e i kau irume su naraka.”
Papinintu domba ko nailang
(Luk. 15:3-7)
10“Pakaingati! Kumbahang muhinakang singkatau bou tal᷊oara u manga rario ko dio i'i. Watu'u putinaungte, manga malaikati sire sintinia mupasaruang I Yamang-Ku su sorga.
[11#Luk. 19:10 Watu'u Ahusi Taumata ruminta tadeau manal᷊amati taumata ko napal᷊iri!]
12Kirapa su titong i kumu? Boko pia singkatau taumata ko pia dombae mahasu, bou e'e nikailangeng u simbau bou manga dombae e'e, apa sarung koateng u tau e'e? Nal᷊ahe i sie mang manintang dombae siompul᷊osio e'e su wul᷊uri, bou e'e l᷊umal᷊eng mundea ko nailang e'e. 13Boko domba simbau e'e sau ikareae – pangimangte Sia – i sie nangilembo l᷊umiaghi u domba simbau e'e bou domba siompul᷊osio ko wal᷊inge ko ta nailang e'e. 14Kere'e l᷊ai I Yamangu#18:14: I Yamangu: pira mbau wohe horo: I Yamangku su sorga mandi boko pia singkatau bou tal᷊oara u ko wuhue mangimang si Sia i'i mapal᷊iri.”
Boko ana u singkatau'u nubardosa
15 #
Luk. 17:3
“Boko ana u singkatau'u nunsal᷊a su tingo ngu,#18:15: Su l᷊al᷊ung u pira mbau wohe horo takoae: su tingo ngu tamai ko sarang koae, bou e'e tiboko sal᷊ae. Koa ko e'e pakarumasi, piangete i rua. Boko i sie tumuhu wisarangu, kuteu i kau seng sau nakarea ana u singkatau'u e'e. 16#Sau. 19:15Arawe boko ta, pamaringang ko l᷊ai singkatau arako dua ngkatau. Watu'u su l᷊al᷊ung u Buki Susi pia kawawohe, ‘Mutingkadio pia darua arako tilu ngkatau saksi reakeng tadeau mupakal᷊ahe u singkatau e'e ko mang tingari nunsal᷊a.’ 17Boko i sie ta manarima tughu ngi sire, pakatitongte su jamaati. Dang panginsuenge, boko i sie mandi manarima tughu ngu jamaati, rekeng i sie kere mananuntu balasteng dang singkatau ko wugha ngu Mawu Ruata.”
Apang ko ilarang l᷊au ko ipuhino
18 #
Mat. 16:19; Yoh. 20:23 “Katitongte: Apang ko ilarang i kumu su dunia, mang l᷊ai ilarang su sorga. Kere'e l᷊ai apang ko ipuhino ngi kumu su dunia i'i, mang l᷊ai ipuhino su sorga.
19Dang katitongte l᷊ai: Boko su tal᷊oara i kumu su dunia i'i pia dua ngkatau singgighili su kaul᷊i u hal᷊i dang mukal᷊iomaneng u hal᷊i e'e, kakal᷊iomaneng e'e mang sarung itarima I Yamang-Ku su sorga. 20Watu'u suapang pia darua arako tilu ngkatau mukomol᷊i ual᷊ingu Ia, Ia ene su tal᷊oara i sire.”
Papinintu l᷊ang ko mandi munggile ampunge su taumata
21 #
Luk. 17:3-4
Bou e'e i Petrus nuruminta sarang koa I Yesus dang nukina, “Tuang, boko tuariku nunsal᷊a si sia, sarang pakapira ia mambeng munggile ampunge si sie? Manga paka pitu?”
22I Yesus nusumimbahi, “Ta, wal᷊inge we kitang paka pitu, kateho pitumpul᷊o paka pitu su sul᷊enge!#18:22: pitumpul᷊o nikali paka pitu: arako pitumpul᷊o paka pitu. 23Watu'u boko Mawu Ruata mamarenta, kakakoae musul᷊ung u papinintu i'i: Singkatau ratu mo murarekeng utang u manga l᷊ange. 24Su tempo ngi sie nanita nurarekeng, pia singkatau l᷊ang ko nangutang jutange nipupasaruang si sie. 25Dang ta nakawaehi. Ratu e'e nuparenta tadeau l᷊ange e'e pakiwal᷊u singkawal᷊u dingang ana l᷊au kawinge, dang kaul᷊i u rarotonge tadeau pamaehi utange. 26L᷊ang e'e nusuba su tingo ngu ratu e'e, dingang nukahioro, ‘Tuang, pusabari ko su l᷊angu. L᷊angu sarung mamaehi kaul᷊i u utang e'e.’ 27Ratu e'e nukumindaghi si sie, hakiu i sie nangumu kaul᷊i u utange.
28Su tempo l᷊ang e'e nusumuwang, i sie nusugha u ghawe'e, singkatau l᷊ang l᷊ai ko pia utange si sie pira hiwu. I sie naname ghawe'e e'e, nikile'e, dang nangul᷊i, ‘Waehi kaul᷊i u utangu!’ 29Ghawe'e e'e nusuba su tingoe apiru nundo, ‘Sabari ko horo tau, kaul᷊ie sarung daku waehang!’ 30Kateho l᷊ang e'e nanolaki. Bou e'e, i sie katewe nupasu si sie su l᷊al᷊ung u tutupang sarang i sie mamaehi utange. 31Suapang manga l᷊ang ko wal᷊inge nakawua apang ko nariadi e'e, naung i sire nasusa dang dingang nangalaki su ratu. 32Ratu e'e nukumui l᷊ang ko dal᷊ai e'e dang nangul᷊i si sie, ‘I kau l᷊ang ko dal᷊ai! Kaul᷊i u utangu seng daku nimu kitang ual᷊ing i kau nundo si sia. 33Wal᷊ingewe i kau l᷊ai mambeng pukumindaghi su ghaweu musul᷊ung ia l᷊ai seng nukumindaghi si kau?’ 34Ratu e'e nuwawal᷊uang dal᷊ai-l᷊ai. L᷊ang ko dal᷊ai e'e nipasue su l᷊al᷊ung u tutupang sarang i sie nakawaehi utange.”
35I Yesus nanginsue wuke-E dingang u didato i'i, “Kere'e l᷊ai I Yamang-Ku su sorga sarung mukoa si kumu singkatau-singkatau, boko i kumu ta munggile u ampunge su ana u singkatau ngi kumu dingang u naung ko matulasi.”
Currently Selected:
MATIUS 18: PLT
Highlight
Share
Copy
Want to have your highlights saved across all your devices? Sign up or sign in